ခရုတွေမှာ

အရာတစ်ခုကို စိတ်ကူးနဲ့အိပ်မက်မက်နိုင်တယ်ဆိုရင်
အဲဒါကို အကောင်အထည်ဖော်နိုင်တယ်တဲ့
ဝေါ့လ်တာ ဒစ်စနေကပြောတယ်

ခုတော့ သူဖြည်းဖြည်းချင်းလှမ်းနေနိုင်သေးတယ် ကြမ်းပြင်ဆီအားယူလို့ပေါ့
သူ့လက်ထဲမှာ ကလေးကိုပိုက်လို့
တစ်ဝိုင်းပြီးတစ်ဝိုင်း
ဖြည်းဖြည်းမှန်မှန်
သူဘာမှမစားရသေးတာ မနက်ကတည်းကပါတဲ့

အခု၃နာရီ
လမ်းဆီမှာ ငြိမ်လို့တိတ်လို့
ကိုယ်သာသူ့အစာအိမ်ထဲမှာဆို ဘယ်လိုတွေးရမလဲ
အခုတော့ သူဖြည်းဖြည်းချင်းလှမ်းနေနိုင်သေးတယ်
ဒီဘက်ကနေဟိုဘက်ဝိုင်းဆီ
သူအဆင်မပြေဘူး
သူ့ဒုက္ခက သူ့ခန္ဓာဝန်ထက်ပိုမိုလေးလံနေတယ်တဲ့
အခုထိတော့ ကလေးကို သူပိုက်ထားနိုင်ဆဲပဲ
သူ့ဆီပေးကမ်းရက်ရောတဲ့ အကြွေတချို့ကို လက်ခံရယူနိုင်ဆဲပဲ

ဟိုဘက်ဝိုင်းကနေ တခြားတစ်ဖက်
အခု
ကိုယ့်ဝိုင်းနဲ့ ဖြည်းဖြည်းချင်းနီးကပ်လာနေတယ်
တချို့ အကြွေမပါဘူးပြောတယ်
တချို့က သွားပါဦးဗျာတဲ့
တကယ်လို့ ကိုယ့်ဆီရောက်လာရင် ဘယ်လိုစကားဆိုရမလဲ
ထိုင်နေရင်း ကိုယ့်လက်တွေအေးစက်တုန်ရင်
သူအဆင်မပြေဘူးဆိုတာကို ကိုယ်သိနေတာပဲ
တွေးရင်း တွေးရင်းကိုယ်ဇောချွေးပြန်လာတယ်
ဖြည်းဖြည်းချင်း
စက္ကန့်တစ်ခုချင်း
ကိုယ်အဆင်မပြေဘူးဆိုတာကို သူသိမှသိပါ့မလား
ဘုရားသခင်
ခရုတွေမှာ ဘုရားသခင်ဆိုတာရှိပါသလား ။

သားဦး
၂၁ . ၉ . ၂၀၁၅

စာရွက်

ဖြူစင်တဲ့စကားတွေကိုသာ ကြားချင်တဲ့
သူတော်ကောင်းတစ်ယောက်ပါ။

ကျွန်တော်ဟာ သူ့ကို အိနြေ္ဒမဲ့တဲ့
မိန်းမတစ်ယောက်လို
အောင်သွယ်တဲ့အလုပ်ကိုလည်း ခိုင်းခဲ့ဖူးပါတယ်။

ကောက်ကျစ်တဲ့မိန်းမတစ်ယောက်လိုလဲ
အတင်းပြောခိုင်းခဲ့ဖူးပါပြီ။

သည့်ပြင်လူတွေကို မကျေနပ်တာနဲ့လည်း
သူ့ကို ဒေါသတကြီးနဲ့ ရေးခဲ့ဖူးပါတယ်။
ကျွန်တော်ရဲ့ ယုတ်မာတဲ့အစီအစဉ်တွေကို
လုပ်ဖို့လည်း
သူ့ကိုပြောပြခဲ့ဖူးပါပြီ
ကျွန်တော့်အကြောင်းကိုတော့ အားလုံးလိုလို သူသိခဲ့ပြီးပါပြီ

ဒါပေမယ့် သူ ကျွန်တော့်ကို ကနေ့ထိ
ဘာမှ မဝေဖန်ဘူး
မြင်သူမရှက်ပေမယ့်
ကျွန်တော် ရှက်လှပါပြီ။

ဒီတော့ ကျွန်တော် လိမ္မာပါပြီဆိုတဲ့အကြောင်းကို
ကျွန်တော့်အဖေ ဝမ်းသာအောင်
သူ သွားပြောပေးမယ်တဲ့။ ။

မောင်ဒီ
၁၉၇၁ ဖေဖေါ်ဝါရီ

ကမ္ဘာကြီးလုံးသွားခြင်းအကြောင်း

ငြင်းမနေကြပါနှင့်
လက်ဝဲနှင့်လက်ယာ
သင်တို့နှစ်ဦးဟာ
ဖိုနှင့်မ တို့သာ။

စကြဝဠာထဲမှာ
တခြားဘာမှ မရှိဘူး
ထူးပြီးစဉ်းစားလျှင်
ရူးခြင်းသာလျှင် အဖတ်တင်မည်။

ဖိုနှင့်မ ဆိုတာ စိတ်ကောက်တက်ကြတာပါပဲ။
ဒါပေမယ့်လည်း
အမြဲမဟုတ်ဘူး။

ထိုအခါ
ကမ္ဘာကြီးမှာ လုံး၍လာပြီးလျှင်
တစ်ခုတည်းပင် ဖြစ်၍သွားလေဧ။်

မောင်ဒီ
၁၉၈၈ ။ မတ်လ ။ ချယ်ရီ

ခေါင်းအုံးကလေး

အမေသည် ခေါင်းအုံးကလေးတစ်လုံးကို ချုပ်၍နေလေသည်

တစ်ရက်တွင် အမေသည် သူ့ခေါင်းအုံးကလေးနဲ့ နှစ်နှစ်ခြိုက်ခြိုက်
အိပ်ပျော်နေတယ်။

ကျွန်တော်သည် အမေနိုးမည်စိုးရျု ခြေကိုဖော့ကာ
ကျွန်တော၏ ကျောက်သင်ပုန်းကလေးနှင့်
ကျောင်းကို ထွက်ခဲ့တယ်။

ကျွန်တော် ကျောင်းကပြန်လာသောအခါတွင်
အမေနှင့် သူ၏ ခေါင်းအုံးကလေးကို မတွေ့ရတော့ပါ။

တစ်နေ့တွင်
ကျွန်တော်သည် အမေ၏ ပျက်စီးနေသော
ခေါင်းအုံးကလေးကို ရွာ၏နောက်ဘက်၌
ပြန်တွေ့ရပါတယ်။

အမေ့ကိုတော့ ယနေထိ မတွေ့ရတော့ပါ။

မောင်ဒီ
၁၉၇၁

ထင်ရှားသည့်အမှတ်အသားက ကိုးကွယ်သည့်ဘာသာ

ရေဟာ ရေပါပဲ
ရေတွင်းက ရေ
ပိုက်ကလာတဲ့ ရေ
...စသည်ဖြင့်
အိမ်သာထဲလည်း ရောက်တယ်
ဘုရားစင်ပေါ်လည်း ရောက်တယ်
အသုံးချတတ်မှုနဲ့ တန်ဖိုးထားတတ်မှုဟာ ဘာသာရေးပဲ။

နေ့လွဲညစာအတွက်ပါ စားထားတဲ့ ဥပုသ်နေ့တွေဆို
ဓမ္မာရုံတွေက ဓမ္မပူဇာတေးတွေကို အတင်း အဓမ္မ ဖွင့်နေတယ်။
နားထောင်တတ်မှ ကြားရတဲ့ ဓမ္မ
အတိုးအကျယ် မရှိဘူး
အကျဉ်းအကျယ်သာ ရှိတာပါ။

ဘုရားပွင့်ခဲ့တဲ့ ဗောဓိညောင်ပင်
ဘုရားနားမှာ
ဘယ်သူမှ မတို့ရဲ မထိရဲ
အခု
ဘုရားကို မြိုနေပြီ
ငြမ်းက ဘုရားကို ဖျက်နေပြီ။

နိဗ္ဗာန်က အသွားပဲရှိတယ် အပြန်မရှိဘူး
ငရဲက အသွားရော အပြန်ရောရှိတယ်။

နိဗ္ဗာန်က ဖြတ်လမ်းမရှိဘူး
ငရဲက ဖြတ်လမ်းရှိတယ်။

ဘယ်လိုလဲ...
ဘယ်ကိုသွားမလဲ... ဘယ်လိုသွားမလဲ...
မြင်တာကို မြင်တယ်လို့မှတ်ဖို့
မြင်ပေမယ့် မမြင်နိုင်ကြဘူး။

ကျယ်ရမယ့် မျက်စိကျ မကျယ်ဘူး
မကျယ်ရမယ့် ဖင်ခေါင်းကျ ကျယ်နေတယ်
ဦးဇင်းလေးဟောတဲ့တရား တဟားဟားနဲ့ ပွဲကျလို့
တရားပြပေမယ့်
တရားမရတဲ့သူတွေလေ...၊

ဆုတောင်းတိုင်း မပြည့်ဘူး
တောင်းတဲ့ဆုတွေက ပါးစပ်ကြီးနဲ့အပြည့်၊

အကုသိုလ်တွေ ပါလာမှဖြင့်
ခွဲတမ်းနဲ့ ဝေနေတဲ့ အမျှ
သာဓုတွေ ခေါ်နေကြတယ် ။

ဆီမီးပူဇော်တာလို့ ခေါင်းစဉ်တပ်
အပူတွေကို အပူတွေနဲ့ အပူတိုက်
လောင်မြိုက်နေတဲ့ လောဘတွေနဲ့

မရှိတော့တဲ့ ဘုရားကို တ လို့
ရှိနေတဲ့ တရားကို မေ့လို့ ...။

ဆည်းလည်းသံတွေ ရယ်ပွဲဖွဲ့နေပြီ...။          ။

လင်းမိုးစွေ
၂၁.၈.၂၀၁၅
PM ၀၁:၅၅

ပိုစ့်ကဒ်ကဗျာ ၃၁

မင်းက
လက်မြှောက်ထားတာလို့
အမြင်မှားနေတာပါ

တကယ်ဆို ကိုယ်က
အမြင်မှန်ရအောင်
ကင်းမြီးကောက်ထောင်ပြနေတာပါ။

ဝင်းမြင့်
၂၈ ၃ ၂၀၁၆

ပိုစ့်ကဒ်ကဗျာ ၃၃

အစားမထိုးဘူး
သိလား

မိတ္တူကူးစက်တွေ
ပေါလွန်းလို့။

ဝင်းမြင့်
၂၉ ၃ ၂၀၁၆

နား နား ပြီး ပြော

ဘာမှန်းမသိတဲ့ အရာတွေနဲ့
ဘယ်မှမရောက်တဲ့ လမ်းတွေနဲ့
ကျွန်တော်ယူထားတဲ့ ယာဉ်ကြောက
ဘယ်တော့မှ မမောဘူး။

ဘယ်တော့မှ မကျေဘူးဆိုတဲ့အကြွေးကို
မသေမချင်းဆပ်လို့
ဘယ်တော့မှ မသေဘူးဆိုတဲ့ ကဗျာကို
အညံ့ခံရေးလို့
အိမ်ပြန်ခဲ့တယ်ဆိုတာလည်း
အရာအားလုံးနဲ့ လွဲလို့။

တစ်ခုနဲ့တစ်ခု
ရှေ့ဆက်ဖို့ ဆက်သွယ်ထားတာလည်း
တေ့ဆက်
မီးနီက အနုတ်လက္ခဏာကို သုညအထိ ပြတယ်
လမ်းမှာတွေ့တာဆိုတော့
ခေါင်းထဲမရောက်ဘူး

ပြန်လမ်းမရှိတဲ့ နေရောင်မှာ
တို့နှစ်ယောက်ဝေးကွာနေရတာလည်း ငွေကြေးတစ်ခုတည်း
ဒီအကြောင်းကို စကားစမိတော့
ကောင်မလေးက "အဲဒါ ဘယ်နှစ်နှစ် ရှိပြီလဲ"
ကျွန်တော်က "အရင်ဘ၀က အဆက်တွေ" ။

စိုင်းဝင်းမြင့်
(၂၆-၆-၂၀၀၃)

TAKE A BREAK AS YOU TALK

The lane I've taken
Never gets tired
Of the things I don't knows,
And the roads lead to now here.

I pay back
the debt that would be settled
Till to my last breath;

I keep on witing in surrender
the poem that is immortal;
I return home
'Cos I've missed everything.

One is connected to another
head to head
To go forward
The Red Light signals Minus
Down to Zero
What I came across on the way
Doesn't enter my memory.

We tow are from apart
in the sunshine that finds no return,
It was the cash that split us.
When our conversation came to this topic,
My Sweetie said, "How many years has it been?"
"It's the Past Connection" I replied.

Sai Win Myint
(26-6-2003)
Translated By Zaw Tun

အမှောင်ဟာ ငါ့သွေးထဲ ရေနက်ထဲ ငရဲလို

စိတ်ပစ္စည်းထုတ်လုပ်ရေးဟာ
အသက်အန္တရာယ် ရှိခဲ့မယ်လို့ ဘယ်သူထင်မှာလဲ
အကန်းလိုရောက်တဲ့နေရာတိုင်း
အကန်းလို ဘယ်ကိုတိုးပြီး ဘယ်ကိုတိုက်မှာလဲ
ဖမ်းယူရရှိမိတဲ့ အသံထဲ မကြာမီ အဲဒီစစ်သင်္ဘောကို ဖျက်ဆီးပစ်တော့မယ်လို့ သိရပါတယ်။
ဒီလောက်အထိ ရှင်းတာကို မရှင်းဘဲ
ပြောစရာမဟုတ်သလိုလို
ငါ စမ်းနေတဲ့ တရားက အကန်း
ငါ ငိုနေတာကို မြေမြှပ်ပစ်ခဲ့တယ်။
ကုတ်ခြစ်သံများ
အိပ်မက်သတင်း၊ သတိရခြင်းများ၊ မီးခိုးဖြူဖြူများ
ကျွန်တော်က ဒီမှာ
ငရဲလို ခြစ်ခြစ်တောက်ပူလို့ ။

ဟိန်းမြတ်ဇော်

အကျအပေါက်များ

ပိုသိလာတာအစား
ကြံစည် စဉ်းစားလို့ ပိုသိလာတာလို့ ပြင်ပေးပြီးပြီ
လောကထဲ
အညွှန်းများအတိုင်း
ကမ္ဘာခြား အချစ်နဲ့ဟာသများ
အဆီထဲက အသားများ
အသားထဲက အဆီလို ကစဉ့်ကလျား
စာကြောင်းများရွေ့နေနိုင်ပါသည်။

အောက်တစ်ကြောင်းကို ချပြီး
ဒီမနက်မှာ ဆုံတွေ့ဖို့ပဲ
ခင်ဗျားပါးစပ်ထဲကို ထိုးထည့်လိုက်ရင်
တောင့်ခဲနေတဲ့ နေ့တာအတိုလေးတစ်ခု ပြန်ထွက်လာလိမ့်မယ်

ခရီးက ၀င်္ကပါ
ဘယ်ကိုရောက်သွားတဲ့ တရားလဲ

ရုပ်ပုံလွှာကို ဖတ်ပြီး
နင်နေတဲ့
ဖုန် ခဏ ခဏ သုတ်နေရတဲ့
နိမိတ်ပုံကိစ္စလား

ရှင်နဲ့ ကျွန်မ (ယာယီအလေးချိန်)
ရေညှိစိမ်းစိမ်းများ (အဆစ်အမြစ်များ)
ပိတ်စတစ်စပေါ် အစုလိုက်အပြုံလိုက်
အလင်းပေါက်ကလေးတွေက
ခင်ဗျားရှာနေတဲ့ ခင်ဗျားရဲ့ ပျောက်ဆုံးမှုမျိုးဆက်လား။

ဟိန်းမြတ်ဇော်

ခေတ်ပေါ်အသံ

အခြားသော
အကြောင်းတရားများဝေးလို့
ကိုယ့်အကြောင်း ကိုယ်တောင်
မပြောတတ် ပြောတတ်
ဖွင့်ပြောနေခဲ့တယ်။

အိုင်းစတိုင်းလို အဘိုးကြီးတစ်ယောက်
ကမ်းခြေမှာ
ခရုကောက်လို့ရသလောက်ပဲ သိသတဲ့။

ဒါဆို ငါလည်း
ကမ်းနားမှာ
လမ်းများနေတာ သေချာသွားပြီပေါ့။

ကျွန်တော်က အ အ ပါ
ချစ်ဖို့ . . .
စားဖို့ သောက်ဖို့နဲ့
လူမြင်ကောင်းအောင် ချွေးထွက်ဖို့က လွဲလို့
ကျွန်တော်က အ အ ပါ။

ဟုတ်ပြီ
ကိုယ့်ရုပ်ကြီး ကိုယ်ချဉ်တိုင်း
လမ်းမှာတွေ့တဲ့ လူတိုင်းကို
ဟေ့လူ ခင်ဗျားပျက်စီးနေသလား
ဒီလို ပဋိသန္ဓေရစကား ဆို
ပြီး . . အရာရာဟာ
အားအားရှိတိုင်း ပေါက်ဖွားနေတာ
ဟုတ် မဟုတ်
အဖြေကို နာခံလိုက်ဖို့ အသင့်ပါ။

ခုများတော့ ဘာမဆိုင် ညာမဆိုင်
လူတွေကို
စကြာဝဠာနဲ့ ကိုင်ပေါက်ချင်တဲ့
ဥာဉ်က ပေါ်လာပြန်
အိုင်းစတိုင်းမဟုတ် ဘာမဟုတ်
ကိုယ့်ကိုယ်ကို
ဆိုဆုံးမလို့မရတာ ကြာပြီ
ခရုမကောက်ချင်ဘူး
ပင်လယ်ကို လိုချင်တာ။

ထွန်းဝေမြင့်
ဟန်သစ် ။ သြဂုတ် ။ ၁၉၉၁

THE MODERN VOICE

Far from talking about other things,
I open my heart
and stammer
To talk about myself.

Even an old man like Einstein says,
He knows only things
As far as a child sea shells on the shore.

Then I must be getting lost.
But the seashore.

I am a dumb,
I know nothing
Except to love,
To eat and drink,
To perspire undisturbed
in the presence of other people.

Yes, that's right.
Since I am fed up with my looks,
Whoever I meet on the road,
I say, "Have you gone spoiled?"
This is my common greeting.
Then I am ready to accept the answer to
Whether everything is being reproduced
at its own will.

These days,a passion has seized me;
I want to throw the Cosmos at the peope.
I am not Einstein, I am nobody,
But it's been a long time
I have run wild, getting out of control.
It's not the seashells I want,
But the Sea itself.

Tun Wai Myint
Han Thit Magazine,August,1991
Translated By Zaw Tun

ပန်းလှေ

မော့ကြည့်နေဆဲမှာ
တိမ်တစ်စဟာ ပျောက်ဆုံးသွားခဲ့
နာကျင်ကိုက်ခဲမှုတွေသာ
ရင်မှာကျန်ရစ်
ပြန်မဖြစ်နိုင်တော့တဲ့ အိပ်မက်တွေကိုတော့
ကြိုးလျော့ဂစ်တာတစ်လက်လို
ပြန်ညှိဖို့ ကြိုးစားနေမိ
သတိတရား လက်လွတ်စွာလေ။

များလိုက်တဲ့မာယာတွေ
ကမ္ဘာမြေက
ဘာလို့များ လက်ခံထားတာပါလိမ့်
ငြိမ့်ငြိမ့်သာသာ စီးမျောနေတဲ့
ပန်းလှေတွေ
ပန်းတိုင်ကို အတူရောက်ကာ
ပျော်နိုင်ကြမှာလို့
ဘာလို့များ မိုက်မဲစွာ
လက်ခံထားခဲ့မိတာပါလိမ့်။

ခရီးရဲ့တစ်ဖက်တစ်ချက်
ဝဲဂယက်တွေ
ကမ်းခြေမြို့တွေ
ပြီးတော့ တိုက်ခိုက်ခံရမှုတွေ
ဒါတွေကို ... ငါ
ဘာလို့ မေ့ထားခဲ့မိတာပါလိမ့်။

သတိဝင်လာချိန်မှာ
ပန်းလှေများစွာ
တချို့...ကမ်းကပ်ခဲ့ကြ
တချို့...နစ်မြှပ်ခဲ့ကြ
တချို့...အတူစီးမျောဆဲ
မျက်ဝန်းအသိထဲ
မကြည်လင်စွာ...။

ဟင့်အင်း...
အဲဒါ
ပန်းလှေပေါ်က
မိုးရေစက်တွေ မဟုတ်ပါဘူး
ကျွန်မရဲ့ မျက်ရည်တွေပါပဲ။

မနော်ဟရီ
မဟေသီ။မေ။၁၉၉၆

ငါ့ညီမလေးရဲ့ လက်ကိုင်ပ၀ါ

ငါ့ ညီမလေးရဲ့ နှုတ်ခမ်း
နီမြန်းတွဲခို နှုတ်ခမ်းနီစို မဟုတ်ဘူး။
ခေါင်းစီးနီနီနဲ့
ငါ့ ညီမလေးရဲ့ ဆံပင်များ
မိုးသား တိမ်ဖြူဖြူထဲ လွင့်ပါသွားတယ်။
ပန်းနုရောင်နေခြည်ထဲမှာ
ငါ့ ညီမလေးဟာ ဝေဒနာတွေ ပေးဆပ်ခဲ့ရတယ်။
နှင်းဆီခြေထောက်များ
ဆုပ်ထား တင်းကျပ်တဲ့လက်
နှုတ်ဆက်တဲ့ မျက်လုံး
တစ်သက်လုံး ငါ့ ညီမလေးရေ
တောက်ပြောင် ခံ့ညားစေခဲ့။
ငါ့ ညီမလေးရေ ဘယ်မှာနေသလဲကွယ်။
လမ်းမကြီးတွေကို မေးကြည့်တယ်
ကန်ရေပြင်မှာ စုံစမ်းကြည့်တယ်
အနီရောင်ဆေးခြယ်ထားတဲ့အိမ်ဟာ
ငါ့ ညီမလေးရဲ့လိပ်စာ မဟုတ်ပါဘူးကွယ်။
ဒါပေမဲ့ ကျန်ခဲ့ရှာသော
ငါ့ ညီမလေးရဲ့ လက်ကိုင်ပ၀ါ
ငါ့ သွေးကြောမှာ ဖျပ်ဖျပ်လွင့်မြူး
နွေဦးပေါက်ချိန် ရောက်ခဲ့ပေါ့။
ငါ့ ညီမလေးရေ ဘယ်မှာနေသလဲကွယ်။

ကောက်နွယ်(ကနောင်)
ရသမိုးကောင်းကင် ။ ဇူလှိုင် ။ ၁၉၈၈

MY LITTLE SIS'S HANDKERCHIEF

My little Sis's lips
Not thick and red with the lipstick;
her hair tie in a red scarf
Flows in the white clouds;
She gave me heartaches
When the sun was shining in pearly pink glow;
A rose's throy claws,
Clasping my hand,
Eyes saying goodbye,
Farewell,dear little Sis,
Glories were gone into the past.
My dear Little Sis,where are you?
Roads, tell me where she is,
Pond, tell me where she is,
No, the house painted red
is not her address.
But the handkerchief she left
Agitated my throbbing blood veins.
So the spring came.
Where are you, my dear little Sis.

Kauk Nwe (Kanaung)
Yatha Moe Kaung Kin Magazine (July,1988)
Translatted By - Zaw Tun

ငါ့ သူငယ်ချင်းများနဲ့ ယန်ပေါဆတ်လက်ဖက်ရည်ဆိုင်

အာဟာရအသံတွေ လွင့်ဝဲနေပုံက
ကုန်ရှုံးလာတဲ့ သင်္ဘောရဲ့ ဥသြသံလို။
ပျင်းရိဖွယ်နေ့များ ညှော်ဝင်ခဲ့
အတောင့်လိုက်ပြာကျသွားတဲ့ နေ့လယ်ခင်းများ
ငါတို့မော့သောက်လိုက်တဲ့ လက်ဖက်ရည်နာမည်ဟာ
အတ္တဘ၀ အမှန်ဝါဒဖြစ်တယ်
တစ်ယောက်အပူကို
တစ်ယောက်က ညှိယူရှိုက်ဖွာနေရ။
"မိုးကလည်း ခေါင်လိုက်တာနော်"
"ဟိုကောင် ပိုက်ဆံကို အခုထိဘုရားထင်နေတုန်းပဲ"
"မွေးနေ့ကျော်ရင်တော့ ကံကောင်းပါပြီ" တဲ့
သီချင်းသံကို နားစွင့်မိတော့
ငါတို့အဖေခေတ်က ရေဒီယိုကြီးဖြစ်နေခဲ့
ရေနွေးပူလောင်ခဲ့တယ်။
လူဆိုတာ
ကိုယ့်လက်ဖက်ရည်ခွက်ထဲ ပြုတ်ကျတဲ့ ယင်ကောင်ကို
ရွံတတ်သလို
ကိုယ့်ကိုယ်ကို မသောက်ဘဲ ထပြန်လို့ရပါသလား
စီးကရက်တစ်လိပ်စာ အိပ်မက်ထဲမှာ
မီးခိုးတလူလူတွေရဲ့ လှုပ်နိုးမှုခံလိုက်ရချိန်
ဘ၀ဟာ လက်ဖက်ရည်တစ်ခွက်ဖြစ်တယ်
ဘ၀ဟာ ယင်ကောင်တစ်ကောင်ဖြစ်တယ်
ဒီနားလေး ခဏဆိုပြီးထွက်သွားတဲ့
မိတ်ဆွေတို့ကလည်း အခုထိပြန်မလာကြတော့။

ကြည်ဇော်အေး

ငရဲ နဲ့ နိဗ္ဗ္ဗာန်

အဇာတသတ်ကလည်း
နောက်ကို လှည့်မကြည့်တော့

ဒေ၀ဒတ်ကလည်း
နောက်ကို လှည့်မကြည့်တော့

လွမ်းရစ်တော့ သက်လှယ်ရယ်
သိဒ္ဓတ္တကလည်း နောက်ကိုလှည့်မကြည့်တော့
ကိုယ့် ပါရမီနဲ့ကိုယ်
သွားစရာရှိတာ သွားကြတယ်။

ခင်ဇော်မြင့်
လရောင်လမ်းချိုး အမှတ် (၂)

နာမည်အမှန်

မင်းမျက်ဝန်းမှာ ငါ ကိုယ်တိုင်ကျရတော့မှ
ငါ့ နာမည်အမှန် ငါ သိရ
ဘုရားသခင် လွှတ်လိုက်တဲ့ မျက်ရည်ပဲ

ခွန်အားများစွာ
ပြန်ရကြဖို့
ငါ ကျပါရစေ

သုခမိန်လှိုင်

နွေဦးငြိမ်းချမ်းရေး

မျက်ရည်လည်းထွက်
သွေးလည်းထွက်ပြီ
မင်းလက်နက်ကို ချလိုက်တော့

သုခမိန်လှိုင်
14 mar 2016

ခနောကဗျာ

ဆားနည်းနည်း
သကြားနည်းနည်း
ဒီကဗျာက
သဘာဝ ကြက်သားစစ်စစ်နဲ့
ထုတ်လုပ်ထားပါတယ်
လူမျိုး ဘာသာမရွေး ဖတ်ရှုနိုင်ပါပြီ ။

ခင်ဇော်မြင့်

အဘိဓာန်

ကိုယ်လှန်ကြည့်ဘူးတယ်
ခေါင်းအုံးအိပ်ဖူးတယ်
သူကအတော်ထူတယ်
ကျနော်က သူ့ကြောင့်ပါးတယ်။

ဝင်းမြင့်
၈၊၂၊၂၀၁၆

ငှက်ကလေးရဲ့ အိမ်ပြန်ချိန်

အိမ်အပြင်မှာ လေတွေတိုက်နေတယ်
ပြာဖျော့ရီဝေတဲ့ညနေခင်းလေးဟာ
ညောင်းညာနေသောအတောင်ပံများကို ဖြန့်ခင်းဖို့
မှားယွင်းစွာကောက်ဆက်ထားတဲ့ရင်ဘတ်အကွဲကို စကနေပြန်စီဖို့
တိမ်တွေကိုကြည့်ရင်း စိတ်ရှိလက်ရှိအိပ်ပစ်လိုက်ဖို့
မြက်ရိုင်းလေးတစ်ပင်ကို ဆွဲနှုတ်
အဓိပ္ပာယ်မဲ့လေထဲကိုပစ်လွင့်ပြီး အသံကုန်ဟစ်အော်ဖို့
မေ့သင့်တဲ့လူတွေ
မေ့ပစ်သင့်တဲ့တချို့ အကြောင်းအရာတွေကို
အကြောင်းပြချက်မဲ့စွာ မျက်နှာလွဲလိုက်ဖို့
မေမေရေ
ငှက်ကလေး အိမ်ပြန်ရောက်ပါပြီ ။

စစ်ငြိမ်း
၂၀၁၄

ဒွိ

စိတ်ကူးနဲ့တော့ ရူးလိုက်ပါရဲ့
အဆုံးကမရှိ
ဒါနဲ့ပဲ
အရှိတရားဆီလျှောချလိုက်တယ်
အစကိုမတွေ့ရတော့ပြန်။

ကောက်ကွေ့

စာအုပ်ခန်း

မေးမိတယ်
ဓာတ်တိုင်ကိုပဲ ကြောက်ရမလား
သစ်ပင်ကိုပဲ ကြောက်ရမလား
ထီးပြင်သမားက ထီးပြင်တာလား
ဖိနပ်ချုပ်သမားက ဖိနပ်ချုပ်တာလား
ဒီလိုနေ့ရက်တွေထဲ မျောပါနေရတာ
ဘာရယ်မဟုတ်ဘူး
ကျီးတစ်ကောင်ရဲ့ မျက်လုံးကိုလည်း လန့်တယ်
အခန်းထဲပြန်ဝင် စာတွေဖတ်ပြန်တော့လည်း လန့်တယ်
ဖတ်ပြီးသားတွေ ပြန်ပြန်ဖတ်နေရတာကိုက
ဒီတံတားကို ဖြတ်ကျော်နေရတာနဲ့ ဘာထူးသလဲ

အစတစ်စကို ဆွဲမိတယ်
မှောင်လာတော့ ဆွဲမိတဲ့အစဟာ မြွေလား
မီးလုံးတစ်လုံးလို ငါ့ကို တွဲလောင်းချမယ့် ကြိုးလား
ကြောက်တယ် ။

မိုးဝေး
၂၀၀၂

တံခါးရွက်တစ်ခု၏ နံရံမှ

နှင်းတွေ
မှောင်တော့မယ်
ရောက်လာတော့မယ်
ဘယ်လိုမှ တွန်းထုတ်လို့မရမယ့် နှင်းတွေ

ငါ့အရိပ်လိုပင်
သစ်ကိုင်းတို့ ငုံ့ကိုင်း

ဘယ်ငှက်မဆို ခွေခေါက်ပျံသန်းရ
နီးရာပွင့်သောပန်းကို ခူးရမှာကြောက်ရ
မွှေးရနံ့နှင့် ပြည့်စုံသော
အဝေးက ဓားကို တောင့်တ

အစိုင်အခဲဖြစ်နေတဲ့နေ့ကို
လွှတ်ချလိုက်တယ်

လူတစ်ယောက်ရဲ့ အစအနတွေပဲ။

မိုးဝေး

နတ်သမင်တစ်ဦးရဲ့ ဒိုင်ယာရီ

အဲဒီစီးဆင်းမှုထဲမှာ
ဂျုံခင်းဟာ ဂျုံခင်းနဲ့မတူတော့
ရထားဟာ ရထားနဲ့မတူတော့
အခါမဲ့ရွာချလိုက်တဲ့ပန်းတွေက မြေလမ်းပေါ်မှာဝါလို့
ကောင်းကင်ကို ပလပ်ထိုးကြည့်တော့
တစ်စစီပြန့်ကြဲနေတဲ့သိုးများ သမ်းဝေနေတဲ့မြွေတစ်ကောင်နဲ့ အမည်မဲ့နေ့စွဲတစ်ခု
ချောင်းစပ်မှာ သဲတွေနဲ့ ပိကျနေတာ ၁၈ ရာစုရဲ့ ဆင်ခြေတုံတရားပေါ့
ခုမြင်နေရတဲ့ ရှုခင်းကလေးကို စကားလုံးနဲ့ဖော်ပြလို့ရပါသလား
ဘုရားသခင်က လက်ပတ်နာရီရှာနေတုန်း

ငါ ပျံဝဲနေခဲ့တယ် ။

မောင်ဆေးရိုး
သောင်းပြောင်းထွေလာရယ်စရာ ။ ဇန်န၀ါရီ ။ ၂၀၀၃

စစ်ပွဲ

တစ်ခွက်ပြီးတစ်ခွက်နှစ်ချို့အမှားအယွင်းဝိုင်
ချိုးသားရင်အုံကြော်က ဖဲ့မြည်းစရာ
တစ်စက်မကျန်အကုန်မော့သောက်ရင်း
ဒေါနဲ့ မောနဲ့ ကန်ကြောက်ထွက်သွား
နတ်ဆိုးတောင်ကုန်းဆီ ။

မောင်ဆေးရိုး
ရယ်စရာ ဂျုလိုင် ၁၉၉၇

ယာမြေ

မိုးရက်တွေနဲ့အတူ လွင့်တက်လာတဲ့ ယာမီးခိုးတွေပေါ့
ပေါင်းမြက်တွေကိုသာ တစ်ပွေ့ပြီးတစ်ပွေ့ ပစ်ထည့်နေမိတယ်။
ပြာနဲ့ချွေးစက်တွေကတော့
ထယ်ရေးတွေအောက်မှာ မြေဆီဖြစ်သွားကြ
ဘ၀ရဲ့တစ်ဝက်စာကို
မျိုးစေ့တွေနဲ့အတူ ကြဲပက်လိုက်တဲ့အခါ
တစ်အိုးတစ်အိမ် သီးပွင့်လာမယ့် မျှော်လင့်ခြင်းဟာ
အသက်ရှူသံပြင်းပြင်းနဲ့
ကန်သင်းကျိုးခဲ့ပေါ့ ။

မောင်ဆေးရိုး
ပန်းဝေသီ ။ သြဂုတ် ။ ၁၉၉၆

ချစ်သူ

မင်းနဲ့ငါ
တူသလိုပဲ

နောက်ပြီး
မတူသလိုပဲ။

အောင်ချိမ့်
ကဗျာ့အသံ အစီအစဉ် ၆ မှ

ကူးခတ်ကြခြင်းများ

ဓားချက်ဟာ လှပလွန်းတော့
ရေထဲက ငါး (သူ သေတာ သူမသိ)
ဟင်းခွက်ထဲမှာ ဆက်လက် ကူးခတ်နေပြီ

မွှေးမွှေးပျံ့ပျံ့ပါပဲ
အရာရာ မွှေးမွှေးပျံ့ပျံ့ပါပဲ ။

သုခမိန်လှိုင်
ကဗျာ့အသံအစီအစဉ် ၆ မှ

ပုဂ္ဂလိကဆန်ဆန်ကဗျာ

လက်ဆောင်ရတဲ့ သရက်သီးတစ်ပွဲ
ကိုယ်တို့စားပွဲမှာ ချိုပါတယ်
ခင်ခင်ပျို ချိုသလို ချိုတယ်။

အရေးတကြီး
ပျာယီးပျာယာ ၀င်လာသူတွေကို မြင်ရတော့
အရင်ရောက်နှင့်သူ လူနှစ်ယောက်
တစ်ယောက်ကိုတစ်ယောက် ပြန်ကြည့်၊ ပြုံးစေ့စေ့ ဖြစ်လို့ ။

ခြေထောက်ဆန့်လို့မရ၊ ခါးလှည့်လို့မရ
လှည်းလေးထဲမှာ ကျဉ်းကျဉ်းခွေ့ခွေ့
ဒါကိုပဲ သဘောတွေ့ကြ

တို့ ညီအစ်ကိုတစ်တွေ တိုရေရှားရေ ချစ်ကြရ
ချွေချွေတာတာ ချစ်ကြရ
တစ်ယောက်တစ်လှည့်စီ ဂျိုကာဖြစ်ကြ
တစ်ယောက်တစ်လှည့် မီးပျက်ကြ
တစ်ယောာက်တစ်လှည့် စက်ပိတ်ထားကြ
သေသွားခဲ့သူတွေကိုလည်း အလှည့်ပေးကြတယ်။

သိပ်နောက်ကျသွားရင် ဒုက္ခ
မိုးရွာချလိုက်ရင် ဒုက္ခ
စဉ်းစားမိကြပုံမရ
ချွေးစေးတွေနဲ့ ပျော်ရပြီးရော ကိုယ့်လူတွေ

အိုကြီးအိုမတွေပါ ၊ ဘာကိုများ မက်မက်စက်စက် ။

မောင်ပြည့်မင်း
ကဗျာ့အသံအစီအစဉ် ၆ မှ

ည

ည
တစ်နေရာက လာနေ
ရေပွက်ပွက်ဆူသံ

အစအန
အဆိပ်က
ဆေးဖြစ်

ပုဂ္ဂိုလ်တစ်ယောက်က
အခြားသူကို ချိုးဖောက်
မသိလိုက်ဘဲနဲ့

စကားလုံးများမပါ
သူ့နှလုံးသား
စီးမျော
တခြားဆီကို
အမှောင်ထုထဲ
မှိန်ဖျော့ဖျော့ မီးရှူးရောင်ဆီ ။

Shuntaro Tanikawa - Night
ဘာသာပြန် - မောင်ရဲခိုင်
ကဗျာ့အသံအစီအစဉ် ၆ မှ

တစ်နေ့

ကျီးတွေသာ
အာ
အာ

မရဏ သတင်းမှာ
နံနက်ခင်းထဲ
ငါ သက်သာရာရ

မိတ်ဆွေတစ်ယောက်
ပါးနပ်စွာ
ကိုယ်ဝန်ဆောင်ရှိ

ငါ လွှင့်ပစ်
လုံးချေ
သကြား ဖိသိပ်ထားတဲ့ သကြားလုံးတွေနဲ့

ငါ သို့သော စဉ်းစားမိ
ငါ ကိုယ်တိုင်အကြောင်း
ဒီ ညနေ။

Shuntaro Tanikawa - A Day
ဘာသာပြန် - မောင်ရဲခိုင်
ကဗျာ့အသံအစီအစဉ် ၆ မှ

သီချင်း

တစ်စုံတစ်ယောက်
သီချင်းသီနေ
ငါ့အကြောင်းပ

တစ်နေ့မှာ ကာရန်ညှိနေတဲ့
ငါ့ နှလုံးသားရဲ့ ရစ်သမ်
ရပ်စဲသွားလိမ့်

ဒါပေမဲ့ သီချင်းက ဆက်သွားမှာ
ပွဲကျင်းပရင်း
မင်းအတွက်

ရေရဲ့ မယ်လီဒို
စီးဆင်းလိမ့်
မြစ်ကြမ်းပြင်တစ်လျှောက်

ညရဲ့ ခေတ္တရပ်နားမှု
ပဲ့တင်လိမ့်
အကျိုးအပဲ့တွေထဲမှာ။

Shuntaro Tanikawa - Song
ဘာသာပြန် - မောင်ရဲခိုင်
ကဗျာ့အသံအစီအစဉ် ၆ မှ

ဂေါ်ရီသျှန်ကာရ

သံတူကြောင်းကွဲ မှန်အိမ်မီးကို ဖွင့်လို့မို့
အလင်းဟာ ဘယ်ဘက်ကို ယိမ်းရမယ် မသိသလို
ငြိမ့်ငြိမ့် လှုပ်လှုပ်နဲ့

'မေ့သွားပြီးပြီ'
အဲဒီတံဆိပ်နဲ့ မုန့်

ပြုံးပြလိုက်တဲ့အထဲမှာ
အကုန်လုံး ပါသွားပါပြီဗျာ
အလွန် သဘောကောင်းသည့် ဆရာဝန်နှင့် ကြုံကြိုက်နေသည်
များစွာနောင်တရခြင်းနှင့် ဖိမိနေသည်
'ဗက်စကာရယ်...ရှင့် အလှည့်လည်း ၀ဋ်လည်ပေဦးမပေါ့'

'ကိုရင့် ပါးမုန်းမွေးတွေ ရှည်လှပါပြီ'
မျက်စိကလေး ပေကလပ် ပေကလပ်နဲ့
သူ၏ ဇနီးမှာ ချိယန်ကူအိုသခင်မ ဖြစ်သည်
မြေနှင့် စပ်သမျှ အရာတို့ကို ဂရုဓမ္မပြုသည်
ထိုမှ အသာလေး လှည့်ထွက်ခဲ့ပြီး
ဦးဝိစာရအ၀ိုင်းမှ ကွေ့ပတ်ကာ
'၀မ်းသာပါတယ်...'
'တွေ့ရတာ အများကြီးဝမ်းသာပါတယ်..'
လက်ဆွဲနှုတ်ဆက်ခြင်းများ ပွအူသွားတော့တယ် ။

ခင်အောင်အေး
၆၊ ဒီဇင်ဘာ၊ ၂၀၁၃၊ ၀ါဝါ၀င်းကွက်၊ ရန်ကင်း၊ ၂၂း၃၃ နာရီ

ဖခင်သေမင်း ဘလူး(စ်)တေး

ဟေး ဖခင်သေမင်း ကျွန်တော် ပျံသန်းလာနေပြီ
ဟေး ဆင်းရဲသားကြီး ခင်ဗျားတစ်ယောက်ထီးတည်း
ဟေး ဖေဖေအိုကြီး ကျွန်တော် ဘယ်သွားနေတယ်ဆိုတာ သိပါတယ်

ဒေါ်ကြီးသေမင်း ခင်ဗျား အရိုးတွေကို ဖုံးမနေပါနဲ့
ဦးလေကြီးသေမင်း ခင်ဗျားညည်းသံကို ကြားနေရဲ့
အို အစ်မသေမင်း နင့် ညည်းညူသံ ချိုသကွဲ့

အို ကလေးငယ်သေမင်းတို့ မင်းတို့ အသက်ရှူသံတွေကို သွားရှူကြ
ရှိုက်ငိုနေတဲ့ ရင်သားတွေက မင်းတို့သေခြင်းကို သက်သာစေမယ်ကွ
နာကျင်မှု မရှိတော့၊ မျက်ရည်နဲ့အတူ ပါသွားကြ

ပါရမီရှင်သေမင်း သင့် အနုပညာ ပြီးသွားပေါ့
ချစ်သူသေမင်း မင့်ခန္ဓာကိုယ် မရှိတော့
အဖေသေမင်း ကျွန်တော် အိမ်ပြန်လာနေပေါ့

ဂုရုသေမင်း ခင်ဗျာ့စကားတွေ မှန်တယ်
ဆရာသေမင်း ကျေးဇူးအထူးတင်ပါတယ်
ဒီ ဘလူး(စ်)ကို ဆိုအောင်နှိုးဆွခဲ့လို့ရယ်

ဗုဒ္ဓသေမင်း အရှင်ဘုရားကြောင့် တပည့်တော်နိုးကြားတယ်
ဓမ္မသေမင်း သင့်စိတ်ဟာ အသစ်ဖြစ်ပေတယ်
သံဃသေမင်း ငါတို့ အစအဆုံး ဖြစ်အောင်လုပ်ကြမယ်

ဇာတိဟာ ဒုက္ခပဲ
မောဟက ငါ့ကို ခိုကိုးရာမဲ့စေရဲ့
မျက်ရည်ပြည့်အမှန်တရားတွေကို ငါ မရှုံချနိုင်ခဲ့

ဖခင်အသက်ရှူခြင်း တစ်ကြိမ်ထပ်ပြီး နှုတ်ဆက်ပါမည်
သင်ပေးခဲ့တဲ့ မွေးဖွားခြင်းသည် မကောင်းတဲ့အရာ မဟုတ်လေပြီ
အချိန်က ပြောကြားလာသည့်အတိုင်း ငါ့နှလုံးသား ငြိမ်သက်သွားခဲ့ပြီ ။

Allen Ginsberg
ဘာသာပြန် - ညီမွန်
ကဗျာ့အသံအစီအစဉ် ၁ မှ

ပိုက်ဆံ

ခဏလေးပါ
လက်နွေးအောင်ကိုင်ထားပါရစေဦး
သွားစရာရှိသေးတယ်ဆိုတာချည်း
ဆီသုတ်ထားတဲ့ ငါးရှဉ့်အမြီးလေး ။

လူအိမ်

ရှင်းသလားဆိုတော့

ကိုယ်မပြောသင့်ဘူးဆိုတာ သိပါတယ်
ဒါဆို မင်း သဘောပေါက်မှာပါ
ကိုယ်က ကြောင်ပြီး ရစ်နေတယ်ထင်လို့လား
ဟင် မင်း ထင်နေလို့လား ကိုယ်က ကြောင်မဟုတ်ပါဘူး
ကဂျီကကြောင်လည်း မဟုတ်ပါဘူး
ဆန်းတာက
မင်းအိမ်မှာ ကြောင်တွေအများကြီးမွေးထားတဲ့
အဓိပ္ပာယ်ကို ကိုယ် သဘောမပေါက်ဘူးလို့ ထင်လို့လား
ကိုယ် သဘောပေါက်ပါတယ်
ကိုယ် သဘောပါပါတယ်
ကိုယ့်အနေနဲ့ မင်းနားလည်အောင် ဘယ်လိုပြောရမလဲ
မင်းအနေနဲ့ ကိုယ်နားလည်အောင် ဘယ်လိုပြောရမလဲ
သက်တူရွယ်တူသီးပွင့်ခဲ့ကြတာချင်းအတူတူ
ကိုယ်က တမူးဖိုး ပိုရှူနေတယ်ထင်လို့လား
အရည်လည်း မလွတ်စေရ
အငွေ့လည်း မလွတ်စေရ
ကိုယ်တို့လူငယ် လမ်းမတွေ တံလျှပ်ထနေခဲ့တာ
ကိုယ်တို့ရုပ်ရှင်ကားတွေ မှုန်ဝါးနေခဲ့တာ
ကိုယ်သဘောပေါက်ပါတယ်
ကိုယ်သဘောပါပါတယ်
ဖန်ခွက်တွေ ကွဲသွားအောင် အော်ဟစ်ခဲ့ကြတာ
စာရွက်အလွတ်တွေ ဆွဲဖြဲပစ်ခဲ့ကြတာ
မင်းအနေနဲ့ ကိုယ်သဘောပေါက်အောင် ဘယ်လိုပြောမလဲ
ကိုယ့်အနေနဲ့ မင်းသဘောပေါက်အောင် ဘယ်လိုပြောမလဲ
ခက်တယ် သက်လယ်မျက်ခြယ်
ဘယ့်နှယ့်လဲကွယ်
ကိုယ်တော့ဖြင့် ။

ကြည်ဇော်အေး
၂၀၁၀၊ စက်တင်ဘာ၊ ရတီ

လွယ်လွယ်ပဲရတော့ လွယ်လွယ်ပဲ စွန့်ပစ်ခဲ့တယ် နှလုံးသားတိုင်းသည် ကျုးကျော်အိမ်ရာ

သံမှိုနဲ့အရိုက်ခံထားရလည်း နာရတာပဲ
မပြောဖြစ်တဲ့ စကားလုံးတွေလည်း ပေါက်ကွဲခဲ့တာပဲ
ငါ့မှာ ဘာမှမရှိတော့ဘူး ဘေဘီ
သွေးစသွေးန နဲ့ ပင့်ကူအိမ်မျှင်
အပ်ချုပ်စက်အဟောင်းနဲ့ စက္ကူညှပ်ကလစ်
မီးနဲ့အရှို့ခံထားရတဲ့ စီးကရက်
မအောင်မြင်တဲ့ အဆုံးစီရင်မှုနဲ့
ပြီးဆုံးသွားတဲ့ ရထားလက်မှတ်ဖြတ်ပိုင်းများ

အောင်မြင်မှုဆိုတာ ဦးမြင့်အောင်ရဲ့သားပါ ဆိုတဲ့ ဟာသလို
အရေပြားပေါ် အပ်တစ်ချောင်းလာစိုက်သွားတယ်

ငါ့ကို လိုချင်ရင် အသေကောင်ပဲရမယ်
အသေကောင်လုိုချင်ရင် ငါ့ကို လာရှာပါ
ငါ့ကိုရှာမတွေ့ခြင်းဟာ အသေကောင်များဆိုင်ရာ
ဘ၀အဓိပ္ပာယ်နဲ့ ဘ၀သစ္စာတို့ ယောက်ယက်ခတ်ရာ။

မင်းတို့ အရိပ်တွေ မင်းတို့အတိတ်တွေနဲ့အတူ
ကျဆုံးပါစေ

ရေချိုးခန်းထဲက ထွက်လာတယ်
ဧည့်ခန်းထဲ ထိုင်နေတဲ့ ဇင်ဆရာတော်က
အပြာကားကြည့်ရင်း ဖီးလ်တက်နေတယ်
မျက်နှာသစ်ဆပ်ပြာမှာ ငါ့မျက်နှာကပ်ကျန်ခဲ့တာ ဘယ်သူမှမသိ
သေတ္တာတစ်လုံးထမ်းပြီး မြို့ထဲထွက်တယ်
"မီးခိုးငွေ့များ"ဆိုတဲ့ ငါ့စာသားတွေ ငါ ပြန်ဖတ်
ဒဿမအကြိမ်မြောက်အဖြစ် ငါ့ကိုယ်ငါ ဟားတိုက်မိတယ်

တကိုယ်လုံးတဆတ်ဆတ်တုန်အောင် ငိုပြီးမှ
ငါ့ကို မုဒိန်းကျင့်သွားကြပါ ဆိုပြီး အကြိမ်ကြိမ်တောင်းဆိုမယ်။

တကယ်က လူတစ်ယောက်ဘ၀ပျက်သွားတာပါ
ဒါကို သူတို့စိတ်ထဲ သစ်ရွက်ကြွေသလို အောက်မေ့ကြတယ်
ရယ်ရတယ် ၊ အရိုးအခေါင်းတွေထဲကကို ငါ ရယ်တယ်။

ကျီးကန်းတွေနဲ့လူတွေ အတူတူပဲ
အရာအားလုံး ဆုံမှတ်တစ်ခုတည်းမှာ မည်းနက်နေကြတယ်။

တကယ့် ငါစစ်စစ်ဟာ
စကားလုံးတွေနောက်မှာ အမြဲရှိနေခဲ့တာ။

ဆံပင်တွေကျွတ်လာသလို
နေ့စွဲတွေ တဖြေးဖြေးကျွတ်လာတယ်။

နာမည်ကို ကွင်းစကွင်းပိတ်ခတ်လိုက်ရင်
အဲဒီလူဟာ သေဆုံးပြီးသားလို့ မှတ်ယူကြတယ်ပေါ့
(ငါ့စိတ်)ကို ကွင်းအထပ်ထပ်ခတ်မိတယ်။

သစ်ရွက်တွေ တအားကြွေတာပဲ
အစိမ်းတွေ မဟုတ်ဘူး ၊ အသေတွေ

တစ်ခါတစ်ရံမှာ အကွာအဝေးတွေကို ဖန်ဆင်းပစ်ဖို့
ရှိသမျှ တံတားတွေကို ငါ ဖျက်စီးပစ်ခဲ့ရတယ်။

နောက်ဆုံးပေါ် ဖျော်ဖြေရေးအဖြစ်
လူမိန်းမနဲ့ လူယောက်ျား တို့
ခန္ဓာကိုယ်ချင်း ပေါက်တမ်းကစားကြပြန်ပြီ
ပြီးမှ တစ်ယောက်အသားကို တစ်ယောက်က ဖဲ့လှီးဝါးမြို
"ငါ နင့်ကို အရမ်းချစ်တာပဲဟာ ဒါကို နင်သိလား"
တစ်ယောက်နှုတ်ခမ်း တစ်ယောက်က ဓါးနဲ့မွှန်းပြီး
အိပ်ရာဝင်သွားကြတယ်

ငါ ဘယ်တော့မှ မသေဆုံးတော့ဘူးဆိုတဲ့
သက်တော်ရှည် ဇော်ဂျီတစ်ကောင်လည်း
ချီးကားတိုက်သေဆုံးသွားပါတယ် ။

ဒီဝသုန်ခက်

တေးသွားအမှတ် ၆ နာရီ

ချောက်ကမ်းပါးအရင့်အမာကြီးထိပ်မှာ
သူ့ကိုယ်သူချောင်ပိတ်ပြီး တင်ထားလိုက်တယ်

ပြီးတော့
ရုပ်ကိုပါးပါးမတ်မတ် "တန်း"ပစ်ပြီး
စိတ်ကို ချောက်ကမ်းပါးထဲ တွန်းချလိုက်တယ်။

"အား"လို့
လေးရိလေးတွဲ့သံရှည်ဆွဲပြီး အော်ဖို့ရာ
စကားလုံးတွေမှာ ပါးစပ်ရှိပါသလား

(နေလောင်ဂစ်တာထဲကတော့
"ဆိပ်ကမ်းဟွန်းတီးသံ"တွေ ပွင့်ပေါက်ကျလာပြီ)

လူအ တစ်ယောက်ရဲ့ ပေါ့တီးပေါ့ဆညနေပေါ့
ပြန်မလာတဲ့ ဖိနပ်ကလေးအကြောင်းတွေးပြီး
ခုထက်ထိ သူ့ခြေထောက်ကိုရေဆေးနေတုန်း ။

တာရာမင်းဝေ