စာအုပ်ခန်း

မေးမိတယ်
ဓာတ်တိုင်ကိုပဲ ကြောက်ရမလား
သစ်ပင်ကိုပဲ ကြောက်ရမလား
ထီးပြင်သမားက ထီးပြင်တာလား
ဖိနပ်ချုပ်သမားက ဖိနပ်ချုပ်တာလား
ဒီလိုနေ့ရက်တွေထဲ မျောပါနေရတာ
ဘာရယ်မဟုတ်ဘူး
ကျီးတစ်ကောင်ရဲ့ မျက်လုံးကိုလည်း လန့်တယ်
အခန်းထဲပြန်ဝင် စာတွေဖတ်ပြန်တော့လည်း လန့်တယ်
ဖတ်ပြီးသားတွေ ပြန်ပြန်ဖတ်နေရတာကိုက
ဒီတံတားကို ဖြတ်ကျော်နေရတာနဲ့ ဘာထူးသလဲ

အစတစ်စကို ဆွဲမိတယ်
မှောင်လာတော့ ဆွဲမိတဲ့အစဟာ မြွေလား
မီးလုံးတစ်လုံးလို ငါ့ကို တွဲလောင်းချမယ့် ကြိုးလား
ကြောက်တယ် ။

မိုးဝေး
၂၀၀၂