ပန်းလှေ

မော့ကြည့်နေဆဲမှာ
တိမ်တစ်စဟာ ပျောက်ဆုံးသွားခဲ့
နာကျင်ကိုက်ခဲမှုတွေသာ
ရင်မှာကျန်ရစ်
ပြန်မဖြစ်နိုင်တော့တဲ့ အိပ်မက်တွေကိုတော့
ကြိုးလျော့ဂစ်တာတစ်လက်လို
ပြန်ညှိဖို့ ကြိုးစားနေမိ
သတိတရား လက်လွတ်စွာလေ။

များလိုက်တဲ့မာယာတွေ
ကမ္ဘာမြေက
ဘာလို့များ လက်ခံထားတာပါလိမ့်
ငြိမ့်ငြိမ့်သာသာ စီးမျောနေတဲ့
ပန်းလှေတွေ
ပန်းတိုင်ကို အတူရောက်ကာ
ပျော်နိုင်ကြမှာလို့
ဘာလို့များ မိုက်မဲစွာ
လက်ခံထားခဲ့မိတာပါလိမ့်။

ခရီးရဲ့တစ်ဖက်တစ်ချက်
ဝဲဂယက်တွေ
ကမ်းခြေမြို့တွေ
ပြီးတော့ တိုက်ခိုက်ခံရမှုတွေ
ဒါတွေကို ... ငါ
ဘာလို့ မေ့ထားခဲ့မိတာပါလိမ့်။

သတိဝင်လာချိန်မှာ
ပန်းလှေများစွာ
တချို့...ကမ်းကပ်ခဲ့ကြ
တချို့...နစ်မြှပ်ခဲ့ကြ
တချို့...အတူစီးမျောဆဲ
မျက်ဝန်းအသိထဲ
မကြည်လင်စွာ...။

ဟင့်အင်း...
အဲဒါ
ပန်းလှေပေါ်က
မိုးရေစက်တွေ မဟုတ်ပါဘူး
ကျွန်မရဲ့ မျက်ရည်တွေပါပဲ။

မနော်ဟရီ
မဟေသီ။မေ။၁၉၉၆

တစ္ဆေလွမ်းတဲ့အိမ်

အတောင်စုံပြီလား
အမြဲစိမ်းဂီတတွေနဲ့ ငါ့ရဲ့လွင်ပြင်ဝါကလေးရေ...
အလွမ်းတွေနဲ့မာကျောမတ်စောက်နေတဲ့ကမ်းပါးပေါ်မှာ
တပ်မက်သူမဲ့အက္ခရာများ လွန်းထိုးပျံသန်း
ခြေထောက်ရဲ့ဇက်ဝကိးကို နိုင်နင်းပါလျက်နဲ့
လမ်းမှားခဲ့ကြရတယ်။
သန့်သက်အောင်ခါချခဲ့တဲ့မျက်ရည်စက်တွေ
ခရီးသွားတောင်တန်းပြာတွေနဲ့ရောယှက်
အဆိပ်ခွက်တစ်ခွက်ကတော့ ဖိတ်စင်သွားခဲ့ရပြီ
ညီခွင့်မရခဲ့ကြပါဘူး
ဆူးရစ်သဖူတစ်ခု၊ ကားတိုင်တစ်ခု၊ ပုန်းရည်တစ်ခွက်နဲ့
ထွက်ပေါက်မဲ့ဝါကျတွေကသာ
ဆွေးမြေ့ရင့်အိုလို့ ။
နေသားကျခွင့်တွေကတော့ အလိုမတူဘဲ တဖွေးဖွေးရွာကျလာခဲ့ပြီ
အမိုးအကာမဲ့ ခိုက်ခိုက်တုန်အားတင်းရင်း
နံနက်ခင်းပြတင်းပေါက်တွေကို တစ်ပေါက်ပြီးတစ်ပေါက်
အရူးတစ်ယောက်လို လိုက်ဖွင့်နေခဲ့မိတယ်
ဘယ်လိုမှဆောက်တည်လို့မရတဲ့အတူတူတော့
မြက်ခင်းလေးတွေစိမ်းနေပါစေလေ
တစ်ခုပဲ မှတ်ထားပေးပါ
တစ္ဆေတွေလည်း လွမ်းတတ်ကြပါသေးတယ်။ ။


မနော်ဟရီ

ဇာတ်လိုက်

သူ့ကိုယ်သူ အစအဆုံးမရှိ ဖြန့်ခင်းထားပုံက စနစ်တကျနဲ့ ပရမ်းပတာ ဆန်နေလွန်း …

သီအိုရီ အဟောင်းအမြင်းတွေကို ထားခဲ့လိုက်ဖို့ နည်းနည်းတော့ အချိန်တန်နေပြီ …

ဖျတ်ကနဲ ကွဲအက်သွားတဲ့ မှန်ပြင်က ရေစီးကမ်းပြိုရာသီဥတု

အားလုံး အကုန် အတုဖြစ်ကြောင်းဆိုတယ်

ဒါဆို ဘာက အစစ်လဲ … ကိုယ်က အစစ်လား …သူကအစစ်လား . . .

အတု ဆိုတာကရော ဘာလဲ ….?????

မေးခွန်းတွေကို ခင်ဗျား မကြားလိုက်ဘူး မဟုတ်လား … ရှိစေတော့ …

ခင်ဗျားမှာ နားအစစ်တွေ မရှိတဲ့အကြောင်း  ဘယ်သူ့မှ လိုက်ပြောဖြစ်မှာမှ မဟုတ်တာ …

ကိုယ်ကိုယ်တိုင်တောင် မကြားနိုင်တဲ့နောက် …

ဘယ်သူ့နှလုံးသားကိုမှ မထိရှနိုင်တော့တာ ဆန်းသလား . . .?????

ခါးခါးသက်သက် အတွေးတွေနဲ့ အနည်ကျ နေထိုင်ရတာ ကြာလာတော့

ကိုယ့်ကို ဖြတ်ဖြတ်ရိုက်လာတဲ့ လက်ဝါးတွေကိုပဲ

နာရီချိန်သီးတစ်ခုလို ချစ်မြတ်ရိုကျိုးချင်လာခဲ့ … … …


ဟေ့လူ… နည်းနည်း ငြိမ်ငြိမ်နေလို့ မရဘူးလား … ခင်ဗျား အသက်ပြင်းပြင်း ရှူလိုက်တိုင်း …

စိတ်တွေလှိုင်းထ … ပစ္စကကို ပြန်ပြန်ရောက်လာရတာ သိပ်အရသာ မတွေတော့ဘူး …

မီးရောင်အောက်က ဇာတ်ညွှန်းအတိုင်း ကရမယ့် အခန်းစဉ် … အမှတ်တစ်ဆယ့်သုံး …

မိတ်ကပ်အမြန်ဆုံးလိမ်းမယ် … သေနတ်မှန်း သိသာထင်ရှားစေမယ့်

သေနတ်တစ်လက်ယူမယ် …

ဆွတ်ပျံ့ တမ်းမောဖွယ်ရာ လွမ်းသူ့နှင်းဆီဖြူလေး တစ်ခင်းလည်း လင်းနေပစေ …

သီချင်းလို့ ခေါင်းစဉ်တပ်ထားတဲ့ နာမည်ကျော် ကဗျာတစ်ပုဒ်ကိုတော့ ထားခဲ့လိုက်တော့

(ပျင်းစရာကောင်းလောက်အောင် အက်ကြောင်းတွေ ထပ်နေခဲ့ပြီ …)

ပြီးရင် … လူတွေ ပြောကျန်နေခဲ့ရမယ့် ဇာတ်အနာဆုံး ဇာတ်ညွှန်းတစ်ကွက်

အားလုံးစုံရင် … နားထင်မှာ ထောက်ထားတဲ့လက်ကို ဖြုတ်ချပစ်လိုက်တော့မယ် …


ငါကမ္ဘာလုံး ပြန်ဆုံခွင့်မရှိတော့ဘူးဆိုတဲ့ အချက်တစ်ချက်နဲ့တင်

ထိုက်တန်လွန်းနေခဲ့လိမ့်မယ် …။

                                                                             မနော်ဟရီ