ဝက် - ကိုသန်းထွန်း

အဲဒီနေ့က
ဝက်တကောင်ရဲ့ကာမဂုဏ်ဟာ
သူ့နားရွက်နောက်မှာတည်နေခဲ့တယ်

သူ့ကိုကိုက်စားမယ့်ဝံပုလွေက
သူ့နားရွက်နောက်ကို လျက်ပေးနေပုံ

စိုထိုင်းပူနွေးတဲ့ လျှာရဲ့အတွေ့အထိမှာ
ဝက်ဟာ
နားရွက်မခတ်ပဲ ခံယူနေခဲ့ပုံ

ဝံပုလွေဟာ
သူ့အမြီးဖွားဖွားနဲ့ဝက်ရဲ့ကျောကိုချော့မြှူပွတ်သပ်ရင်း
ဝက်ရဲ့နားရွက်ကိုလည်းခဲရင်း
ဒယဥ့်တိုက်ချီသွားရာနောက်
ဝက်ဟာ
တချက်မှမအော်ပဲ ပါသွားခဲ့ပုံ

အဲဒီနေ့ အဲဒီအချိန်က
သူ့ရဲ့ ကံကြမ္မာဟာလည်း
သူ့နားရွက်ရဲ့နောက်မှာပဲ အတိအကျတည်ရှိနေခဲ့ပုံ

ကိုသန်းထွန်း