စာဖတ်သူ ၂ - အောင်ချိမ့်

ဖတ်တယ်၊ စိတ်မပါဘူး

ဖတ်တယ်၊ ဖတ်ရင်း ဖတ်ရင်း

အင်း၊ သဘာဝကျတယ်

ယုတ္တိရှိတယ်၊ အတွေးအခေါ်ပါတယ်

ဇာတ်လေးကောင်းတယ်

ဇာတ်မြွှာလေးတွေ လှတယ်

အဲသလို တွေးမလို့ပေါ့လေ

အဲသလို တွေးဖို့အထိ မရောက်ဘူး

အဲဒီနေရာ ရောက်ရင် ထစ်နေတယ်

ဖုနေတယ်၊ ပျင်းလာတယ်

ဆက်ဖတ်လို့မရဘူး

ကိုယ့်ကိုယ်ကိုယ် ခိုင်းလို့မရဘူး

ပြေရာပြေကြောင်း၊ ကျော်ဖတ်လို့ မရဘူး

ဒီနေရာ၊ ဒီစာမျက်နှာရောက်တိုင်း

ဒီအတိုင်းပဲ

ဖတ်ရတာ

ခိုးလိုးခုလုပဲ။

အောင်ချိမ့်