ငှက်များ - ဝင်းမြင့်

အကို့ရဲ့

သီချင်းတွေ
ရေချိုးခန်းထဲ အော်ငိုရင်း
တနင်္ဂနွေဟာ မှောင်သွားတယ် ။

ရေပိုက်ခေါင်းထဲက ငှက်တွေ
တဂီးဂီး ပျံထွက်လာတာ
နံရံတခုလုံး မည်းလို့။

နာရီအပျက် တခုပေါ်က
ဦးနှောက် အသေတလုံး
ရေကျသံနဲ့ ဖုံးလို့။

မြို့မှာ မြို့မရှိတော့ဘူး
ရွာမှာ ရွာမရှိတော့ဘူး ။

တံခါးခေါက်သံတွေ‌
တဝုန်းဝုန်း။

မိုးတိမ်မှာ ရေမပါတော့ဘူး
နာရီမှာ အချိန်မရှိတော့ဘူး ။ ။

ဝင်းမြင့်
(ကို ထူးအိမ်သင် သို့)