ချစ်မိတ်ဆွေ ၃၃

ဘဝဆိုတာ
ဘဝဆိုတာပေါ့
အဆန်းကြီးမဟုတ်ပါဘူး
ဘဝဆိုတာ
ဘဝဆိုတာပေါ့
ဘဝဆိုတာလေ ။

အောင်ချိမ့်

ကြိုးညှိသံ

လက်ချောင်းတို့ရဲ့ တန်ခိုး
သံမဏိကြိုးကို လွှဲယမ်း
လေထဲတုန်ခါ
အသံ...တဲ့ ၊ သူ ဖြစ်လာခဲ့ပြီ။

သေချာပေါက်မှားယွင်းမှုကြောင့်
သစ်သားဂူထဲက စင်ထွက်
လူမြင်ကွင်းထဲ "ဒေါင်"ခနဲ ပြုတ်ကျလာ
နောက် ဒေါင်ခနဲ ပြုတ်ကျလာ ၊ ဒေါင်
မီးပွင့်ရောင်စုံကြားမှာ
ထော့ကြိုး ထော့ကြိုးနဲ့ တင်ဆက်နေလေရဲ့။

"ဟင်.....ဒီလိုပဲလား"
"'ဒီလိုပဲလား.....ဟင်"

ရွှေပွဲလာတို့
မျက်ခုံးတွေ တွန့်ခေါက်
နှုတ်ခမ်းတွေ တွန့်ခေါက်
နားရွက်တွေ တွန့်ခေါက်
စိတ်တွေ တွန့်ခေါက်ကောက်ကွေးလို့။

ထ,မပြန်ကြပါနဲ့ဦး အစ်ကိုတို့ရေ
တော်ကြာ သီချင်းလာတော့မှာ ။

မောင်ပြည့်မင်း
ရုပ်ရှင်တေးကဗျာ

မြို့

တောသားဆိုတော့
ဈေးရှိလျှင်
ကတ္တရာလမ်းရှိ
ကားတွေ တိုက်တွေရှိရင်
မြို့လို့ထင်ခဲ့။

နောက်
လမ်းဘေးမှာ
ကျွတ်ကျွတ်အိတ်အထွေးလိုက်
မိန်းကလေးတွေ
ဘောင်းဘီတို ရှည်ဝတ်
ဆံပင်ရောင်စုံရှိတဲ့နေရာ
အဲဒါမြို့။

နောက်
Inn , Motel
Hotel, တည်းခိုခန်း
ပန့်ဆိုင်နဲ့ ဘီယာဆိုင်
မြို့ဝင်ကြေးဘီးခွန်နဲ့
Toll Gate တွေမှာ မီးရောင်လင်းနေရင်
ဟိုး.... အမှောင်နောက်မှာမြို့။

ခုတော့
တစ်ဆက်ရှင်
ရိုးရိုး ၆၀၀၀
ဆီလိမ်း တစ်သောင်း
၂ဆက်ရှင်ဆို
ဒီမှာ ညအိပ်သွားလို့ရတယ်အစ်ကို

ဒို့မြို့တွေလည်း
အဲဒီလောက်တောင်
ညောင်းညာကိုက်ခဲနေပါရော့လား။

ဒါမှ မြို့ အစစ်။

မောင်မှိုင်းလွင်(အင်းဝ)

အခန်းထဲမှာ အပြင်ဘက်မှာ

ငါဘုရားဖြစ်ရင် မင်းတို့ကို မမေ့ဘူး
ပိုးမွှားတွေပြည့်နေတဲ့ အသားအိတ်ကြီးကို
အခန်းထောင့်မှာ မူးခွေပြီးလဲနေတဲ့သူငယ်ချင်းကထအော်တယ် ...။

အရက်တစ်လုံးကုန်တိုင်း ပုလင်းလွတ်ကိုနံရံဆီပစ်ခွဲလိုက်တဲ့အခန်းထဲမှာ
ဖော်ဝေးနဲ့မပြီးလို့ ရှေ့ဆက်ရတယ်
ပီကာဆိုနဲ့မပြီးလို့ ရှေ့ဆက်ရတယ်
ဘွန်ဂျိုဗီနဲ့မပြီးလို့ ရှေ့ကိုဆက်နေရတယ်
ငါ့သူငယ်ချင်းအော်သံကလည်း မပြီးသေး။

ငါဘုရားဖြစ်ရင်
ငါဘုရားဖြစ်ရင်
ငါဘုရားဖြစ်ရင်...။

နှာခေါင်းထဲအနံ့တစ်ခုရနေတယ်
ကတ္တရာလမ်းပေါ်က ကားနှစ်စီးတိုက်မိတဲ့အနံ့
အနံ့တွေထဲမှာ ငါအကြိုက်ဆုံးက
ကိုယ်ရေပြားရောဂါကူးစက်ခံလိုက်ရတဲ့
မာသာထရီဇာရဲ့ ကိုယ်နံ့ပဲ။

သူ့အမှားကို သင်ခန်းစာယူဖို့
ကလင်တန်က သူ့အတွင်းရေးမှူးမလေးနဲ့လိင်ဆက်ဆံရင်း ပြောနေတယ်
ကျီးကန်းက ဒင်္ဂါးပြားကို
ခွေးတစ်ကောင်လို ကိုက်ချီလာတော့
မှင်တက်လွန်းလို့
မူဆိုလီနီပါးစပ်ထဲက အသားတစ်ဟာပြုတ်ကျသွားတယ်
အဲဒီအသားတစ်က
ကလင်တန်နဲ့ လိင်ဆက်ဆံနေတဲ့အတွင်းရေးမှူးမလေးပေါ့
အခုခင်ဗျားအရသာရှိဖို့ ကြိုးစားအားထုတ်နေရတဲ့
သဲနဲ့ရှပ်ရှပ်ကဗျာပေါ့ ...။

မောင်ဖီလာ
idea ။ ဂျွန် ။ ၂၀၁၄

တရားများ

ဘယ်လိုအရာတွေများ
ကျွန်တော် မျှော်လင့်ရပါ့မလဲ
.... တွေးရင်း
ဘယ်လိုကိစ္စကိုများ
အသင် ပြုလုပ်လိုက်ခဲ့လျှင် . .
အင်း . . စိုးရိမ်မိပြန်သပေါ့။
ထိုသူတစ်ယောက် အလိုကတော့
အသင့်ကိစ္စက အောင်မြင်သွားပြီး
ကောင်းကောင်းဆိုးဆိုး
ကျွန်တော် မျှော်လင့်လိုက်ဖို့ပဲလို့ တရားချ
ဒီလိုဖြင့်
ကျွန်တော်က ဒီနေ့လား
အသင်က ဒီနေ့လား
နေ့တိုင်းဟာ တနင်္လာပဲဆို
ကျွန်တော်က အင်္ဂါလား
အသင်က အင်္ဂါလား
တို့များ ရှင်ခွင့်သာမယ် ဆိုတော့ရော
ထိုသူ ဗုဒ္ဓဟူးမှာ ရှိမလား။

စန်းဦး
ရုပ်ရှင်တေးကဗျာ ။ သြဂုတ် ။ ၂၀၀၆

ကမ်းခြေရွာ

မမြင်ရတဲ့ ရေအောက်ကမ္ဘာမှာ
ငါးတွေရှိတယ်

ဆားငံ ပင်လယ်ပေါ်ဖြတ်တိုက်လာတဲ့
လေရိုင်းရဲ့ ဟီသံမှာ
အုန်းပင်တွေသွေးကြွ လှုပ်ရှားလာတက်တယ်။

အကာလ လေထန်ညတွေထဲ
လူတချို့
ပင်လယ်ပြင်ကနေ တက်လာကြသတဲ့
ဝိုးတ၀ါး အရိပ်များအဖြစ်နဲ့။

တိမ်နဲ့ လှိုင်းများဆက်စပ်ရာ
ဟိုး အဝေး မိုးကုပ်စက်ဝိုင်းဆီက
တစ်စုံတစ်ရာကို သယ်ဆောင်လာခဲ့
မေးခွန်းများ မဟုတ်
ဖန်တီးမှုများ မဟုတ်
စကားသံများ အဖြစ် မကြားကြရ။

စွန့်ပစ်ခဲ့ကြတဲ့
အမှိုက်သရိုက်ဟောင်းများကိုတော့
သဲသောင်ပြင်ပေါ် ပြန်ချထားခဲ့လေတယ်။

သူတို့က
နှစ်တစ်နှစ် တစ်နှစ်မှာ
ရက်တချို့ သတ်မှတ်ခဲ့ကြတယ်
နေထွက် နေ၀င်ကို စောင့်ကြည့်ဖို့က တစ်ရက်
ပင်လယ်လှိုင်းတွေ အပျော်စီးဖို့က တစ်ရက် ။

လင်းတည်ဦး
သရဖူ ။ မတ် ။ ၁၉၉၆

ရထားပေါ်က ပြတင်း

မြင်ကွင်းတွေအားလုံး
ကိုယ်စောင်းဝင်တိုက်
ရိုးတိုးရိပ်တိတ်ကလေး
ဟောဒိဘ၀တွေ ဖြစ်ပျက်ခဲ့ကြ
ဘယ်ရှုခင်းကိုမှ ဖမ်းယူမဆုပ်ကိုင်နိုင်ခင်
သံသရာထဲ ပြေးဝင်သွားလိုက်ရတာ
............
ဟော ........ဒီမှာကြည့်
လေတိုးသံများ။

မင်းဒီ
ကလျာ ။ ဖေဖော်ဝါရီ ။ ၁၉၉၉

အချစ်ရေ တို့လွဲမှားခဲ့

မင်းရှိနေလိမ့်နိုးနဲ့
ငါက အပြင်ကို

ငါ့ကို မြင်ရမယ်
အထင်နဲ့
မင်းက အထဲကို ။

ညိုမင်းထက်
ပိတောက်ပွင့်သစ် ။ ဧပြီ ။ ၂၀၀၇

အမှားများ

ဆောင်း
လရောင်နင်းထားတဲ့ လမ်းပေါ်လျှောက်ရင်း
ဆွေးရ။

တွင်းနက်နက်ထဲက အော်သံ
အနက်
စိတ်လှုပ်ရှား
နံရံ အနှံ့အပြား
ပြားကပ်လို့
အညှိတက်
ကိုယ် ဘယ်လိုပြန်ထွက်လာသလဲလို့
မမေးနဲ့။

ဟိန်းမြတ်ဇော်
သရဖူ ။ ဇန်န၀ါရီ ။ ၂၀၁၆

အလိုတရားငဲ့

ပိတ်ထားသမျှ
ပိတ်ထား၍ မရ။

Pink Floyd The Wall တွေ
မြန်မာလို နံရံတွေ
စာအုပ်ကြီးတွေ
စကားလုံးတွေ
ပျော်ကျသလို ပျော်ကျခဲ့တယ်။

နှလုံးသားမပါလျှင်
ဘယ်အရာမှ တရားမ၀င်။

တရားငဲ့
အလို တရားငဲ့။

အောင်ချိမ့်

အမှန်တကယ်မနက်ခင်း

ကြော်ထားတဲ့ အသားအစား
အမှန်တရားကို အစိမ်းလိုက်ညှပ်ထားတဲ့
ဟမ်ဘာဂါ ပေါင်မုန့်တစ်ကိုက်
လည်ချောင်းထဲမှာ နင်တက်သူတွေအတွက်
ပါးစပ်ထဲကို လောင်းထည့်ဖို့
ကိုကာကိုလာ ပင်လယ်တစ်ခု။

သွေးမရှိသလိုဖြူနေတဲ့ စားပွဲခင်းပေါ်က
သွေးမရှိသလိုဖြူနေတဲ့ ကြွေပန်းအိုးထဲမှာ
ပန်းအတုတွေက ရဲရဲနီအောင်ပွင့်လို့
သူကိုယ်တိုင် အအေးပတ်နေတဲ့လေကတော့
မှန်လုံခန်းထဲမှာ
အနွေးထည် အထပ်ထပ်နဲ့ မွန်းကြပ်လို့။

သီချင်းသံက တိုးတိုး
အလင်းရောင်က တိုးတိုး
သွားရည်စာတစ်နပ်အတွက်
ပေးချေရမယ့် ပြေစာဟာ
ရှည်လည်းရှည်လျား ထူထည်းထူထပ်
အဲဒီဆိုင်နာမည်
'နပိုလီယန်'ဆိုလား ဘာလားပဲ  ။

သစ္စာနီ

အိပ်မက်ထဲက ချိုးဖြူ

အသက်အနှစ် ဘ၀ရှုံးကြ သိန်းသန်းသွေးကျတယ်
ဖက်ဆစ်ကျဆုံးမှ ငြိမ်းချမ်းရေးရမယ်
တက်ခေတ် ကမ္ဘာဆုံးတမျှ စိမ်းလန်းတေးမြသွယ် ။

သစ္စာနီ

ခေတ်ကြီးက ရယ်မောစရာ

အရပ်ကသိကုန်ပြီ xxx ရှင့်အသံဟာ အော့ကြောလန် xxx
လမုသီး xxx ထုံးသုတ်ထားသလို xxx ရှင်ရုပ်ဟာလေ တစ်ပြားမှမတန်xxx

ဘယ်သူဆိုတာလဲ
ဒီတေးသွား ...
ကြမ်းကြား လေကြား
ကြား ... ကြား ... ကြား
ကျားမြီးဆွဲတွေ ငိုချင်းရှည် ။

မောင်စိမ်းနီ

စိမ်းလန်းခြင်းပဲ့တင်

ငါ၏စိတ်များစိုက်ဝင်ရာ
ဤကမ္ဘာ
ကျောက်သားကျောက်စိုင်များရဲ့ အ၀ါ
ငြိမ်းချမ်းခြင်းနဲ့ အပြာ ။

မောင်စိမ်းနီ

ကိုယ်တိုင်မရေးတဲ့ပုံတူ

မေမေ့ပါးပြင်ပေါ် စံပယ်တွေပွင့်တဲ့နေ့
ဖေဖေ့မျက်နှာလေးကို နောက်ဆုံးမြင်လိုက်ရတယ်။

တိမ်တွေနဲ့ အရုပ်ရေးတမ်းကစားတက်စအရွယ်
ဖေဖေ့လက်ဆောင် ကမ္ဘာငယ်လေးတစ်ခုအမည်ဟာ
'စိမ်းလန်းသောအိပ်မက်များ' တဲ့။

မေမေ
မီးပြတိုက်သေလို့ဝင်စားတဲ့ကောင်ကလေးဆိုတာ
ကျွန်တော် သေချာရဲ့လား
ထပ်တူထွန်းညှိထားလိုက်ပါတယ်။

ဇော်မိုးလွင်
ကလျာ ။ မေ ။  ၁၉၉၉

ငါ့နှစ်များ

တစ်ထောင့်ကိုးရာရှစ်ဆယ်
မိုးရွာသွန်းခြင်းအတက်
မေ့လျော့သွားတဲ့ တိမ်တိုက်များ
ငါ့ကောင်းကင်မှာ ကျက်စားတဲ့နှစ်ပေါ့

တစ်ထောင့်ကိုးရာ ရှစ်ဆယ့်လေး
ကိုယ့်ရနံ့ကို ရှုရှိုက်ပြီး
အကြီးအကျယ် မေ့မြောသွားတဲ့နှစ်လေ

တစ်ထောင့်ကိုးရာ ရှစ်ဆယ့်ရှစ်
သံပရာသီးနဲ့ ငါးမျှားတဲ့ နှစ်ဖြစ်တယ်

တစ်ထောင့်ကိုးရာ ရှစ်ဆယ့်ကိုး
သွေးနွေးပင်လယ်ကြီးများ
လောင်မီးကျနေတဲ့ ငါ့ကိုယ်ပေါ်မှာ တွားသွားတဲ့နှစ်ပဲ

တစ်ထောင့်ကိုးရာ ကိုးဆယ့်တစ်
ဝံပုလွေသွားတစ်ချောင်းကို ၀ယ်ယူမိတဲ့နှစ်ကွယ်

တစ်ထောင့်ကိုးရာ ကိုးဆယ့်သုံး
ဆပ်ကပ်ကြိုးတန်းပေါ်မှာ
သေရည်ပြင်းပြင်း မူးခဲ့တဲ့နှစ်ပါ

တစ်ထောင့်ကိုးရာ ကိုးဆယ့်ငါး
ကိုယ်ဝေတဲ့ဖဲ ကိုယ်ဘူကျတဲ့နှစ်ပ

တစ်ထောင့်ကိုးရာ ကိုးဆယ့်ခြောက်
လေကို ထွန်ယက်ပြီး
မုန်တိုင်းကို အကြီးအကျယ် စိုက်ပျိုးခဲ့တဲ့နှစ်ဖြစ်တယ်

နှစ်ထောင်ပြည့်
ပျော်ရွှင်မှုပုံပြင်မှာ
ရှိုက်သံတိုးတိုး ကြားရတဲ့နှစ်ပါ

နှစ်ထောင့်ကိုး
သဲပွင့်ကလေးထဲ ၀င်ရောက်
ငါ့အိမ်ဆီ ငါ ပြန်ရောက်သွားတဲ့နှစ်ပေါ့

နှစ်ထောင့်တစ်ဆယ်
ဝါကျအသစ်စက်စက်များ
လက်ဖ၀ါးထဲ ရောက်လာတဲ့နှစ်ပါတကား ။

နေမျိုး
ရုပ်ရှင်တေးကဗျာ ။ ဒီဇင်ဘာ ။ ၂၀၁၀

ဧရာဝတီ၊ပုပ္ပါး၊ရန်ကုန်...

ငါ့ဘာသာစကားထဲက လ
ညပေါင်းများစွာကွယ်နေတယ်။

ရေမြေတောတောင်တွေလို့
ရေးကြည့်နေရင်းက
ရေမြေတောတောင်တွေကို ငတ်မွတ်မိတယ်

ဘ၀ကို အသံပြုနေရင်းကနေ
တဖြည်းဖြည်း တိတ်ဆိတ်လာတယ်
လလို ဖြူဖွေးအေးစက်

ငါ့မြို့ဟာ
သူ့မြို့ပြနဲ့ ဘယ်လိုမှ မတူနိုင်ပါ
လူတွေကလည်း သွားသွားလာလာပါပဲ
နေ့များကို အတူတူကုန်ဆုံးကြတဲ့အခါ

လမ်းထောင့်မြေကွက်လပ်တိုင်းမှာ
မျက်လှည့်ပွဲတွေနဲ့ အလုပ်လက်မဲ့တွေအပြည့်ပဲ
ပလက်ဖောင်းတွေလည်း ကျဉ်းကျဉ်းလာသလို
ပန်းခြံဘက်ဆီက အသံတွေ ဝေ့ဝေ့လာနေတယ်

ဗန်ကောက်မှာ ရန်ကုန်မှာ ဖနွမ်းပင်မှာ
သာလာလှပတဲ့ နေ့တစ်နေ့ပေါ့
သတင်းတွေထဲမှာ အလံကလေးတွေ ဝှေ့ယမ်းရင်း...။

မိုးဝေး
ကလျာ ။ မေ ။ ၂၀၁၄

မျက်နှာကြက်

ခေါင်မိုးနဲ့ကောင်းကင်နဲ့
ဂုဏ်အင်္ဂါအဖြာဖြာကို
လှပစွာကွယ်ဝှက်ဖို့
မျက်နှာကြက်တို့ရှိတယ် ။

မင်းချစ်သူ
မြားနတ်မောင် ။ ဒီဇင်ဘာ ။ ၁၉၉၇

ခပ်ညံ့ညံ့ရာသီဘွဲ့

ဥသြတွေကတော့
(ရွှေတွဲလဲငွေတွဲလဲ မိသားစုလို)
စိတ်ချမ်းသာနေကြမပေါ့။
အရိုးပေါ် အရေတင်သစ်ပင်တွေခမျာသာ
လျှပ်ပေါ်လော်လီ နိုက်ကလပ်မယ်လို
ငွေစ၊ ကြေးစကို မီးကုန်ယမ်းကုန် မျှော်လင့်သလို
လေပြေညင်းကို မျှော်လင့်ကြ။
ထိုနည်းလည်းကောင်း
ချွေးတရွှဲရွှဲ တောင်တန်းတွေကလည်း
ကုန်းပေါ်ရောက် ရေမြွေလို
ပျော့ခွေ၊ တွန့်လိမ် အရေခွံလဲဖို့ အားပြင်ကြ။
နွေရာသီလေ
စိတ်ထားမှန်သူ စမ်းချောင်းကလေးကိုတောင်
ရေ၀တ်လည်းချိုးသေး
နေလှန်းလည်းထားခဲ့သေးရဲ့ ။

အောင်ခိုင်မြတ်
မြားနတ်မောင် ။ မတ် ။ ၁၉၉၇

အင်္ဂါနေ့တစ်နေ့မှာ သရုပ်ဆောင်ခန်း

လက်မှာပတ်ထားတဲ့နာရီက အချိန်ကိုဖော်ပြတယ်
လက်မှာဝတ်ထားတဲ့လက်စွပ်က တန်ဖိုးကိုဖော်ပြတယ်
သူတို့ကိုချွတ်လိုက်ပြီး လက်ချည်းကျန်တဲ့အခါ ဘာကို ဖော်ပြမလဲ

ငါ တက်တက်ကြွကြွမြှောက်လိုက်တယ်
အသံဘာသာဗေဒမပါ ပေါ့ပါးလို့

ငါ့ ဖော်ပြမှုနဲ့ ငါ
မရှိတဲ့ ကမ္ဘာကို လက်ပြလို့ ။

သုခမိန်လှိုင်
ရုပ်ရှင်တေးကဗျာ ။ စက်တင်ဘာ ။ ၂၀၀၇

လူများ

ငါ
သူ့ကို ကြည့်နေခိုက်
ခံစားမှုပေါင်းစုံ ညစ်ထေးရာ
သူ့မျက်နှာ
ဘုံအိမ်သာတံခါးလို ပွင့်လာ။

ဦးနှောက်တွေ လောက်တဖွားဖွား
အပုပ်နံ့တွေ အငွေ့ပျံ
ပါးစပ်ပေါက်က လုယက်ထွက်။

ငါ
ထွက်ပြေးဖို့ သတိမရ
ခြေထောက်တွေ မြေကြီးထဲစိုက်ဝင်နေ။

သူ
ပါးစပ်နဲ့ ငါ့ကိုကြည့်ပြီး
မျက်လုံးနဲ့ ငါ့ကို စားပစ်လိုက်။

ရုတ်ချည်း
ငါ
သူ ဖြစ်လာ
ပြီး
ငါ့ရှေ့မှာ
ငါ့ကို နောက်တစ်ယောက် ။

နရီမင်း
မြားနတ်မောင် ။ ဧပြီ ။ ၁၉၉၇

ကြေကွဲမှုအရောင်

ခန္ဓာကိုယ်များ ပေါ့ပါးရေးကစတင်
မိုးဝေးရေ
ပြီးမှပဲ ကမ္ဘာကြီးကို ချစ်ခင်ကြောင်း
ပြောကြတာပေါ့
ငါတို့တွေ စောခဲ့ကြတယ်
ငါတို့တွေ စောပြီးနောက်ကျခဲ့ကြတယ်
ဒါကြောင့်ပဲ
ဒီဇာတ်ကို ငါတို့ကခဲ့ကြရ
ငါတို့ဟာ
ပြဇာတ်ထဲက ဆက်တင်လိုအိမ်တွေမှာ
နေခဲ့ကြရ
ငါတို့တွေဟာ
ပြဇာတ်ထဲက ဇာတ်ဝင်ခန်းထမင်းတွေကို
စားခဲ့ကြရ
ငါတို့တွေဟာ
ချစ်သူ့အသံကို ထိန်ချန်ရစ်ခဲ့တဲ့ ကံတရားကိုလဲ
တရားစီရင်ကြတယ်လေ
အရေးကြီးတယ်
တစ်ယောက်နဲ့တစ်ယောက်အရသာရှိဖို့ကလဲ
အရေးကြီးတယ်
ဒို့တွေ
တစ်ယောက်နဲ့တစ်ယောက်အရသာရှိခဲ့ကြ
မဟုတ်လား
ဒို့တွေ
တစ်ယောက်နဲ့တစ်ယောက်ချစ်ခဲ့ကြတယ်ဆိုတာ
အမှန်တရားတောင်မှ
နည်းနည်းပါးပါး မရိပ်စားမိခဲ့ဖူးလေ
ဒို့တွေဟာ
ရာသီဆိုးသွမ်းလမ်းမက
ပြန်ကျမိုးပေါ့
ဒီလိုမဟုတ်ဘူးလား
နေစမ်းပါဦး
မင်း လှသန်းမဟုတ်လား
မင်းဟာ
ရမ်းရမ်းကားကား ပြောတာကလွဲရင်
မင်းဟာ
လူကောင်းသူကောင်းတစ်ယောက်ပါ
ခေတ်က ခေတ်ကောင်းကြီးမဟုတ်လား
လူကောင်းသူကောင်းတွေကို
မွေးဖွားပေးတယ်လေ
မင်းကလဲ လှသန်းဆိုတဲ့နေရာမှာ
သေချာပေခဲ့တာကိုး
လှသန်းရေ
ငါတို့ဟာ
ကြားဖဲကိုလဲ မစောင့်သင့်ကြဘူး
ဝေဖဲတွေဘာတွေလဲ မစမ်းသင့်ကြတော့ဘူး
ငါတို့အားလုံးဟာ
တချပ်မှောက်ဖဲဝိုင်းထဲမှာ
ဖဲနှစ်ချပ်စဝေတော့
ငါဟာ
တစ် ၂ လုံးနဲ့ပေါ့
မင်းက
ကင်း ၂ လုံးနဲ့လေ
ငါ သိပါတယ်။
မင့်ဖဲရော ငါ့ဖဲပါ
ဆန်းဖဲတွေ မဟုတ်ကြတော့ဘူး
တချပ်မှောက်ကစားရာမှာ
လိုက်ရဲဖို့ထက်ပြေးရဲတာ သတ္တိပါ
လှသန်းရေ
ငါတို့တွေ ပြေးကြစို့ရဲ့
ခုလောက်ဆို
မောင်ပြည့်မင်းတစ်ယောက်
နှင်းတွေဝေနေရောပေါ့။

မောင်ချောနွယ်
မိုးဂျာနယ်

ရေ

ရေရောထားတဲ့ နွားနို့များ
ရေရောထားတဲ့ အောင်မြင်မှုများ
ပင်လယ်မှာ
ငါ
သောက်လို့မရတဲ့ ရေတွေရဲ့ အစမ်းအသပ်ကို ခံရပေါ့

သုခမိန်လှိုင်
Idea ။ မတ် ။ ၂၀၁၃

မျောက်လို အငြိမ်မနေခြင်းမှ

မျောက်လို အငြိမ်မနေခြင်းမှ
ဖလင်နှင့်ရုပ်ရှင်ကို တွေ့ရှိခဲ့
အသံနှင့်ဓာတ်ပြားကို ခြစ်ထုတ်ခဲ့

မျောက်လိုအငြိမ်မနေခြင်းမှ
စစ်ပွဲကြီးများပြီင်္းဖို့
စာသားများ ပြီးစီးခဲ့ပါပြီ ။

သုခမိန်လှိုင်
idea ။ ဇန်န၀ါရီ ။ ၂၀၁၃

တစ်ခါမှမကြားဘူးတဲ့ နာမည်တွေ

တစ်ခါမှ မကြားဘူးတဲ့ နာမည်တွေ
အောင်မြင်ပါ့မလား

တစ်ခါတုန်းက
အားလုံးဟာ
တစ်ခါမှ မကြားဘူးတဲ့ နာမည်တွေ။

သုခမိန်လှိုင်
idea ။ ဖေဖော်ဝါရီ ။ ၂၀၁၆

အထပ်ထပ်သေဆုံးမှု

ဆယ်ထပ်တိုက်ပေါ်က ပြုတ်ကျခဲ့တဲ့ကောင်က
တိမ်တွေကို လိုက်ဖမ်းချင်လို့တဲ့ ဆေးရုံမှာရင်ဖွင့်တယ်
"မနေ့ညက မင်း ခြေဖမိုးမို့မို့လေးကို အိပ်မက်မက်တယ်"လို့
အာခေါင်သံစူးထားတဲ့ အသက်၂၁နှစ်သား လူငယ်က ပြောတယ်
မီးဟာ ရှက်ပြီး ဆက်လက်မလောင်ကျွမ်းနိုင်တော့တဲ့အထိ ငိုခဲ့ရပါတယ်
တိမ်တွေကတော့ ရှက်လို့တဲ့ သူတို့လျှောက်နေတဲ့လမ်းကို
အဝေးပြေးလမ်းတွေအောက်မှာ ၀ှက်ပေးလိုက်တယ်
မျက်ရည်မလွယ်ဘူးထင်ရင် အပိုင်းပိုင်း အစစ ဖြုတ်ကြည့်လိုက်လေ
ယန္တရားစက်သွားတွေကြားမှာ အထီးကျန်ခြင်းက
ကတ်ဆက်ခွေလေးလို ဘယ်ညာ လည်ပတ်နေမှာ
ဆိုးတယ်
လက်ဖမိုးလေးကိုနမ်းလိုက်ရုံပါပဲ ကဗျာက ငါ့ကျမှ အသက်မရှိတော့
နေ့အပူ ညအပူ ဆူလေသမျှငရဲ အထပ်ထပ်သေဆုံး
အင်ကြင်းပန်းတွေပွင့်ခဲ့တာကြာပြီမလား
ပြိုကျလာတဲ့ကောင်းကင်ကြီးကို ထမ်းပိုးထားရခြင်းမှာ
'လူငယ်' တဲ့
အစကတည်းက ကိုယ့်ကိုယ်ကို သရဏဂုံတင်ပြီးပါပြီ
ကြည့်မှန်ကို ရိုက်ခွဲပစ်လဲ မျက်လုံးအိမ်ထဲက မင်းက အပြင်ဘက်ထွက်ကျမလာ
ဘာထူးဆန်းသလဲ ကလေးလေး
ဘာဆိုဘာမှ စောက်အဓိပ္ပာယ်မရှိဘူးလို့
ဘုရားဟောကို ငါ နားလည်သလို ဘာသာပြန်ကြည့်မိတဲ့အခါ
မီးတောင်ဝက ချော်ရည်တွေက ဘ၀ဖြစ်တော့မယ် ။

ဒီဝသုန်ခက်
ဒီဇင်ဘာ ၂၆ ၂၀၁၅

FRIENDS

ကိုယ့်ကို Like မှ မဟုတ်ပါဘူး
မ Like ရင်လည်း
အဲဒါ
မိုက်ပါတယ်
နှစ်ခုစလုံးအတွက်
လက်ခံရရှိပါကြောင်း ။

အောင်ချိမ့်

ပြည်မှာဆောင်း

သြော် ...."ခင်ဝမ်း"
ခင်ဗျားကွယ်လွန်တာ ငွေရတုပြည့်ခါနီးမှ
ဒီကဗျာလိုသေးလား

ဘယ်အချိန်ဖွင့် ဖွင့် ပွင့်တဲ့ ခင်ဗျားကို
သွားဖွင့်မိလို့ပါ

သုခမိန်လှိုင်
နံနက် ၄း၂၀
၂ နိုဝင်ဘာ ၂၀၁၄

မျဉ်းဖြောင့်အလင်း

ဟောဒီ
နာကျင်မှုကပဲ
ဘ၀အသစ်ကို ထွန်ယက်ခဲ့ပြီ

ဘာကိုမှ
ဆုမတောင်းလေနဲ့
မတောင်းတဲ့ဆုကိုပဲ ရပေလိမ့်
ငါ့ကိုယ်ငါ အဲသလိုကာကွယ်ခဲ့ဖူး
ဆိုကိုး....။

ဘယ်သူတွေလည်း
သေကောင်းပေါင်းလဲဟစ်ခေါ်
မျက်နှာပေါ်က
ခြေသံတချို့ထန်ပြင်းလှချည်ရဲ့....။

စူးစူးရဲရဲအနံ့တို့
လေကိုဆန်တက်လာ
ဒီလိုငြင်းဆိုကြေးလား
ဒီကောင်မလိမ္မာခဲ့ပါဘူး
အလိမ္မာစကားနွံမှာ
ကျွံနစ်ခဲ့ရတဲ့

သမားရိုးကျမဆန်တဲ့ အမှားမှာ
အလျားလိုက်မျောပါခဲ့ရပြီ။

ငါ့ကိုယ်ပေါ် မစိုစွတ်စေဘဲ
ပြင်းပြင်းထန်ထန် အမှန်ရွာခဲ့တာ
လက်ညှိုးမိုးများသာ....။

ညီမလေး
ဌေးဌေးရေ
တကယ်တော့ ငါက
ကျီးယောင်ဆောင်ထားတဲ့ ကျီးပါကွဲ့
ငါ စိုက်ပျိုးခဲ့တဲ့
အသီးအပွင့်တွေဟာ
အချစ်အတွက်သာဖြစ်တယ် .....။

အောင်ဘညို

ဟိုး အဝေးဆီကို

စိတ်ကူးယဉ်လို့ရ
မှန်းကြည့်လို့ရ
ဒါပေမဲ့ ကျွန်တော်သွားလို့မရ
ကျွန်တော့် ဇုန်ထုတ်ကားနဲ့
ကျွန်တော့် အလုံအလောက်လောင်စာဆီနဲ့
ကျွန်တော်သွားလို့မရ
မစတာ မြတ်သစ်ရေ ကျွန်တော်သွားလို့ မရ
မစတာ အကိုကြီးရေ ကျွန်တော်သွားလို့ မရ
အဝေးကြီးဆိုတော့ ကျွန်တော်သွားဖို့
ကော်ဇောပျံမရှိ၊ သွားလို့မရ
ဟာ - အဲဒီမှာ အရမ်းအေးနေတာ
ရွာမှာ အဖျားအနာ ထူးထူးထွေထွေ မရှိကြ
ဒါပေမဲ့ သွားလို့မရ
လူကရိုးတော့ အားလုံးက ခင်ကြ
သွားဖို့ကတော့ သုဉ်းဝ
အာရုံကျနေကြသလား ခင်ဗျားတို့
သူ ကျွမ်းကျင်တဲ့အလုပ် သူလုပ်ပါစေတော့လား ခင်ဗျားတို့
ဘာပဲဖြစ်ဖြစ် မြင်းအလုပ် မြင်းလုပ်
ပြိုင်ကွင်းထဲမှာ ပြေးပွဲ၊ လှည်းဆွဲ ၊ ကုန်ဆွဲ
ပျော်နေမှာပါ မြင်းပဲလေ
သူ မြင်းပဲလေ ပျော်မှာပါ
'မည်သူကမျှ တစ်ရက်လုံးလုံး
မကောင်းကြံသော်လည်း
မအောင်မြင်နိုင်
သုံးရက်ဆက် မကောင်းကြံသော်လည်း
မအောင်မြင်နိုင်
လေးရက်ဆက် မကောင်းကြံသော်လည်း
မအောင်မြင်နိုင်
ရူးသွပ်သောရောဂါလည်း မဖြစ်နိုင်
တွေဝေထိုင်းမှိုင်းလည်း မနေ
ယုံကြည်စွာကိုးကွယ်ပါ၏ ဓာရဏပရိတ်တော်'
ကျွန်တော်ကတော့ ဖြုတ်ပြီးတော့ ထုတ်ထားလိုက်ပါပြီ
ထုတ်ပြီးတော့ တစ်ဖန်ပြန်မထည့်တော့ပါ
ဒါ သီအိုရီကိစ္စ၊ အစကတည်းက
ကျွန်တော်ကျကျနန စဉ်းစားခဲ့ပြီးသားပါ
မစတာ ကိုယ့် လူရေ
မစတာ ယောင်းမ်ရေ
စိတ်မကောင်းပါဘူးဗျာ ၊ ခွင့်လွှတ်ပါ ။

မောင်ပြည့်မင်း
မြန်မာသစ် ၊ ဇန်န၀ါရီ ၊ ၂၀၁၁

ရော်ဘင်ဟု

ဝါရင်ဘီတီတောင်မှ
သမ္မတအဖြစ် အရွေးခံရတော့မယ်ဆိုပဲ
၂၀၀၀ ပြည့်နှစ်လည်း ပြည့်ခဲ့ပြီ။

မင်းနဲ့ငါ ခုထိ
တစ်ယောက်နဲ့တစ်ယောက် မော့မကြည့်ဖြစ်ကြဘူး
တစ်ယောက်နဲ့တစ်ယောက် မသိသလိုနေကြတယ်
တစ်ယောက်နဲ့တစ်ယောက် မရှိသလိုပဲ ဟန်ဆောင်ခဲ့ကြ

ငါက နေလိုတောက်ပချင်ရဲ့
မင်းက အုံ့ဆိုင်းလွန်းတယ်

မုန်တိုင်းကို ပိုက်နဲ့ထောင်ဖမ်းနေမိတဲ့
ငါ့အဖြစ်ပါကွယ်
ရုရှားမှာ နပိုလီယံ ဆုံးရှုံးခဲ့ရတယ်ဆိုတာ
ငါ့အဖြစ်နဲ့ နှိုင်းစာရင် ရယ်စရာပဲ ဖြစ်မှာပါ။

နတ်ဆိုးတွေက မြှောက်ပင့်ပေးတယ်
ဘုရားသခင်ကလည်း မတားမြစ်ခဲ့ဘူး
သက်သေပြစရာဆိုလို့ကလည်း
မောင်းချဓားတစ်ချောင်းကလွဲပြီး ဘာမှမရှိတော့ဘူး။

ငါက လေလိုပွတ်သပ်ချင်ရဲ့
မင်းက အထပ်ထပ် ခြုံသိုင်းလွန်းတယ်။

ပန်းချီကျော်တစ်ဦးဖြစ်ဖို့ ရည်ရွယ်ခဲ့တဲ့
ဟစ်တလာလိုများ ငါ လွဲချော်သွားလေမလား
တားမရတော့ဘူးကွယ်
ချာချာလည်အောင် မူးပစ်ချင်ရဲ့
ရူးနေမှတော့ ထူးပြီးတော့လည်း ဘာမှမထူးတော့ဘူး။

မေ့ပစ်ခြင်းဝါဒကို
ခဏ ခဏ ကျင့်သုံးနေရသူမို့
ကိုယ့်နာမည်တောင် ကိုယ်မေ့နေပါပြီ
ဒါပေမဲ့ တစ်နေ့မှ မေ့မရနိုင်ဘူးကွယ်
အငွေ့ပျံလုနီး မင့်နှုတ်ခမ်းကလေး
လမ်းတစ်ဝက်မှာ အေးခဲသွားပုံ။

မင်းကလေးးကို ငါ့အတောင်ပံအောက် သိမ်းပိုက်ဖို့ရာ
ဆန္ဒတွေပဲ ၀ဖီးလာပြီး
အချိန်တွေက ပိန်ပိန်သွားခဲ့။

ငါ့က ဒလဟော စီးဆင်းချင်ရဲ့
မင်းကလေးက ရပ်တန့်လွန်းတယ် ။

ပိုင်စိုးဝေ
New Style

ဝေးချင်း

လမင်းသည်
ခွဲခွာခြင်းအင်္ကျီကို
တွဲသီဝတ်ဆင်၍
ပင်လယ်ပြင် တစ်ဖက်စွန်းမှ
နှုတ်ခွန်းဆက်လာသောအခါ
ကဗျာသည် ညတွင်ကင်းခဲ့၏ ။

အချစ်ဆုံး သူ ချန်ထားရစ်သော
တစ်ဆစ်တစ်ပိုင်း အေးမြမှုသည်
အတုလုပ် ကျွမ်းကျင်သူထံမှ
ကဗျာတစ်စကို ယူငင်ကာ
ဟန်ဆောင်မျှသာ ဖြစ်သော
နစ်မျောဖွယ်တေးသံကို
ဝဲပျံလွင့်ပါးစေပြီး၍....။

ဘာမှမဟုတ်သော
အဖြူရောင်စာမျက်နှာများပေါ်မှ
ဝါကျင့်ကျင့်အလင်းရောင်တို့
မမှောင်ခင် အမိဖမ်း၍
လမ်းပျောက်သူတို့တွေ့စေရန်
စီမံစိုက်ထူထားသော ဘ၀မှတ်တိုင်များ
နှလုံးသားတွင်းသို့ ပြေးဝင်ပျောက်သွားရာ
ဘယ်မှာ ဘယ်မှရှာမရသော
ဘ၀ရတနာသည် ပြာမျှသာ
ဖြစ်ချေ၏ ။

ဟိုဘက်ကမ်းသို့ ပြန်တော့မည်
မျက်ရည်မစို့ကြနှင့် ။

ဇော်ဇော်အောင်

ပုို့စ်ကဒ်ကဗျာ ၁၂

လူအများစုဝေးရာ
ပွဲတော်ပြီးတော့
ကိုယ်ဟာတစ်ယောက်တည်း ။

ဘယ်တုန်းကမှ
ကိုယ်ဟာနှစ်ယောက်မရှိခဲ့ပါဘူး။
တကယ်တော့
ပွဲတော်မစခင်ကတည်းကပ
ကိုယ်ဟာတစ်ယောက်တည်း ။

ဘယ်အချိန်အခါကလည်း
မင်းပြောတာနှစ်ကိုယ်ခွဲဆိုတာ ။

ဝင်းမြင့်
၂ ၁ ၂၀၁၆