ဆယ်ထပ်တိုက်ပေါ်က ပြုတ်ကျခဲ့တဲ့ကောင်က
တိမ်တွေကို လိုက်ဖမ်းချင်လို့တဲ့ ဆေးရုံမှာရင်ဖွင့်တယ်
"မနေ့ညက မင်း ခြေဖမိုးမို့မို့လေးကို အိပ်မက်မက်တယ်"လို့
အာခေါင်သံစူးထားတဲ့ အသက်၂၁နှစ်သား လူငယ်က ပြောတယ်
မီးဟာ ရှက်ပြီး ဆက်လက်မလောင်ကျွမ်းနိုင်တော့တဲ့အထိ ငိုခဲ့ရပါတယ်
တိမ်တွေကတော့ ရှက်လို့တဲ့ သူတို့လျှောက်နေတဲ့လမ်းကို
အဝေးပြေးလမ်းတွေအောက်မှာ ၀ှက်ပေးလိုက်တယ်
မျက်ရည်မလွယ်ဘူးထင်ရင် အပိုင်းပိုင်း အစစ ဖြုတ်ကြည့်လိုက်လေ
ယန္တရားစက်သွားတွေကြားမှာ အထီးကျန်ခြင်းက
ကတ်ဆက်ခွေလေးလို ဘယ်ညာ လည်ပတ်နေမှာ
ဆိုးတယ်
လက်ဖမိုးလေးကိုနမ်းလိုက်ရုံပါပဲ ကဗျာက ငါ့ကျမှ အသက်မရှိတော့
နေ့အပူ ညအပူ ဆူလေသမျှငရဲ အထပ်ထပ်သေဆုံး
အင်ကြင်းပန်းတွေပွင့်ခဲ့တာကြာပြီမလား
ပြိုကျလာတဲ့ကောင်းကင်ကြီးကို ထမ်းပိုးထားရခြင်းမှာ
'လူငယ်' တဲ့
အစကတည်းက ကိုယ့်ကိုယ်ကို သရဏဂုံတင်ပြီးပါပြီ
ကြည့်မှန်ကို ရိုက်ခွဲပစ်လဲ မျက်လုံးအိမ်ထဲက မင်းက အပြင်ဘက်ထွက်ကျမလာ
ဘာထူးဆန်းသလဲ ကလေးလေး
ဘာဆိုဘာမှ စောက်အဓိပ္ပာယ်မရှိဘူးလို့
ဘုရားဟောကို ငါ နားလည်သလို ဘာသာပြန်ကြည့်မိတဲ့အခါ
မီးတောင်ဝက ချော်ရည်တွေက ဘ၀ဖြစ်တော့မယ် ။
ဒီဝသုန်ခက်
ဒီဇင်ဘာ ၂၆ ၂၀၁၅
No comments:
Post a Comment