၃၃ လမ်းရဲ့ ဝေဒနာဟောင်း

အရောင်တွေ
အရုပ်တွေနဲ့၊ လိမ်တဲ့ ညာတဲ့
စာအုပ်တွေအပေါ်၊ ကျော်လွှားသွားလျက်
မလှပမှ
လှပခြင်းသို့၊ အလင်းငှဝေ
စာအုပ်တွေကို၊ ကျေနပ်ကြီးစွာ
လှမ်းကာရွေးလျက်၊ အဲဒီလက်
ယောက်ျားပျို တယောက်ရဲ့လက်။

တဆက်ထဲမှာ
ကြာနွယ်ညွှတ်ပျောင်း၊ ဖယောင်းလိုနု
လက်တစ်ခုဟာ
စာအုပ်ဖိုးကျသင့်ငွေ ရှင်းပေးလိုက်တယ်။

လက်နှစ်လက်ရဲ့
မျက်နှာနှစ်ခု၊ တခုက ယောက်ျား
မေးရိုးကားကား၊ ပြတ်သားတဲ့အသွင်။

နောက်တစ်ခုက
နုနုဖြူဖြူ၊ သူမ သူမ
လှတဲ့ ယဉ်တဲ့၊ ကြင်နာမှုသခင်။

၃၃ လမ်း
စာအုပ်တန်းမှာ၊ ပြုံးပန်းဝေကြွေ
"သူမ" နှင့် "သူ" ၊ ချစ်သူနှစ်ဦး
ကြည်နူးနေပုံ၊ ဆုံဆိုက် ကြုံခိုက်
ရင်ခုန်ခုန်နဲ့၊ သတိရလာတယ်။

တချိန်ကဆို
သူတို့လိုဘဲ
မင်းလဲ စာအုပ်တွေ ၀ယ်ပေးဘူးပါတယ်။

ဆွေးနွေးကြ
ငြင်းခုံကြသေးတယ်။

အောက်ဆုံးဘ၀တွေကြား
လျှောက်သွားခဲ့ကြဘူးသေးတယ်။

ခွင့်ပြုကွယ်ဆိုတော့မှ
အို၊ မျက်ရည်ဝိုင်းပြီး မင်း အသနားခံတယ်။

နောက်ဆုံးကျတော့
ရာဇသံနဲ့ လမ်းခွဲသွားတယ်။

မဆန်းလှလဲ
မေ့မရတဲ့၊ ဒို့များရဲ့အကြောင်း
ဟောင်းတော့ ဟောင်းခဲ့ပါပြီလေ။

အဖြစ်ဟောင်းလဲ
အဟောင်းလိုသာ၊ ပြာကျမွကြေ
လေနှယ်လွင့်ပါး
ပျောက်ကွယ်သွားက ကောင်းလေစွ။

'သူမ' နှင့် 'သူ'
ချစ်သူတို့လဲ၊ ဒို့များလိုသာ
ဇာတ်နာနှင့်ဆုံး
နိဂုံးမချုပ်က ကောင်းလေစွ။

၃၃ လမ်း
စာအုပ်တန်းမှာ၊ ဝေဒနာဟောင်း
အလောင်းဖော်တူး၊ ခံစားမူးယစ်
စိတ်ကူးရုပ်ပုံ၊ နွမ်းလျလျ။

အောင်ချိမ့်

လှေကား

လှေကားအတိုင်း ငါတက်လာတယ်၊ လှေကားအတိုင်း ငါတက်လာတယ်၊ လှေကားအတိုင်း ငါတက်လာတယ်၊
မင်းက မီးဖိုချောင်ထဲမှာ၊ မင်းက မီးဖိုချောင်ထဲမှာ၊ မင်းက မီးဖိုချောင်ထဲမှာ၊ မင်းရဲ့လက်ထဲမှာ ကြက်သွန်လှီးတဲ့ဓားကို ကိုင်ထားတယ်၊ မင်းရဲ့လက်ထဲမှာ ကြက်သွန်လှီးတဲ့ဓားကို ကိုင်ထားတယ်၊ မင်းရဲ့လက်ထဲမှာ ကြက်သွန်လှီးတဲ့ဓားကို ကိုင်ထားတယ်၊ အရမ်းချစ်တယ်လို့ ငါမင်းကိုပြောလိုက်တယ်၊ အရမ်းချစ်တယ်လို့ ငါမင်းကိုပြောလိုက်တယ်၊ အရမ်းချစ်တယ်လို့ ငါမင်းကိုပြောလိုက်တယ်၊ ဘာမှမပြောဘဲ မင်းငါ့ကိုစိုက်ကြည့်တယ်၊ ဘာမှမပြောဘဲ မင်းငါ့ကိုစိုက်ကြည့်တယ်၊ ဘာမှမပြောဘဲ မင်းငါ့ကိုစိုက်ကြည့်တယ်၊ ပြီးတော့ မင်းတစ်ချက်ပြုံးလိုက်တယ်၊ ပြီးတော့ မင်းတစ်ချက်ပြုံးလိုက်တယ်၊ ပြီးတော့ မင်းတစ်ချက်ပြုံးလိုက်တယ်၊
ငါလိုချင်တာကလည်း အဲဒါပဲလေ။

မောင်ဒေး

လူသားဝါဒ

ကျနော်ဟာ
အယူဝါဒစွဲ အရမ်းကြီးတယ်
လမ်းဖြတ်ကူးရင် မပြေးချင်ဘူး
အိနြေ္ဒရချင်ပါတယ်။ ။

ဝေးခေါင်
(၂၁ နိုဝင်ဘာ ၂၀၁၇)

ဗိုချော

ဗိုချော
ကျနော်တို့လည်း
အချိန်မှားမျဉ်းပေါ်မှာ
နှာခေါင်းကလေးတွေဖော်ဖော်ပြီး

တခါတခါ ပြုတ်ပြုတ်ကျလာတဲ့
ကိတ်ခြောက် အကျိုးအပဲ့ကလေးတွေ

တချက်တချက်
ပူစီဘောင်းကလေးတွေ
မှုတ်ထုတ်ရင်း

တစ်ပုဒ်ရတစ်ကြောင်းရနဲ့
အချိန်မှားမျဉ်းပေါ်မှာပါဘဲ
မျဉ်းမှားအချိန်ထဲမှာပါဘဲ

ဗိုချော
မစ်စတာဒဗလူကလက်ရဲ့မှတ်တမ်းတော့
ကျနော်လည်းမဖတ်ဖူးဘူး

ဗိုချောကိုချစ်တဲ့လူဟာ
ဘောလုံးအသင်းတစ်သင်းစာမှရှိရဲ့လား

မေးရိုးရှိမရှိ
မစဉ်းစားတော့ပါဘူး

ဒီမှာတော့
ကဗျာဆရာတွေ ကဗျာဆရာတွေ
ဘောလုံးကွင်းကြီးတွေ
ဘောလုံးကွင်းကြီးတွေ လွယ်လို့
ဘောလုံးကွင်းကြီးတွေ အပြည့်

ဖျံဖမ်းပြိုင်ပွဲမှာ
ကျနော်လည်း
ဝတ်စုံအပြည့်နဲ့ ဖျံတစ်ကောင်။

မိုးကျော်သူ

ပျင်းရိစဉ်ကာလများ

နေမြင့်တဲ့အထိအိပ်နေမယ်
တစ်ကြိုးကိုဒုံ ဒုံ လို့မြည်အောင်တီးမယ်
ပြတင်းပေါက်ကိုဖွင့် ဖီလော်ဆော်ဖာတစ်ယောက်လို
လမ်းမကိုကြည့်နေမယ်
ဘာမှမလုပ်ဘူး
တစ်ကြိုးက ဒုံ လို့မြည်တယ်
နှစ်ကြိုးက ဒွန် လို့မြည်တယ်
မှန်ကိုကြည့်ပြီး မပြုံးရယ်ပဲနေမယ်
ငါ့အကြောင်းကိုဘယ်သူမှမစဉ်းစားမိအောင်
တိတ်ဆိတ်နေမယ်
နေဟာငါ့ဦးခေါင်းအထက်ကမ္ဘာ့ခေါင်မိုးပေါ်ကနေ
ဖြတ်သွားလိမ့်မယ်
မြက်ခင်းထဲမှာပိုးကောင်သေးသေးလေးတွေ
ပုန်းအောင်းနေလိမ့်မယ်
ဝင်ရိုးစွန်းတစ်ဖက်မှာ နွားအိုကြီးတစ်ကောင်ဟာ
တလှုပ်လှုပ်နဲ့ မြက်ခင်းရှိရာဆီ
လှမ်းလာနေလိမ့်မယ်
မိုးတိမ်တွေက လူတွေငါ့ကိုမေ့နေအောင်
ဖုံးကွယ်ထားလိမ့်မယ်
သစ်ရွက်ဟာလေပြည်နဲ့ စကားလက်ဆုံကျနေလိမ့်မယ်
သစ်သီးတောင်းကိုထမ်းလို့ လမ်းအတိုင်း
လျှောက်နေသူဟာ
တဖြည်းဖြည်းဝေးသွားတယ်
ဘယ်တုန်းကမှ မစတင်ခဲ့တဲ့ဇာတ်လမ်းတစ်ပုဒ်ပါ
ငါ့ဘာသာတိတ်ဆိတ်နေတာ။

နေမျိုး
စာပြီးနှစ် ၁ ၁၁ ၂၀၁၇
ည၁၀း၁၆နာရီ

အသဲတစ်ခြမ်းရဲ့လိပ်စာ

ဟောဒီလောင်ဂျီတွဒ်ထဲမှာ
ဒီနေ့လည်းပုဇွန်ခေါင်းတွေပါဘဲ

မှားထွက်လာတဲ့နေရောင်ခြည်အောက်မှာ
ဒီနေ့လည်း
ကန္တာရကန်ဇွန်းပါဘဲ

ငါတိုမြို့ထဲ ဘယ်ကအကွာအဝေးတွေ
ရောက်ရောက်လာတာလဲ

ဘယ်လိုပြုံးပြုံး
အပြုံးကပြန်မတည့်တော့ဘူး
ငါတို့လမ်းတွေ ဘယ်သူဆွဲဆွဲဆန့်နေပါလိမ့်

အိမ်ငှားခနဲ့ တူတဲ့ရယ်သံတွေ
မွေးမြူရေးကြက်ဖော်ရွေမှုတွေ
အန်ဗျူးလင့်တစ်စီးလိုလက်ဆွဲနှုတ်ဆက်
အော် တွေ့ရတာ အပေါ်ဆုံးအထပ်ပါဘဲ
ဒီလိုနုတ်ဆက်ကြစို့

မီးခဏခဏပျက်တဲ့တောင်ကြားမှာ
စိတ်ကူးယဉ်ပြီဆို
ရေကအမြဲလျှံကျနေကြမဟုတ်လား

စာရေးပါဦး
ဒါ ကျနော့် အသဲတစ်ခြမ်းရဲ့လိပ်စာ
ကိုအောဒိနိပ်တွေရိုက်ထည့်လိုက်တာနဲ့
ငါးကန်ထဲကတဆင့်
ကျနော်တို့ကို လှမ်းမြင်ရပါလိမ့်မယ်

ဒီမြို့ကို ကြက်သွန်တွေနဲ့တည်ထားတာတဲ့
ခင်ဗျားမျက်ရည်တွေသုတ်လိုက်ပါဦး။

မိုးကျော်သူ
(၂၀၁၇ အလယ်ရိုးမ ကဗျာဆုရ ကဗျာ)

စစ်ကားတွေ အကုန်ကြည့်ပြီးပြီ

စပီးဘတ်က စ စိန်ဖေတင်အဆုံး
စစ်ကားတွေ အကုန်ကြည့်ပြီးပြီ

ကျနော်က
သေနတ်ပစ်ခန်းတွေ မကြိုက်ဖူး
ရေငတ်လို့
ကိုယ့်ပခုံးကို ရှပ်ရှပ်ထိသွား တဲ့
သူ့ပခုံးစွန်း အိအိ များ
ဗုံးတွေကျဲချတဲ့အခန်း မှာ
သူ့လက်ထဲ ပေါက်ပေါက် ဆုပ်တွေထည့်ပေးလိုက်တယ်
ဂျပိုးတော့ ကိုက်တာပေါ့

နဲဗားရွန်းက စ အချစ်တပွဲ စစ်ပွဲတရာ
လက်မှတ်မှောင်ခို မှ
အင်တာနက် ဘွတ်ကင် ထိ
စစ်ကားတွေ အကုန်ကြည့်ပြီးပြီ

တင့်ကားတွေ စီတန်းလို့ ညဘက်ကြီး
အမှောင်ထဲမှာ တိုးတိုး တိုးတိုး ပေါ့
နေကြာစေ့ ခွံတွေလဲ နူတ်ခမ်းနီတွေ ပျက်ကုန်ပြီ
ဇာတ်သိမ်းခန်းဟာ ဆံပင်တွေ ပွ လို့
အဲသည်တုန်းက စစ်ကားအသေးစားတွေ

လမ်းကြို လမ်းကြားမှာ
လော်စပီကာကြီးတွေ
ပန်းချီ ပိုစတာအကြီးကြီးတွေ
မာလွန်ဘရန်ဒို ဒေစီကျော်ဝင်း
အော်ကာဟစ်ကာ
စစ်ကားတွေ စစ်ကားတွေ

အဖြူအမဲ
ဆေး ရောင် စုံ မြင် ကွင်း ကျယ်
အစ
သရီးဒီ ဖိုးဒီ ရေခဲရေ ဆယ်ပြား
တမတ် တန်း သုံးထောင်
ဒူးယား စစ်ကရက် ခပေါင်း စီးကရက်
မီးခိုးတွေ မီးခိုတွေ အဆုံး
စစ်ကားတွေ
အကုန်ကြည့်ပြီးပါပြီ။

မိုးကျော်သူ

လိပ်စာသစ်

ခင်ဗျားဖတ်နေပုံကလည်း
ကျနော့်ရဲ့မျက်လုံးအရောင်နဲ့
လိုက်ဖက်လှပါပေတယ်

မီးအိမ်ကလေးတွေ ထွန်းထားတဲ့
မှိတ်တုတ်တုတ်ညတွေမှာ
ခင်ဗျားနဲ့အတူလမ်းလျှောက်ချင်ပါသေးတယ်

တယောက်နင်းထားတဲ့မိုင်းအကြောင်း
တယောက် ခြေခထောက်မကြွဘဲပြောရင်း
လေဖြန်း အသဲရောဂါ အစာအိမ်နဲ့ ကြေးနန်းစာ
ရထားပေါ်ပါသွားတဲ့သူတွေအကြောင်း
အသံဖျက်ပြောရင်း
မြို့ကြီးကိုမတတ်နိုင်
အဝေးကြီးကအိမ်တွေ ညတိုင်းပြန်ခဲ့ရတဲ့အကြောင်း

စာရေးလိုက်ဗျာ
ခင်ဗျားအိမ်မီးလောင်ရင်ဖြစ်ဖြစ်
တယောက်ယောက်ဆေးရုံရောက်တဲ့အခါ
ကျနော်တို့ဆုံကျတာပေါ့

ပိတ်နေတဲ့လမ်းတွေ
ဒီလိုဘဲ
ရုတ်တရက်မိုးတိတ်သွားဖူး
သတင်းစာကို
ငါးထုပ်ဖို့ ပစ်ပေးခဲ့ပြီ

မိုးကျော်သူ

ဇီးရိုးဂရေဗီတီ

အစာလည်းဆေးဆိုတာက
ရေဆေးပြီးမှစားရတာမျိုး

မိန်းကလေးတယောက်ကိုငေးပြီး
အကြာကြီးသွားကြား
ထိုးနေတာဘယ်ကောင်းမလဲ

ရှင်ကြိုက်တဲ့အရောင်ပြောဆိုတော့
နှာခေါင်းကိုဘဲပွတ်ပွတ်နေတယ်

စောင်းနေတဲ့ကမ္ဘာကြီးမှာ
ကျမလည်း
သိပ်ရောင်းမကောင်းဘူး

ကျမမှတ်တိုင်မှာ
ရှင်က ဘယ်လောက်ကြာမှာလဲ
ငါးမြင်းဗိုက်သားက မတက်တော့ဘူး

တချို့သော့တွေက သွားနဲ့ဖွင့်မှ
အသံထွက်တာမျိုးဆိုတော့
နာကျင်ခြင်းဟာ ရှင့်အတွက်အပိုဆု
ဘယ်လိုအော်ပြရင် မြို့ထဲရောက်မှာလဲ

ကြမ်းအပူရှိန်
အခန်းအပူချိန်နဲ့
ဒီဇာတ်ကိုအဆုံးသတ်လိုက်တယ်

ကျမရဲ့မုန့်တွေက
သိပ် စားကောင်းမှာမဟုတ်ပါဘူး
ဒီတစ်လုံးကို
ရှင်ကြိုးစားဖမ်းပေတော့။

မိုးကျော်သူ

တကယ့်အဖြစ်အပျက်

ထမင်းဆာ၍
ကဗျာရေး၍ မရ။

အောင်ချိမ့်
သရဖူ ၊ ဇန်န၀ါရီ ၊ ၂၀၁၁

ချစ်သူသို့

ငါ ကျဆုံးနေတာ
ကြာပြီ။

အောင်ချိမ့်

ခြေတစ်ဖက်ဆာနေတဲ့ ကောင်မလေးဟာ ဘဝတစ်ခုလုံးကို မြိန်​ရည်ရှက်ရည် စားသောက်ပြီးနောက် အိပ်ပျော်သွားခဲ့

ပေမယ့်​ ကိုယ့်​ အရိုးနမူနာကို သူ ရ လိုက်​တာပါပဲ။ ​ပြောရရင်​ ဒါဟာ ပုံပြင်​တစ်​ပုဒ်​ထဲမှာ ပါဝင်​​တည်​ရှိ​နေတဲ့ ပုံ​ပြောသူက ​နောက်​ထပ်​ပုံ​ပြောသူ တစ်​​ယောက်​ ပါဝင်​​နေတဲ့ ပုံပြင်​အ​ကြောင်းကို ထပ်​​ပြော​နေသလို​ပေါ့။

ငှက်​​တွေ ​သေတဲ့ အခါ အ​ငွေ့ပျံပြီး ​လေဖြစ်​သွားတယ်​။ ​လေထဲမှာ ပုံပြင်​​တွေ ပါဝင်​​​နေပေမယ့်​ ပုံပြင်​ထဲမှာ လူ​တွေ ​နေတဲ့ ​ခေတ်​ကကုန်​သွားပြီ။ အချိုးအ​ကွေ့​တွေမှာ အခိုး​အ​ငွေ့​တွေလို ကိုယ်​တို့ ခဏခဏ ဆုံဖူး တာ။ "လွန်​​လေပြီး​သော​"တွေ ဓာတ်​ကြိုးထဲ စီးဆင်းသွားပြီး​ မီးလင်းလာခဲ့တာ။ ဒီ အ​တိုင်းဆို သောကြာ​နေ့​တွေတို​င်းဟာ စုံဂဏန်း​တွေ ဖြစ်​​နေ​တော့မှာပဲ ။
ခြေတစ်ဖက်ဆာနေတဲ့ ကောင်မလေးဟာ ဘဝတစ်ခုလုံးကို မြိန်​ရည်ရှက်ရည် စားသောက်ပြီးနောက် အိပ်ပျော်သွားခဲ့တယ်​။ ဘူတာရုံတိုင်းမှာ ထွက်​ခွာသွား​တော့မယ့်​ ငှက်​အမျိုးမျိုးဟာ သံ​နေသံထားအမျိုးမျိုးနဲ့ နှုတ်​ဆက်​ကြတယ်​။ ဒါ​ပေမဲ့ ၊ တကယ်​လို့များ လူကူးမျဉ်းကြား​ပေါ် ​နောက်​တစ်ခါ ပြန်​​တွေ့တဲ့ အခါ ကိုယ်​ မင်းမျက်​လုံးကို တွန်းဖွင့်​ပြီးဝင်​လာခဲ့မှာ။ မင်းရဲ့ အရိုး​တွေ အဖြစ် မင်းဆီမှာ ပြန်​လည်​ဝင်​စားမှာ။ ဒါနဲ့များ​တောင်​ ရထားဥသြသံ​တွေမှာ ဘဝဟာ မ ဂဏန်း ​ပဲ။
အရာရာကို ကိုယ်​ ရခဲ့ပြီ။ အဲဒီလို ကိုယ်​ရခဲ့ပြီလို့ ယုံကြည်​​နေတဲ့ စိတ်​ကိုလည်း ရခဲ့ပါပြီ။

- ​ဏေသစ်​
( ကဗျာ ​ခေါင်းစဉ်​ကို ဆစ်​ခ်​ က ​ပေးပါတယ်​။ စာသား​တွေ တူ​နေတာ မရှိ​ပေမယ့်​ ဒီ ကဗျာ​အ​ပေါ်မှာ လတ်​တ​လော ဖတ်​​ပြီး အရမ်းကြိုက်​​နေတဲ့ ကို​မောင်​​ဒေးရဲ့ " အစိမ်း​ရောင်​ စာအုပ်​ " ဟာ အများကြီး သြဇာလွှမ်းမ်ိုးမှု ရှိတာ ဝန်​ခံရမှာပါ )

ဟေရာကလိုက်တပ်စ်နှင့် ငြင်းခုန်ခြင်း

ဘာကိုမှမယုံကြည်ဘူးဆိုတဲ့ မြစ်ထဲမှာ
ရေနှစ်ခါချိုးပြီးပြီ

ပထမအကြိမ်က အစုန်
ဒုတိယအကြိမ်က အဆန်
နောက်တစ်ကြိမ်ဆို
ရေအောက် ကြမ်းပြင်အထိငုပ်ပြီး
ယုံကြည်ချက်သဘောင်္ပျက်တစ်စင်းပေါ်က ရတနာတွေရှာမယ်
ဟေ့လူ
ခင်ဗျား မယုံဘူးလား။

ကြည်ဇော်အေး
27 2 2018

ဖြစ်ရပ်မှန် အာကာသ

အကောင်းမြင်သမားက လေယာဉ်ပျံတီထွင်တယ်
အဆိုးမြင်သမားက လေထီးကို တီထွင်တယ်

အကောင်းမြင်သမားက နိုင်ငံရေးလုပ်တယ်
အဆိုးမြင်သမားက ကဗျာရေးတယ်
လေယာဉ်ပျက်ကျတဲ့အခါ
အကောင်းမြင်သမားက လေထီးကိုအရင်ယူပြီး ခုန်ချတယ်
ကဗျာဆရာက
အဲဒီလေထီး မပွင့်ဘူးဆိုတာ သိနေတယ်။

ကြည်ဇော်အေး
2 3 2018

နံရံကပ် စာမျက်နှာ - ၂

ဦးကောက်ဆိုင်က ဖက်ထုပ်ဝယ်ခဲ့
ညနေ ဘုရားသွားမယ်
ဘီယာဆိုင်ချည်းပဲ ငါ့ကိုခေါ်မနေနဲ့

အဲဒီပုံတင်လိုက်
ဟိုပုံပြန်ဖျက်
အမိန့်တော်မြတ်အတိုင်း
အေးပါကွာ။

ကြည်ဇော်အေး

နံရံကပ် စာမျက်နှာ

ရေတင်ခဲ့တယ်
ဘုရားပန်းလဲခဲ့တယ် 
သော့ကို ဝရံတာမှာ ထားခဲ့တယ်
ဂဏန်းမဆလာဟင်းဝယ်ခဲ့မယ်

ချစ်တော့ချစ်တယ်
နည်းနည်းတော့ နောက်ကျမယ်။

ကြည်ဇော်အေး
11 3 2018

အလွမ်း

စမ်းချောင်းလေးနံဘေးက
တောင်ကုန်းများတို့ရေ
ခင်ဗျားတို့ ကြံ့ခိုင်စွာအိပ်မောကျစဉ်

ကြွေမျောပါသွား
ပန်းပွင့်လေးတွေ
ကျွန်တော် လွမ်းဆွတ်နေမိပါတော့သည်။

မောင်စမ်းအေး(သဲကုန်း)

ဆီလျော်မှုရှိသော အမှန်တရား

ဒီမှာ၊ သားစိမ်း ငါးစိမ်း စားသတဲ့။
ဆူရှီ ၊ ဆူရှိမီး ခေါ်ကြသတဲ့။
ဘယ်ဘက်က ပါမောက္ခကြီးက ပြောတယ်
ဒီ ငါးစိမ်းကတော့
ဆာကေးနဲ့ ကောင်းသတဲ့။
ဟိုက်...ဟိုက်။
ညာဘက်က ပါမောက္ခကြီးက ပြောတယ်
ဒီ အသားစိမ်းကိုတော့
ဝီစကီနဲ့ မျှောချတဲ့။
နိပ်ပါ့ ... နိပ်ပါ့။
ဝီစကီနဲ့ ဆာကေးပါမှတော့
သားစိမ်းပဲစားစား
ငါးစိမ်းပဲစားစား
သခွားသီးစိမ်းပဲစားစား
ကောင်းတော့နေမှာပဲ။

မြင့်သန်း
(osaka,1997)
ရနံ့သစ်၊ မေ ၊ ၂၀၀၄

အလကားလ

လ တစ်လုံး ရေထဲပြုတ်ကျ
ရေကန်ထဲမှာ လှလှပပ
ရွှန်းမြမြ အလင်းရောင်
အားဆောင်လို့ပြ။

လေအဝှေ့မှာ
ကြွေကျတဲ့သစ်ရွက်အို
ကန်ရေမျက်နှာပြင်ကိုခွဲ
လ လည်း အစိတ်စိတ်အမြွာမြွှာ ကွဲ။

ရေထဲက လ
အလကား လ။

မြင့်သန်း
မြှားနတ်မောင်၊ ဖေဖော်ဝါရီ ၊ ၂၀၀၄