အရိပ်မထွက်တဲ့မှတ်စု

မမွေးခင်ကတည်းက
ကျွန်တော်တို့ကို ၀ါးမျိုဖို့စောင့်ဆိုင်းနေကြတဲ့ ယဉ်ကျေးမှုတွေပါ
ဟုတ်ပါတယ်
ရထားတွေ အများကြီးဆိုက်ပါတယ်၊ ကိုယ့်ခရီးနဲ့ကိုယ်ပေါ့
ရန်ကုန်ဘူတာကြီးထဲ ကျည်ဆန်ရထားကိုမှ ရှာနေရင်တော့
ကျွန်တော်နဲ့ခင်ဗျား တစ်ခုခုမှားနေပြီ
တနင်္ဂနွေနေ့ဟာ ခံစားချက်မရှိဘူးး
သွေးစွန်းသော တနင်္ဂနွေနေ့ သို့မဟုတ် တနင်္ဂနွေနေ့မှာ မင်္ဂလာဆောင်မယ်
ကဲ .. ခံစားချက်မှာ မူပိုင်ခွင့်တွေပါ တွဲပါလာပါပြီ
"တနင်္ဂနွေ"ဆိုတဲ့ စကားလုံးရဲ့ အဓိပ္ပါယ်အထိ တူးဖော်လာပြီဆိုရင်တော့
အဘိဓာန်နဲ့ စွယ်စုံကျမ်းပါပဲ
ဘယ်သူတွေကများ ကျွန်တော်တို့ကို ပြဌာန်းခဲ့သလဲ
ဘုရားသခင်လား၊ အာလာဒင်မီးခွက်လား၊ ဟေတုပစ္စယောလား
ကလလရေကြည်နဲ့ ဇီဝကမ္မဖြစ်စဉ်
လိင်၊ အမည်နာမ၊ မိဘ
အယူဝါဒ၊ ဒီအင်အေ၊ ဘာသာစကား
အားလုံးသင်ရိုးအတိုင်း သင်လိုက်ကြရုံသာ
မိမိကိုယ်ကို မရရှိသေးခင်မှာပဲ
ခေတ်ဟာ ကျွန်တော်တို့ကို ပိတ်ဆို့ထားလိုက်ပြီးပါပြီ
အခွံတစ်ခုကို ဖောက်ထွက်လိုက်တဲ့အခါ
ဒီထက်ကြီးတဲ့ အခွံတစ်ခု ခင်ဗျားတွေ့ရှိလိုက်ရသလိုပေါ့
ဟားဘတ်တက္ကသိုလ်မှာ တက်ဖူးချင်ပါရဲ့
စတီဖင်ဟော့ကင်းနဲ့ တွေ့ဖူးချင်ပါရဲ့
အာကာသထဲကနေ ကမ္ဘာကို ကြည့်ချင်ပါရဲ့
အခုတော့
လူတစ်ဝက်၊ အချစ်တစ်ဝက်၊ ဘားတော့ဘရက်နဲ့ တစ်ခွက်လေ
အိပ်မက်တွေမှောင်ရတဲ့အထဲ
လူတွေလည်း မသဲကွဲသေးလို့ ။

မောင်ရှင်စော
ရနံ့သစ်၊အောက်တိုဘာ၊ ၂၀၁၃

လျှိ့ဝှက်တဲ့ ထောင့်ကျဉ်းများ

ချောင်းကြည့်ပေါက်တခုက မြင်နေရတာတွေ
ခင်ဗျားကို ကျနော်ပြောပြမလို့
အိပ်မက်လား တကယ်ပဲလား
တကယ့်ကို မကွဲမပြားဘဲ
သူတို့နှစ်ယောက် မှန်ချပ်တွေ မကွဲမရှအောင်
သတိရှိရှိနဲ့ တယောက်ပေါ် တယောက်ထပ်
ပင်လယ်ကြီး ဖြစ်သွားတဲ့အထိ
အဲဒီ ပင်လယ်ပေါ် ဟန်းနီးမွန်း ထွက်ကြမလို့တဲ့
ဒါဟာ …
(၁) ဟိုး … တောင်ထိပ်က ရဲတိုက်ပေါ်မှာ တပ်ဆင်ထားတဲ့ မိုးကြိုးလွှဲ
(၂) လိပ်ပြာတောင်ပံထဲက ကျန်ရစ်ခဲ့တဲ့ ပန်းဝတ်မှုန်
(၃) စုတ်ချက်တွေနဲ့ ခုတ်ထစ်ထားတဲ့ ကျူဗစ်ဇင် ပန်းချီကား
(၄) အကောင်းဆုံးယောင်ဆောင်ထားတဲ့ ပစ္စည်းတွေ
ခင်းကျင်းပြသနေတဲ့ ဈေးပွဲတော်တခု
ဟိုမှာမြင်လား
မိုးမွှားတွေ ကန်ရေပြင်ကို အပ်ဖျားနဲ့ တဆစ်ဆစ်ဆွ
ဒီအမျိုးသမီးလှေပေါက်ကို ဖာလို့ မပြီးနိုင်တော့ဘူး
ကျနော်ဟာ ပိုးဟပ်တကောင်ပါ
ချောင်းကြည့်ရုံကလွဲလို့ ဘာမှမလုပ်တတ်တဲ့
ရွှေငါးတကောင်က ကျနော့်ကို မျိုချထားတယ်
သူ့မျက်လုံး သူငယ်အိမ်ပေါက်တွေက တဆင့်
လှိုဏ်ခေါင်းလို ရှည်လျားတဲ့ ကျနော့် ဦးမှင်တွေကနေတဆင့်
ကျနော် ချောင်းကြည့်လိုက်တယ်

မီးကျည်ပစ်ဖောက်လိုက်တာ သူတို့မမြင်ကြဘူး
အချက်ပေး ဥသြသံတွေလည်း သူတို့မကြားကြဘူး
လှိုင်းမူးနေတဲ့ ပင်လယ်ဟာ သူတို့အတွက် ဗုံးခိုကျင်းပဲ
တောင်ကုန်းအမှတ် (၀၀၁)
အခု စကားပြောနေတာ အချစ်ပါ
ဟုတ်ကဲ့ ကျမ အိုးထိန်းစက်တခုပေါ် ရောက်နေပါတယ်
ရှင်တို့အားလုံး ရှာရှာလည်လို့
ဒါပဲနော် ကျမ ပင်လယ်ထဲ ခုန်ချလိုက်တော့မယ်
ဒီလိုနဲ့ပဲ
ညတာတွေ ရှည်လျားလာ
ဒီလိုနဲ့ပဲ
ဇာတ်လမ်းဟာ အထွဋ်အထိပ်ကို ရောက်လာ
ဒီလိုနဲ့ပဲ
ကျနော်လဲ ချောင်းကြည့်သူတွေများလာ
ဒါနဲ့မိတ်ဆွေ
ခင်ဗျားလည်း ကျနော့်လို ချောင်းကြည့်နေတုန်းပဲလား
ဒါမှမဟုတ် …

မောင်ရှင်စော

ခင်၃ခင်

သေတယ်ဆိုတာ
သူနေတဲ့အိမ်ကလေးထဲမှာ
သူမရှိတော့တာလား

ဟေ့ ဘယ်သူပြောတာလဲ!!

ခင်ဝမ်း
ခင်မောင်တိုး
ခင်မောင်ရင်
အသံတွေ အရောင်တွေ
သောင်းတိုက်ကကြားစေသား။

သုခမိန်လှိုင်
4:30
12 June 2014
SG

ခွဲခွါချိန်

နွေရာသီ ရောက်လာတာကိုက စောလွန်းတယ်…
အဲသည်လောက် မွန်းကျပ်မယ်မှန်း သိခဲ့ရင်
(အစကတည်းက)
အသက်ရှူတတ်အောင် ငါ မသင်ခဲ့ပါဘူး…။
သစ်ပင်တွေ သွေ့ခြောက်
အသံတစ်သံကို ကြောက်နေရသလိုလို..
အချစ်ရေ… တို့စိတ်နဲ့ တို့ကိုယ်ပဲ
သစ်ရွက်တွေလိုပဲ အတူ ကြွေပစ်လိုက်ကြမယ်
“ဘာ…ဖြစ်…လို့…ခွဲ…ရ…မှာ…လဲ…ကွယ်”
မြက်ခင်းတွေ အမြဲစိမ်းနေတာ မြင်ရအောင်
ဘဝကို… ဘောလုံးကွင်းပဲ ဖြစ်လိုက်စေ့ချင်တော့တယ်…။
အခုတော့…။
နွေရာသီ ရောက်လာတာကိုက စောလွန်း
(မင်း…သွားမယ်ဆိုလည်း)
စကားတစ်ခွန်းတော့ နှုတ်ဆက်ခဲ့ဖို့ ကောင်းတယ်။
                                                                  မင်းခိုက်စိုးစန်

စစ်ဟာ ကခုန်နေတယ်

မနက်ခင်း သတင်းတွေထဲကနေ တို့ကိုပါးနားရိုက်လို့
စစ်ဟာ ကခုန်နေတယ်၊

စစ်ပြန်တစ်ယောက်ပြောတာက
စစ်ဟာ ကျောသားရင်သား မခွဲခြားဘူးဆိုပါလား
ဟုတ်တာပေါ့၊ဒုက္ခသည်တွေရဲ့ကျောတွေရင်တွေတီးပြီး
စစ်ဟာ ကခုန်နေတယ်၊

သူ့ကိုယ်သူပြန်ကောက်လို့ မရတော့ဘူးတဲ့
အ၀တ်တစ်ထည် ကိုယ်တစ်ခုက အော်လိုက်တာ
ဟုတ်တာပေါ့၊ခြေပြတ်လက်ပြတ်တွေ မြှောက်မြှောက်ပြီး
စစ်ဟာ ကခုန်နေတယ်၊

အပိုင်းပိုင်း အတစ်တစ်တွေကြားထဲမှာ
စစ်ဟာ ကခုန်နေတယ်၊
အိုးပစ်အိမ်ပစ်တွေရဲ့ ပြေးလမ်းကြောင်းနောက်မှာ
စစ်ဟာ ကခုန်နေတယ်၊
တစပြင်ရဲ့မီးတောက်တွေနဲ့အတူ
စစ်ဟာကခုန်နေတယ်၊
ထိုးစစ်ဖြစ်ဖြစ် ခံစစ်ဖြစ်ဖြစ်
စစ်ဟာကခုန်နေတယ်၊

ဗုံတစ်လုံးဖြစ်ဖို့ နွားမည်းတွေရဲ့အရေကို ဘယ်လိုဆုပ်ခဲ့သလဲ
စစ်တစ်ခု အသံထွက်ဖို့များ ဒုက္ခသည်တွေကို ချနင်းရတယ်လို့
စစ်ဟာ ကခုန်နေတယ်၊

စစ်လျော်ကြေးအဖြစ်
ခေတ်အဆက်ဆက် ဒုက္ခသည်တွေရဲ့ခုံရုံးမှာ
စစ်ကို စီရင်ပါ
စစ်ကို ကွပ်မျက်ပါ
ဒုက္ခသည်စခန်းထဲက အမျှဝေသံနဲ့အတူ စစ်ကိုစွဲချက်တင်လိုက်တယ်
ခုထိ့့့ စစ်ဟာ ကခုန်နေတယ်၊

ခင်ဗျားအနားမှာ ၀ိညာဉ်တစ်ခုလို
စစ်ဟာ ကခုန်နေတယ်၊
ခင်ဗျား မျက်စိရှေ့မှာ စုန်းတစ်ကောင်လို
စစ်ဟာ ကခုန်နေတယ်၊
အရိုးထဲအထိ စိမ့်လာအောင်
ခင်ဗျားရဲ့သွေးပြန်ကြောထဲကနေ
စစ်ဟာ ကခုန်နေတယ်၊
ခုထိ့့့ စစ်ဟာ ကခုန်နေတယ်။

ဇော်လူစိမ်း

ကေတီဗွီ

ဆင်းရဲမွဲတေနေတဲ့ လက်တင်အမေရိက ကလေးငယ် သုံးဆယ့်ငါးသန်းအတွက် ရှာကီရာဟာ
သူမရဲ့လုံးဝန်းတဲ့ တင်ပါးအိအိတွေကို ဝှေ့ရမ်းလှုပ်ခါပြစ်လိုက်တယ်
အင်ဂျလီနာဂျိုလီ လှစ်ဟပြလိုက်တဲ့ ည၀တ်အင်္ကျီထဲကပန်းနုရောင်ပေါင်တံတွေဟာ
အဟာရချို့တဲ့နေတဲ့ အာဖရိက ဒုက္ခသည်တွေဆီ တဖွဲဖွဲဝင်လာမယ့် ရံပုံငွေတွေပဲ
ကဲ . . . ဘာထူးလို့လဲ ကျွန်မမောင်လေး နောက်နှစ်ကျောင်းဆက်ထားနိုင်ဖို့
သိုးစော်နံနေတဲ့ အဲ့ဒီအဆီတစ်ထပ် အသားတစ်ထပ် ခန္ဒာကိုယ်ကြီးတွေကို ကျွန်မအခုနိုပ်ပေးနေရတယ်
ကျွန်မအမေမြန်မြန်နေပြန်ကောင်းလာအောင်လို့ ကျွန်မစကပ်တွေ တဖြည်းဖြည်းတိုတိုလာရတယ်
တစ်လတစ်လ အလျှင်မီအောင် အိမ်စရိတ်ထောက်ဖို့အရေး ရှင့်ကိုအကြင်နာတွေပေးပေးနေရတယ်
ကောင်းရောင်းကောင်းဝယ် . . . ဟုတ်တယ်ဟုတ် . . ကျွန်မတို့အထည်တွေ မချုပ်ကြတော့ဘူး
စက်ရုံတွေပိတ်သွားပြီ ကျွန်မတို့ပန်းရံလည်းမလုပ်နိုင်ကြဘူးလေ
ခွန်အားနဲ့အတက်ပညာတွေ ဈေးပေါနေတဲ့ ခေတ်ကြီးထဲမှာ ဈေးကောင်းရတာပဲ
ကျွန်မတို့ရောင်းစားလိုက်ကြတော့တယ်
ကျွန်မနာမည်လား . . အမေပေးခဲ့တာတောင်မေ့တေ့တေ့ရယ်
ကျွန်မနာမည် ကြယ်စင် . ကျွန်မနာမည် နံနက်ခင်း . ကျွန်မနာမည် တာရာ . ကျွန်မနာမည် အလင်္ကာ
ဟုတ်တယ်လေ ကျွန်မတို့မတည်မြဲကြဘူး
ကျွန်မတို့ဟာ လျှပ်စီးကြောင်းနဲ့ ပတ်ကြားအက်နေတဲ့ မိုးတိမ်တွေပဲ
ကွက်ကျားမိုးတွေ ဖွံ့ဖြိုးတိုးတက်လာချိန်မှာ ဘွားကနဲ ပေါက်ရောက်လာတဲ့ မိုးဦးမှိုပွင့်တွေပဲ
စီးဆင်းနေတဲ့ငွေကြေး စာရင်ဇယားတွေဘေးမှာ ကွေးညွှတ်နေတဲ့ မြစ်ကျိုးအင်းတွေပဲ
လျှော်ဖွတ်ပြီး မီးပူတိုက်ထားတဲ့ ဘေထုတ်ထည်ကိုကြည့်သလို ရှင်ကျွန်မကိုမကြည့်ပါနဲ့
ရှင့်စကားနဲ့ ကျွန်မကိုအဖျားခတ်လိုက်ပုံက ကျွန်မတို့ကပဲ
သူများအိမ်ထောင်ရေးတွေပေါ် လမ်းကြိတ်စက်တက်မောင်းနေသလိုလို
ကျွန်မတို့ကပဲ သူများမိသားစုတွေကို ကူးတို့ဆိပ်မှာ မှို့အိတ်ဖွင့်နေသလိုလို
ကျွန်မတို့ကပဲ ရှင်တို့ရဲ့ တိတ်ဆိတ်နေတဲ့ ယဉ်ကျေးမှု့စာမျက်နှာတွေကို ပလုပ်တုတ်ခေါက်နေသလိုလို
အချစ်တဲ့ . . . ရှင်လေချဉ်တက်လိုက်သလား ဘီယာစော်နံလိုက်တာ
ဟုတ်ပါတယ် ဟုတ်ပါတယ် ကျွန်မတို့အလုပ်က သဒ္ဒါစည်းမျဉ်းစည်းကမ်းနဲ့ မကိုက်ညီပါဘူး
ကျွန်မတို့ဘ၀တွေကလည်း ၀ါကျတည်ဆောက်ပုံမမှန်ကန်ပါဘူး
ဒါပေမယ့် . . ဒါဟာ အမှောင်နဲ့ ချိန်တွယ်ရတဲ့ ၀န်ဆောင်မှုပါရှင်
"အမ္ဗပါလီ" အစ "မော်နီကာဗယ်လူချီ" အဆုံး ကျွန်မတို့အားလုံးဟာ
ရှင်တို့ယောင်္ကျားတွေရဲ့ လျှို့ဝှက်တဲ့စက်ရုံမှာ အချိန်ပိုဆင်းရတဲ့ ခွေးသွားစိတ် တွေပါပဲ
တကယ်တော့ ကမ္ဘာကြီးပူနွေးလာရတာလည်း ကျွန်မတို့နဲ့ မဆိုင်ပါဘူး
အိုစမာဘင်လာဒင် သေဆုံးသွားတာလည်း ကျွန်မတို့နဲ့ တခြားစီ
ဒေါ်လာဈေး ကမောက်ကမ ဖြစ်အောင်ကျွန်မတို့တစ်ခါမှ မလုပ်ခဲ့ဖူးဘူး
ကျွန်မတို့ကို ရေးကြီးခွင်ကျယ် ကဗျာစပ်မနေပါနဲ့ ရှင်ရယ်
ဘောစိနော် ဘော်ကယ်ကြေးလေး တစ်ပဲခြောက်ပြားနဲ့ ရှင်ကျွန်မကို ဒီအတိုင်းပြစ်မထားခဲ့နဲ့ဦး
အိုခေ . . . ဒီငယ်ကျွမ်းဆွေ တစ်ပုဒ်ဆိုပြီးသွားရင် တစ်ဆက်ရှင် စာအချိန်စေ့ပြီ
နောက်တစ်ခါလည်း ကျွန်မတို့ဆီကို ဒီလို ဆင်တွေတအုပ်ကြီးနဲ့ လာရောက်အားပေးနိုင်ပါစေ
သင့်(ခ်)ယူ . . . ဘိုင့်ဘိုင့် . . . ဆီးယူ . . . ဖလိုင်းကစ်(စ်)။

မောင်ရှင်စော
ရတီမဂ္ဂဇင်း၊2012

အိုမာခရမ် ကဖေး

'ပိတ်ဆို့တံခါး ရှိနေငြားလည်း
သော့ကားဖွင့်ရန် မရှိချေ '
ကြယ်တွေဟာ အလုပ်တစ်ခုပဲ
ပြက္ခဒိန်အသစ်တစ်ခု တီထွင်ရမယ်
ရေကူးကန်ဘေးမှာ အမှန်တရားကို အဆိပ်ဖြေဆေးထိုးထားတယ်
'အလုံးစုံကို သိမြင်နိုင်ပေမဲ့ အလုံးစုံကိုတော့ မမြင်သင့်သေးပါဘူး မောင်တော်'
တကယ်တော့ ပါရှန်းကို ကဗျာဆရာတစ်ယောက် အုပ်ချုပ်သွားတာ ဘာဆန်းလဲ။
ဘာမှမဆန်းဘူး ။

ကြည်ဇော်အေး
၁၂ ၇ ၂၀၁၆

ရှေ့တန်းစစ်မျက်နှာ

ပင်လယ်ကွေ့စစ်ပွဲဟာ အိပ်နေတယ်
ပိတ်မိနေတဲ့မျက်ခွံအောက်က ပျောက်ဆုံးနေသော ကမ်းတက်အထူးတပ်ဖွဲ့
အိပ်/စစ်ရေးမဝတဲ့ မျက်တောင်တွေကို ဖယ်ရင်း တစ်ချောင်းချင်းဆွဲနှုတ်ပစ်
ကျည်ဆံတွေဟာ စက်သေနတ်ထဲက တဝေါဝေါ ခလောခလောနဲ့ ဟောက်နေတယ်
အသံတွေကိုထိမှန် နံရံတွေကိုထိမှန် အိပ်မက်တွေကိုထိမှန် ရေဒါမှာ ပေါ်နေပြီ
ဆက်သွယ်ရေးနတ်သား ကြားရင်အကြောင်းပြန် ပြန်ရင်အကြောင်းကြား
သွားတွေကို ဝင်တိုက်ပစ် မျက်နှာတွေကို ဝင်သစ်ပစ် မျက်နှာသုတ်ပဝါနဲ့ သုတ်သင်ပစ်
ပလုံစီနေတဲ့ အညှီနံ့ မချက်ရသေးတဲ့ရေနံ စစ်ပွဲရဲ့စားကြွင်းစားကျန်
လေဆာကိုသုံးစွဲခြင်းဖြင့် မြေအောက်မီတာ တစ်သောင်းထိရှာဖွေနိုင်သော
ကာကွယ်ရေး ပဋိဥာဉ် စကာ့ဒ်ဒုံးကျည်နှစ်စင်း နှာခေါင်းတွင်းမှ အဆက်မပြတ်
သွေးလွှတ်ကြောတွေထဲ ညကသောက်ထားတဲ့ အရက်နှစ်ဖါလုံ
စစ်အသုံးစရိတ် ငါးကင်နှစ်ကောင် ခရမ်းချဉ်သီးဆော့ ဆလပ်ရွက်
ပင်လယ်ကွေ့စစ်ပွဲဟာ တချက်တချက် တွန့်ကနဲ တွန့်ကနဲ အကြောဆွဲ
ကယောင်ကတမ်း မီးယမ်းအကုန် ကုတင်ပေါ်အတုန်းအရုန်း
ပင်လယ်ကွေ့စစ်ပွဲဟာ ခြင်ထောင်ထောင် ပင်လယ်ကွေ့စစ်ပွဲဟာ ဘုရားရှိခိုး ပင်လယ်ကွေ့စစ်ပွဲဟာ
စောင်ခြုံမီးခွက်မှုတ် ခလုတ်ပိတ် (ပင်လယ်ကွေ့စစ်ပွဲအတွင်း သေဆုံးသွားသော အိပ်မက်များမှ
အထူးကြေညာချက်)
ပင်လယ်ဟာ ပင်လယ်လိုမနေလို့
စစ်ပွဲဖြစ်လာတယ်၊ စစ်ပွဲဟာ အိပ်လို့ကောင်းတဲ့ မီဒီယာပဲ
ကမ္ဘာကြီးဟာ ဂျုံကြောင့် ပလာတာဖြစ်လာသလို၊
ပဲကြောင့် ပဲပလာတာဖြစ်လာတယ်။ ဘယ်ပွဲကြောင့် စစ်ဖြစ်ခဲ့ရသလဲ၊ စစ်ဟာပွဲ ဟုတ်မဟုတ်
ပင်လယ်ကို နောက်နောင် ဘယ်တော့မှ မကွေ့ခိုင်းဘူး။

ဝင်းမြင့်
ပိတောက်ပွင့်သစ်၊ဇန်နဝါရီ၊၂၀၀၉

ရီရီအေး

ကျွန်တော့်ကို မနက်ဖြန် နံနက် ၄နာရီခွဲ နှိုးပေး ။ ကြက်ဥကြော်တစ်လုံး ဘေကင်နည်းနည်း နဲ့ ငှက်ပျောသီးဖြစ်ဖြစ် သစ်တော်သီးဖြစ်ဖြစ် တစ်ခုခုအဆင်သင့်လုပ်ထားလိုက် ။ ဂျုစ် မလုပ်နဲ့တော့ ကော်ဖီပဲလုပ်ထားလိုက် ။ သောက်ရမယ့်ဆေးတွေပါတစ်ခါတည်းထုတ်ထားလိုက် ။ ရေချိုးခန်းကိုသန့်ရှင်းရေးလုပ်ထားပေး ။ ဘပ်တပ်ကိုသေသေချာချာဆေး  ရေဖြည့်  နှင်းဆီပန်းပုံပါတဲ့ဆပ်ပြာရည်များများထည့်ထားလိုက် ။ ကျွန်တော့်အဝတ်၃စုံထုတ်ထားတာတွေ့လိမ့်မယ် ။ ဘာဝတ်ရမှန်းမသိသေး ။ အကုန်လုံးမီးပူပြန်တိုက်ထားလိုက် ။ တအားကြီး ခေါက်ရိုးကြီးကျမနေစေနဲ့ ။ ယူသွားမယ့်ကျောပိုးအိတ်ကို ဖုန်တွေဘာတွေခါထားလိုက် ။ အိမ်ဖုန်းကိုဘယ်သူဆက်ဆက် မရှိဘူး ၊ ကျွန်မ မသိဘူး ဘာညာ ကြည့်ကျက်ပြောထားလိုက် ။ ခြံရှေ့ကနေ ဘဲလ်လာတီးနေလည်း ဘယ်သူလဲဆိုတာပဲ တစ်ချက်ကြည့်ထားလိုက် ။ အိမ်ပြူတင်းပေါက်တွေအကုန်ဖွင့်ထားလိုက် ။ ဝရန်တာကဂမုန်းတွေကိုရေဖျန်းထားလိုက် ။ ဪ ဖိနပ် ဖိနပ် ။ စီးနေကျတစ်ခုပဲ ။ ပေပြုနေရင်နည်းနည်းတိုက်ထားလိုက် ။ ခြေအိတ်တွေ အသစ်လဲထားလိုက် ။ ဖရီဇာထဲက ကကတစ်တွေကို မားဆိုးတို့စားဖို့ ကြော်ထားလိုက် ။ ကြွပ်ကြွပ်ကြော် ။ ကြွပ်မှစားကြမှာ ။ သူတို့ဆရာဝန်လာမယ့်ရက်ဆိုတော့ ဘရပ်လေးဘာလေးနဲ့နည်းနည်းပါးပါးပေါ့ ။ ဝှိုက်ဘုတ်ပေါ်ကဟာတွေ အစအဆုံးဖျက်ထားလိုက် ။ ဂုဏ်တော်ကွန်ချာခွေကို ခပ်တိုးတိုးဖွင့်ထားလိုက် ။ ဆွမ်း ရေချမ်း ဖယောင်းတိုင် အမွှေးတိုင် အကုန်လုံးအဆင်သင့်ပြင်ထားလိုက် ကျွန်တော်ဘုရားကပ်ဖို့ ။ စီးကရက်တစ်လိပ်ယူ မီးညှိ နည်းနည်းဖွာလိုက် ပြီး ဘိုးမင်းခေါင်လက်ကြားထဲညှပ်ထားလိုက် ။ ဂဲဂျနရေးရှင်းခွေဘယ်နားသွားထားမိမှန်းမသိဘူး ။ စကတ်တိုနဲ့ ကိုရီးယားမလေး၉ယောက်ခွေကိုပြောတာ ။ မတွေ့ တွေ့အောင်ရှာပြီး ကားထဲထည့်ထားလိုက် ။ လက်တော့ကိုလည်း ကားထဲထည့်ထားလိုက် အိတ်ထဲသိမ်းပြီးတော့ ။ ကားကိုရေဆေးထားလိုက် ။ အထဲက ကူရှင်အစွပ်တွေကလျှော်ပြီးချက်ချင်းမခြောက်တဲ့ အနံ့မျိုးဖြစ်နေရင် ဖြုတ်ထားလိုက် ။ ၄ခွဲနှိုးဖို့ မမေ့နဲ့ ။ မနိုး နိုးအောင်နှိုး ။ မနိုး မဖြစ် ။ အရမ်းအရေးကြီး ။

ဟံလင်း

ကနူတ်ပန်း

စက္ကန့်နဲ့အမျှ
သားကောင်ဗိုက်ထဲကအစာလို
တဖြေးဖြေးမှေးမှိန်ပြီးချုပ်ညိမ်းတော့မယ့်အထိလည်း
အကျုံးဝင်နေပါသေးတယ်ဆိုရင်
ထွက်သက်ဝင်သက်မှာအနံ့စွဲ
ရေယိုသောဘုံးလေးထဲလိုအပေါ်တစ်ဝက်အောက်တစ်ဝက်
တစက်စက်နှစ်တွေပို၍ပို၍ကြေကွဲပဲ့တင်ထပ်ချပ်မကွာ
လရောင်အဖိတ်အလျံရှိမယ့်အမှောင်ရိပ်ထဲကျကျန်ရစ်ဆဲ
ထထွက်သွားတော့မလို
ကျောက်ရုပ်ကကျောက်သားတချို့လွင့်စင်ကာ
ရုပ်လုံးပေါ်လာမယ့်အဖြစ်မှန်ရဲ့ထောင့်ချိုးတိုင်းမှာ
တိုင်ကပ်နာရီလို
လမ်းဓါတ်မီးတိုင်တွေအလင်းနဲ့ရှို့ထားတဲ့စိမ်းရွှေရွှေအမြင်တခု
အိပ်မက်သမားရဲ့လေဟာနယ်
ရပ်ရင်းပြေးလွှား
အဖျားဆွတ်လိုက်တိုင်းဦးကျိုးနေတဲ့ဌက်
မြို့ကိုထောင့်ဖြတ်ပျံသန်းရာ အစင်းကြောင်း
မီးခိုးတွေပါကွယ်
ယပ်တောင်နဲ့လှမ်းဟန့်ကာ
ညဉ့်အနက်ထည်လွှာရဲ့
ပျားပန်းခတ်မျှတိတ်ဆိတ်မှုမှာလူဟာကွက်လပ် ။ ။

ဝင်းမြင့်
ဇူလိုင် ၂၂ ၂၀၁၆

ဂျင်းသား လက်ဗွေရာများ

ရှေ့လူများ ထိုးစိုက်ခဲ့တဲ့ ကျောက်ဆောင်ဟာ
ငါတို့လက်ထက်မှာ
ပင်လယ်ရေမျက်နှာပြင်အထက်
အတော်လေး ထိုးထွက် ပွင့်လွှတ်နေပြီ
ကျောက်ဆောင်ထက်ဆီမှာ
ကဗျာနတ်ကွန်းတည်ဆောက်
မီးကို မပြတ်ထွန်းညှိပြီး
လိုရာဆုတောင်းမယ်
အခမ်းအနားကို စဖွင့်လိုက်တယ်
ကဗျာသစ် ရွှေရတုသဘင်
လက်ကို လေထဲဝှေ့ယမ်းကြ
တစ်ဦးနဲ့တစ်ယောက် နှုတ်ဆက်ကြ
အရက်သောက်ရင်း စကားထာဝှက်ကြ
လာပြီ . . . လာကြပြီဟေ့
ပြန်လာကြပြီ
မောင်လေးအောင် ဖော်ဝေး
မောင်လူမှိန် ပိုင်သ မြေချစ်သူ
မောင်ချောနွယ် မောင်ကောက်
ပြန်လာကြပြီ သူတို့
ဝေါ့လ်တ်ဝှစ်တမဲနဲ့ ကားလ်ဆဲင်းဘက်
တက်ဟရူးဇ် ဗာစကိုပိုပါး . . .
သူတို့က ဧည့်သည်တော်အဖြစ်
အိုလမ်ပတ်မွန်စ်တောင်ခြေလမ်းက တစ်ဆင့်
ရောက်လာကြမယ်
မောင်သင်းခိုင်လည်း နောင်နှစ်ခါ တန်ဆောင်မုန်းပွဲကို
သူလည်း စောင့်ဦးမယ်ပြောတယ်
တစ်ယောက် လေ့ကျင့်ခန်းစာအုပ်ထဲ တစ်ယောက်ဝင်ကြ
အမှားတွေ ခြစ်ကြ
ကဗျာတွေကို စွန်မှာရေးခြစ်ပြီး လွှတ်တင်ကြ
ဖိုးသူတော်ဆိုတာ မျက်စိလည်လေဆန်ရလေပဲ
ချစ်သူကို အိပ်ရာထဲမှာ ထားခဲ့ပြီး
အာခီမီဒိလို
Eureak ယူရေးကား ငါတွေ့ပြီ။
ဟစ်အော်ကြ၊ ပျော်ကြ
Demonstration လုပ်ကြ
ဘောဂဗေဒ ဂိုထောင်ထဲက
သူငယ်ချင်း ကြွက်တစ်ကောင်က လှမ်းအော်ပြော်တယ်။
ကဗျာသမားတွေဆိုတာ
လက်ပံဆူးတွေ ရှိမှန်း သိရက်နဲ့
လက်ပံပင်ကြီးကို ဆက်တက်နေကြသူတွေပဲ
ရော် . . .
ဆက်အော်ပါ
သူ့လက်ထဲက ကော်ဖီခွက်ကို ငါ ပုတ်မချလိုက်ဘူး။
မတန်တဲ့ဈေးနဲ့ အဖြတ်ခံရတာက ကဗျာ
မပြည့်တဲ့ အလေးနဲ့ အချိန်ခံနေရပါသော
ကဗျာသမားလေးများအတွက်
စစ်လျော်ကြေးလို တောင်းဆိုရမယ်
ကဗျာသစ်ရဲ့ ရွှေရတုပွဲတော်မှာ
ကဗျာတွေ ပေါင်းစုရွတ်ဆိုကြ
ချယ်လို တယောသံများ မှိန်လင်းတိုးဝင်လာ
ကလပ်စစ်ကယ် ဂစ်တာသံများ ဆုပ်ကိုင်စူးအက်
ကဗျာအထွတ်လေးတွေ အကြိမ်ကြိမ် ပြန်ရှင်
အခါခါ ပေါ့ပါး . . .
ကြက်သီးမွေးညင်းတွေထ အရိုးတွေ စူထွက်
ကြည်နူးစွာ . . .
အားလုံးပဲ . . .
နားထောင်စမ်းကွယ့် အမောင်တို့
ရှေ့နားက
ဇမ္ဗူ့သပြေသီး ကြွေသံတွေ
ငါတို့ကြားနေရပြီ . . .
ကြားနေရပြီ . . . ။

သူရနီ
ကဗျာတူ ကဗျာကွဲ ကဗျာစာအုပ်မှ

အစိမ်းသေ

အိမ်ရှေ့ရေမြောင်းမှာ တဲ့
မြောင်းမှာ ... ။
ကွန်ပစ်တယ် တဲ့
ပစ်တယ် ... ။
အိကျနေတဲ့ ဓာတ်ကြိုးမှာ ကွန်ငြိတယ် တဲ့
ငြိ်တယ် ... ။
ဖြုတ်ဖို့ လုပ်တယ် တဲ့
လုပ်တယ် ... ။
ဝါယာပေါက်တဲ့နေရာကိုမှ ကိုင်မိတယ် တဲ့
ကိုင်မိတယ် ... ။
ဓာတ်ကြိုးကို ဆုပ်လျက်သားနဲ့
အားခနဲ
တစ်ချက်ပဲ အော်လိုက်နိုင်တယ်။
ရေမြောင်းထဲ ပြုတ်ကျတယ် တဲ့
ကျတယ် ... ။
လူတွေ
ဝိုင်းအုံလာကြ
ဝါးလုံးထိုးပေးတယ်။
မပေးနဲ့ မပေးနဲ့
ဓာတ်လိုက်မယ်
တားကြတယ် ၊ တားကြတယ် ။
ဓာတ်ကြိုးကို ဓားနဲ့ ခုတ်ဖြတ်ဖို့လုပ်တယ်
မခုတ်နဲ့
ဓာတ်လိုက်မယ်
တားကြတယ် ၊ တားကြတယ် ။
အောင်မျိုးကျော်
ခမျာလေး ကောက်ကွေး တွန့်လိမ်
ထွန့်ထွန့်လူးရာက ငြိမ်ပြီ တဲ့
ငြိမ်ပြီ ... ။
သေနေစေ့လို့ တဲ့
စေ့လို့ တဲ့
မှတ်ချက်ချသံ ကြားရတယ်၊ ကြားရတယ်။
ဟုတ်လိုက်လေ
သေတဲ့နေ့
သေနေ့စေ့တာ
သေနေ့စေ့လို့ သေတာ။
သေကြ
သေကြ ။

မောင်အောင်ပွင့်

အဝေးမြို့

စာတစ်စောင်ပို့လိုက်ပါတယ်
သွေးစွန်းပေနေတဲ့လက်ကိုင်ပုဝါလေးကိုိထုတ်
လွန်လေပြီးအနှစ်၂၀ ၃၀ ကမျက်ရည်များကိုသုတ်
ခင်ဗျားနာကျင်နေတာကိုသိပါတယ်။ ။

ဟိန်းမြတ်ဇော်

လွမ်းစေတီ

တစ်ရံရောအခါနဲ့
ရာဇ၀င်ထဲက ဓားတွေတော့
ထိုးစိုက်ထားတာ တွေ့တာပဲ
မင်းသားလေးတစ်ပါး ကွပ်မျက်ခံရတယ်
အချစ်သည် စစ်ကို ရှုံးနိမ့်သွားစေနိုင်၏ ။
ဟိုး . . . တောင်စွယ်ရိုးဆီက
မြူခိုးတွေက သူ့ဘာသာ ညို့မှိုင်းနေတယ်
ကားအ၀ါလေးကို တစ်စုံတစ်ယောက်က
သူ့ဘာသာ ရပ်ထားတယ်
သစ္စာတရားကတော့ ဘယ်သူ့ကိုမှ
တိမ်းရှောင်ဖယ်မယ် မထင်ပါဘူး . . . အချစ်ရယ်
ကောင်မလေးက မြို့သားတစ်ဦးနဲ့ လက်ထပ်သွားတယ်
ကောင်လေးက ဘာဆုမှ မတောင်းဘဲ
လာလာပြီး ထိုင်နေတယ်။

သူရနီ
                                                                             ကဗျာတူ ကဗျာကွဲ ကဗျာစာအုပ်မှ

ခဏ ခဏ

မြစ်တစ်မြစ်မှာ
ခဏခဏ ကျောင်းပြေးဖူးတယ်
ခဏခဏ ရေချိုးဖူးတယ်
ခဏခဏ ချစ်ဖူးတယ်
ခဏခဏ
ခေါင်းနဲ့ဆင်းပြီး ကြွေဖူးတယ်။

သုခမိန်လှိုင်‬

အသက်ကယ်အင်္ကျီ

ပင်လယ်ထဲ မျောနေသူအတွက် ခပ်ဝေးဝေးက သဘောင်္တစ်စင်း လှမ်းမြင်နိုင်ဖို့ အရောင်။
မြေအောက်မှာ ပိတ်မိနေတဲ့ သတ္တုတွင်းအလုပ်သမား တစ်ယောက်အတွက်
ကယ်ဆယ်ရေးတွေ ရှာဖွေရင်မြင်လွယ်တဲ့ အရောင်။
မိုးရေထဲ
ရှေ့က မောင်းလာတဲ့ ကားမီးရောင်အောက်
ထင်ရှားစေတဲ့ အရောင်။
ကိုယ့် အသက်ကို
ကိုယ် အကြိုက်ဆုံးအရောင်က ကယ်တင်ဖို့ပဲ။
ကိုယ်ဘာအရောင်ကြိုက်သလဲသိဖို့ကတော့
ကိုယ့် အသက်တမျှပဲ။

ကြည် ဇော် အေး
15 6 2016

"Life-Saving Clothes"
.
.
For someone floating in the sea
The color needs to be the one that can be seen from a rather faraway ship
For a miner
Being trapped under the ground
The color needs to be the one that can be easily seen by search parties
In the rain
In the headlights of a car coming opposite
It should be the color of distinction
Most importantly
Your favourite color must be the one that can save your life
To know which color is your favourite
It can take you a whole lifetime
.
.
Kyi Zaw Aye
15.06.2016
translated into English by KSW

လ လ လွမ်းလွမ်းလိုက်ရတာ မ မ မ မအေးရယ်

သ သ သ သတိရလို့ ဒ ဒ ဒ ဒီစာကိုရေးလိုက်ပါတယ်
မ မ မ မင်းမှာ က က ကို့ ကိုယ့်အပြင်
န န န နောက်တစ်ယောက် ရှိနေပြီဆိုတာ
တ တ တ တိလိုက်ရတဲ့အခါ ကို ကို ကိုယ်ကြေကွဲသွားပါပြီ
မ မ မင်းမင်းတိပ်ရက်စက်တာပဲ
တ တ တစ်ဘ၀လုံး ချစ် ချစ် ချစ်ကြမယ်ဆိုပြီး
ဖ ဖ ဖ ဘုရားမှာ ဆု ဆု ဆု ဆုပန်တာ
မ မ မ မှတ်မိတော့ဘူးလား
မျက် မျက် မျက်ရည်တွေခန်ပါတော့မယ်
ည ည ညဆို အိပ် လို့ ကို မ ရ ဘူး
စ စ စ စိုင်းစိုင်းရဲ့
ခ ခ ခ ချစ်ခဲ့တာလေးနှစ် အ အ အ အပြစ်မဲ့စွာဝေးလွင့်
ဆို ဆို ဆိုတာကိုပဲ တ တ တ တချိန်လုံးနားထောင်နေတယ်
ဘ ဘ ဘ ဘယ်လိုပဲ ဖြေ ဖြေသိမ့် ဖြေသိမ့်
န န န နောက်ဆုံးတော့ အ အ အ အမှောင်ထဲမှာ
တ တ တ တစ်ယောက်တည်းပဲဟာ
စု စု စု စုဗူးလေးကို ငါ ငါ ငါ ဘာ လုပ် ရ ပါ့ မ လဲ ။

မြေမှုန်လွင်

ထွက်ခဲ့ကြ

အရောင်အဆင်းမတူတဲ့ အရေပြားတွေကြားကနေထွက်ခွာ
ကတ္တရာလမ်းမပေါ်က စကားလုံးတွေနောက်ထပ်ချပ်မကွာလိုက်လာ
လမ်းဆုံးဟာ ဘယ်မှာလဲ
ငါ့ခြေထောက်တွေက အခုချိန်ထိမရပ်ပါ
အိတ်ကပ်ထဲ လက်နှိုက်
ခေါင်းငုံ့ကာ ခဏရပ် ဓါတ်တိုင်အောက်မှာ
သံဆူးကြိုး အမြင့်ကြီးနဲ့ ၀င်းနရံကြားက ကောင်မတွေက အင်မတန်မောက်မာ
ထားလိုက်ပါ ထားလိုက်ပါ နောက်ကြောင်းပြန်ဖို့ရာ စိတ်မပါ
ခေါင်းထဲကို Beat တွေက အလိုလိုရောက်လာ
ခေါင်းကိုလှုပ်
ခံစားချက်တွေ ရိုက်ကာထုတ်
ဒီ Music က မင်းတို့အတွက် လုံးဝမဟုတ်
လမ်းတွေက ပတ်ကြားအက်ကာ စာသားတွေအန်ထုတ်
ဘယ်လိုမှအောင့်မခံနိုင်တဲ့အခါ လေပြင်းတွေက သစ်ရွက်တွေ ခြွေချ
တဖွာလေးရှိုက်ပြီး သွားတဲ့ဆေးလိပ်ပြာကို ခြွေချ
တော်ပါပြီ ဒီညအတွက် ငါ့ရင်ထဲက အခိုးအငွေ့တွေ
လေထုထဲမှာ လွင့်ပျံနေတဲ့ သစ်ပင်တွေ
ငါ့ကို လက်ယပ်ခေါ်နေကြတဲ့ ချစ်သူတွေ
အမှောင်ထဲမှာ လွင့်ပျံလို့ လွတ်လပ်ခြင်းတွေ လွင့်ထူနေ
ဒါဆိုလဲ ဒီနေရာမှာ Full stop ချ
ကာရန်တွေကြားက ရုန်းထွက်ပြီးတော့ ကိုယ့်ဘာသာကိုယ်ပဲ ဆက်လျှောက်မလား
ဒါပေမယ့်မရဘူး စကားလုံးတွေက ငါ့ကို ကုတ်ခြစ်
ထွက်လာတဲ့ သွေးစက်တွေက တီးလုံးတွေကြားမှာ ဆို့နစ်
အရာရာကို ပိတ်ထားပေမယ့်အမှောင်ထုထဲမှာ မြင်နေတယ်
မင်းတို့တွေ ဘာမှမပြောပေမယ့် တိတ်ဆိတ်တဲ့ အသံတွေကြားနေတယ်
ငါထွက်ပြေးနေပေမယ့် ဘယ်အချိန်ကြည့်ကြည့် ဒီနေရာကိုပဲ ရောက်နေတယ်
ကလေးတွေကြောက်နေတယ် ဆရာတွေဂေါက်နေတယ်
ငါတို့တတွေ ဘာကိုယုံကြည်ရမလဲ ဘုရားသခင်ဆိုတာပျောက်နေတယ်
ဘယ်သူမှအဖြေမထုတ်နိုင်တဲ့ ပုစ္ဆာတွေက ငါတို့ ပုခုံးပေါ်ရောက်နေတယ်
တစ်ယောက်ရဲ့ နောက်ကျောကို တစ်ယောက်က ဓါးတွေနဲ့ မွှန်းနေတယ်
အမှန်တရားဆိုတာ မိုးပေါ်က ကျမလာဘူး ဘယ်တော့မှစောင့်မနေနဲ့
ကျည်ဆံတွေ ယမ်းငွေ့တွေကို ဘယ်တော့မှကြောက်မနေနဲ့
သစ္စာယွင်းတဲ့ လမ်းပေါ်ဘယ်တော့မှလျှောက်မနေနဲ့
ထွက်ခဲ့ပါသူငယ်ချင်းတို့
ဒီလမ်းမဟာ ငါတို့တတွေရဲ့ ဘ၀တွေပဲ ။

မြေမှုန်လွင်

မှတ်ချက်။ ။ ဒါမင်းရဲ့ ကဗျာလားလို့မေးရင်
မဟုတ်ပါဘူး တီးလုံးမထည့်ရသေးတဲ့ Hip Hop တစ်ပိုဒ်ပါလို့ဖြေမှာဖြစ်ပြီး
ဒါမင်းရဲ့ Rhyme လားကွလို့ မေးရင်တော့
နိုး . . ဘေဘီ . . ကဗျာတစ်ပိုဒ်လို့ ဖြေမှာဖြစ်တယ် ။