အိုလံပီယာကော့စ်က အချစ်သီချင်း

သူမဟာ
အနာဂတ်ကိုသားအိမ်ထုတ်ခံရပြီးတဲ့နောက်
မျှော်လင့်ချက်တွေမီးညွန့်ကျိုူးသွားတယ်

ပြာလဲ့လဲ့မိုးတိမ်တွေအောက်
ပြာယာခပ်နေတဲ့လေတွေဆီက
ပြာတွေပဲထွက်လာတယ်

ထမီကြိုးတန်းအောက်ကဆောင်းဟာ
ဆန်အရက်လေးတစ်ခွက်တောင်မရှိလို့

အရိုးကွဲ လို့
အသည်းစွဲလို့

တစ်ခါက အေသင်မှာ
ကျောက်တုံးတွေကမျက်ရည်စို့ကြသတဲ့

ဒီမှာဖြင့်
မီးခိုးတွေအူလို့

နေက
ကျည်ကာအင်္ကျီဝတ်ထားတယ်။

ကြည်ဇော်အေး
8. dec 2019