ရေမြေသံသရာ

မြေကိုတားမရတာက
ရေကိုတားမရသလိုပဲ

လှတယ်ချည်းထင်နေကြတယ်
ပြိုကျတယ်
မျိုချတယ်

လက်ပစ်ကူးပြီးကမ်းပေါ်ရောက်မှ
မြေရဲ့အရသာပြန်ရမယ်

ကန္တာရထဲကပြန်လာမှ
ရေရဲ့အဓိပ္ပာယ်ကိုသိမယ်

စက်ရုံကြီးထဲက လူတွေပြန်ထွက်လာတော့
အရုပ်တွေလို့ ငါကထင်မိထင်ရာ

လူတွေ လှိုဏ်ခေါင်းထဲဝင်သွားတော့
မြေကြွက်တွေလို့ ငါကတွေးမိတွေးရာ

မိုးပေါ်က ရေတွေကျလာ
မြေကြီးထဲက အပင်တွေပေါက်လာ

စိတ်ညစ်စရာကြီး
လောက ။

ကြည်ဇော်အေး
3 march 20