အထည်ချုပ်စက်ရုံ

နံရံမှာ သားလှီးဓားမျိုးစုံရှိတယ်
ညညဆို သ သ ထားရတယ်

အငွေ့ပျံလွယ်လို့
ကိုယ့်အဖုံးကိုယ်သေသေချာချာပြန်ပိတ်

တစ်ရစ်ချင်း အရစ်ကျ
စနစ်တကျစီမံကိန်းအတိုင်း အပြီးတိုင်စွန့်ခွာ

ရေဇလားထဲမှာ
ရေမလာ

ဂက်စ်မီးတောက်ပြာလဲ့ဟာ
မသေချာ

သဲလွန်စဖျောက်ရန်
ဓာတ်ဆီပုံးတွေဖောက်ချပစ်

ပေါင်သား ၊ ရင်အုံသား ၊ ခြေသလုံးသား
တစ်စစီလှီးဖြတ်ထုတ်
ရေခဲသေတ္တာထဲမှာ သူ့နေရာနဲ့သူအစီအရီထား

စက်ချုပ်သမားဟာ
ပိတ်စကို ကတ်ကြေးနဲ့ဖြတ်နေသလိုပဲ
သူ့အတိုင်းအထွာအတိုင်း ချုပ်ရိုးချုပ်သားပိပိရိရိ

ခန္ဓာကိုယ်ကိုလေ့လာတာဟာ
ရာဇဝတ်မှုမြောက်သလား

အပြင်မှာရာသီဥတုအေးနေတယ်
သိုးသားဟင်းနံ့ကမွှေးနေတယ် ။

ကြည်ဇော်အေး
4 march 20