စက်မှုဇုံထုတ်အချုပ်ကား

ဇီးရိုးကီလိုဆိုပေမယ့် အင်ဂျင်ဝိုင်က ယိုနေပြီ
မီးခိုးအူနေပြီ

ရာဘာတောကြီးထဲဖြတ်မောင်းတော့
တာယာပွင့်ထွက်သွားတယ်

"မင်းတယ်ခက်ပါလားရာမ ဗိုလ်လုပ်ချင်တဲ့ကောင်ဆိုတာ"

နံရံတွေဆေးပြန်သုတ်တယ်
ပိုးမျှင်တွေဖယ်ရှားပစ်တယ်

ဆေးဖြတ်နေတဲ့လူနာလို
အချစ်က ယင်းထ

လူနာကုတင်တွေတွန်းရွှေ့
ထောင်ဖောက်ဖောက်ပြေးသလလို ဆေးရုံကထွက်ပြေး

အမေ့ရွှေတွေရောင်းပစ်မယ်
သင်္ဘောကြီးတစ်စင်းလုံးအပြည့် ဆေးတွေတင်ပြီးပင်လယ်ဖြတ်မယ်
ရှူမယ်
ရွက်လွှင့်မယ်

မင်းကြောင့်ငါဒီလိုဖြစ်ခဲ့တာသိရင်
မင်းရယ်နေမှာပဲလို့ အလိုလိုသိနေတယ်

အစိုးရရှေ့နေက
မင်း သူ့ကိုအမှန်တကယ်ချစ်ခဲ့သလားလို့မေးတယ်

စီရင်ချက်ချတဲ့နေ့
ရဲက ငါ့အသည်းကိုလက်ထိပ်ခတ်လိမ့်မယ်။

ကြည်ဇော်အေး
10 feb 2020