ဆက်တင်များ

အဲဒီတုန်းကတော့ဘယ်သိမှာလဲ
ဓါးတုံးတုံးကြီးနဲ့လည်ပင်းလှီးတော့မယ်ဆိုတာ
ပြီးလည်းပြီးရော
တစ်သုတ်ပြီးတစ်သုတ် ထွက်ခွါသွားခဲ့ကြ
အသားထဲကလောက်တွေကိုလက်တွဲလို့
ကိုယ့်အခေါင်းကိုယ်ထမ်းလို့
ပြန်ပါမလာတော့မယ့်ခြေထောက်တွေနဲ့
ပျောက်ဆုံးသွားတော့မယ့်မနက်ဖြန်တွေနဲ့
မသေတဲ့သူတွေအတွက်
တစ်ဘဝလုံးမက်တော့မယ့်အိပ်မက်ဆိုးတွေရှိရာ
နိုင်ငံတော်သီချင်းကိုသံပြိုင်ဆိုလို့
ဘွဲ့ဝတ်ရုံတွေအစားစစ်ဂျာကင်တွေကိုယ်စီဝတ်လို့
ပျော်ပျော်ရွှင်ရွှင်ညီညီညာညာ
တပ်ဦးဟာ
သေတွင်းထဲကိုကျွံကျသွားခဲ့တယ်
တပ်စခန်းအဟောင်းတစ်ခုရဲ့ဘားတိုက်ရှေ့ကအလံတိုင်မှာ
နိုင်ငံတော်အလံဟာ
သူ့လည်ပင်းသူကြိုးကွင်းစွပ်လို့။ ။

ကိုဇော်(ကလေးမြို့)
၁၄ရက် ၁လ ၂၀၂၀။