မီးလင်းနေတဲ့အုတ်ဂူထဲက လူသေရဲ့မျက်နှာ

ရေခဲတုံးတစ်တုံး ရေခဲပြင်တစ်ခုနဲ့တူတဲ့ အချိန်ကာလ
ပြီးခဲ့သောလူအားလုံး တစ်စုံတရာသောအမိန့်နဲ့
အိပ်ပျော်နေကြ
ငါ့ကိုယ်ငါထပ်ပေါင်းထည့်လိုက်တော့ ငါဟာပိုမလာ
ခြောက်ခြားဖွယ် ပြိုပျက်သွားပြီးတဲ့မြို့တွေထဲက
မျက်လုံးမျိုးနဲ့ သုတေသနပညာရှင်တစ်ယောက်ကို
နှုတ်ဆက်သလို လက်ကျန်အလင်းထဲ
ကြည့်နေတဲ့မျက်လုံးတွေ၊ ငါ သွားမှာပါ
မီးလင်းနေတဲ့အုတ်ဂူထဲက လူသေရဲ့မျက်နှာနဲ့
ငါ့ရွှေတွေ ငါ့စွပ်ဖားခွေးတွေ သူနေ့ရာမှာပြန်ထားခဲ့ပြီး
ကွဲအက်သွားတဲ့အခါ ငါ့အလိုသင်္ဘောဦးကို မြင်ရမှာပါ
ငါ့အသက်ထဲ စားသောက်ပွဲထိုင်ခုံတွေ
ညီညီညာညာချထား၊ အရိုးတွေထဲ
ထွင်းထားတဲ့ အရုပ်စာတွေကိုမြင်ရတဲ့အထိ

ပိုင်
6 March 2020