ညစားသောက်ဆိုင်

ဆိုင်ထဲမှာ ဆာလောင်မှုက မရှိသလို
ဟင်းလင်း ဖြစ်နေတယ်
မီးရောင်ဖျော့ဖျော့ ထဲမှာလည်း
အဲဒီအသံကို မကြားရ
ဝိုင်းတစ်ဝိုင်းဆီက မိသားစုတစ်စု
ဆိုင်အနောက်ခန်းထဲ လှည့်ကြည့်
နေတာက လွဲလို့ပေါ့
နောက်ထပ် ရောက်မလာတော့မဲ့အတိုင်း
လက်ရှိအခြေနေကို ဖော်ပြလို့
ဘာထူးလဲလေ၊ စောင့်ဆိုင်းရတဲ့ ဘဝဆိုတာ
တစ်နေရာက ရွှေ့လာပြီးရင်
နောက်တစ်နေရာကို ထပ်ရွှေ့ရဦးမှာပဲ
မှောင်ရိပ်ကျ လှေကားထစ်နား
အထီးကျန်မှုဟာ ကိုယ့်ကိုကြည့်လို့
ကိုယ့်ရှေ့လာချတဲ့ ပန်းကန်ထဲမှာ
ကိုယ့်အလိုဆန္ဒ ပါရဲ့လား
ထပ်ကြာနေတာဟာ မပြီးဆုံးတော့မဲ့အတိုင်း

ပိုင်
၇ ၃ ၂၀၂၀