Cafe`အသစ် ဖွင့်လှစ်ခြင်း
ပြည်တွင်းစစ်ထဲက စင်ထွက်လာတဲ့ လိမ္မော်ရောင်
လမ်းဆီပြေးလွှား အနက်ရောင် ဆိုင်ကယ်တစ်စီးပေါ်
ဒဏ်ရာတစ်ခုလို စွန်းထင်းကွက်နေတဲ့ကုမ္ပဏီတံဆိပ်
စားပွဲခုံတွေက ခြောက်သွားတဲ့သွေးလို နီညိုရောင်
အဲဒီအပေါ်မှာ ပေါ့ပေါ့ပါးပါးပဲ ထိုင်ချလိုက်တဲ့အခါ
နည်းနည်းအမှားပြင်စရာရှိတယ် ဆိုတဲ့ မီနူးအဖြစ်
ကိုယ်ဟာ အမဲလိုက်နေ့တစ်နေ့ထဲ ပစ်ချခံလိုက်ရ
ဒုက္ခသည်စခန်းတစ်ခုလို ဆူညံရှုပ်ထွေး ပြည့်နှက်
အသံထုထည်ကြီးအဖြစ် စုဆောင်းမှုဆီ ပေးနေရ
အရှေ့အလယ်ပိုင်းကလူတဝက်လောက် ထိုင်လို့
ပြီးတော့၊ မြို့တစ်မြို့ကနေ အလည်လာတဲ့ တီရှပ်
ဒါကိုသိမ်းဆည်းထားသင့်ကြောင်း မိသားစုလိုက်
အတည်ပြု ကိုယ့်မှာ မမ်မိုရီဟောင်းတွေပြည့်နေပြီ
16G တစ်ခုလောက်ထည့်ဖို့ဟာ အရေးတကြီး
လူသေတွေရဲ့စကားပြောသံနဲ့ နောက်ထပ်များပြား
နီညိုရောင်စားပွဲများ ထိုင်ခုံများဆီ ကြွေပန်းအိုးဖြူ
နဲ့တူတဲ့ ရေနွေးခွက်များရဲ့ပြတိုက် ထဲဝင်ရောက်
မဆိုင်တဲ့ကိုယ်ရေးအကျဉ်းများ လက်နဲ့မယူလိုက်
ပိုင်
၂၀ ဖေဖော်ဝါရီ ၂၀၂၀
Labels: ပိုင္
posted by D Wathone Khat @ March 09, 2020
0 Comments
0 Comments:
Post a Comment
Subscribe to Post Comments [Atom]
<< Home