အမှတ်အသားများ

ငါတို့အိမ်ပြန်ရောက်လာတော့
ငါတို့ထွက်သွားတုန်းကအိမ်တွေမဟုတ်ကြတော့ဘူး
ငါတို့အိမ်တွေကိုလည်းငါတို့မမှတ်မိ
ငါတို့လမ်းတွေကိုလည်းငါတို့မမှတ်မိ
လူတွေကိုလည်းငါတို့မမှတ်မိ
ငါတို့ကိုလည်းလူတွေကမမှတ်မိ
ငါတို့ကိုယ်ငါတို့လည်းမမှတ်မိ
ငါတို့မှတ်ထားခဲ့တဲ့အမှတ်အသားတွေကအစ
ငါတို့ပဲအမှတ်မှားခဲ့သလိုလို
ငါတို့ခေတ်မစားတော့တဲ့အထိ
ခေတ်ကြီးကငါတို့ကို စားပစ်လိုက်ပါပြီ
ခေတ်ကြီးကိုငါတို့မပြောင်းနိုင်ခဲ့လို့များ
ငါတို့ကိုခေတ်ကြီးကပြောင်းပစ်လိုက်တာလား
ငါတို့လည်းမမှတ်မိကြတော့ပါဘူး။ ။

ကိုဇော်(ကလေးမြို့)
၁၆ရက် ၁လ ၂၀၂၀။