ရှုခင်း

ဒီမြင်ကွင်းအဆုံးရဲ့ဟိုးဘက်မှာ
ငါတို့မြစ်ချောင်းတွေပေါ့
ငါတို့တောတောင်ရေမြေတွေပေါ့
ငါတို့မြို့ရွာတွေပေါ့
ငါတို့တက်ခဲ့တဲ့ကျောင်းတွေပေါ့
ငါတို့ချီတက်ကြွေးကြော်ခဲ့တဲ့လမ်းတွေပေါ့
ငါတို့ပျော်ခဲ့ဘူးတဲ့အချိန်တွေပေါ့
ငါတို့ဟာ
အချိန်တန်အိမ်ပြန်ရမယ်ပေါ့
တိုင်းပြည်ကို
အကောင်းဘက်ကိုတွန်းရွှေ့ပစ်မယ်ပေါ့
တကယ်တော့
အဲဒီဟိုးဘက်မှာ
ငါတို့မပါတဲ့ယန္တရားတစ်ခုဟာ
ရက်ရက်စက်စက်လည်ပတ်နေခဲ့ပြီးပါပြီ။

ကိုဇော်(ကလေးမြို့)
၁၅ရက် ၁လ ၂၀၂၀။