မင္းသူ႕ကုိ မွတ္မိလား
မင္းသူ႕ကုိ မွတ္မိလား
မင္းနဲ႔ေဂြလိမ့္ဖက္ ရန္ျဖစ္္ဖက္
ေက်ာင္းေနဖက္ သူငယ္ခ်င္းေတြမုိ႔လား
ေက်ာင္းနံရံကပ္စာေစာင္မွာ
သူ႔ကဗ်ာကုိ မင္း ဖတ္ဖူးတယ္မုိ႔လား
ဖဲကစားရင္ သူအၿမဲရႈံၿပီး
စစ္တုရင္ကစားရင္ သူ အၿမဲႏိုင္တယ္
ဗိုက္ျပည့္ေနရင္ စိတ္ေကာင္းရိွၿပီး
ဗိုက္ဆာေနရင္ စိတ္တိုေနတတ္တယ္
မင္းတုိ႔ႏွစ္ေယာက္လုံး ပိုက္ဆံျပတ္တုိင္း
ေလာ္ဂရစ္သမ္အိုး က်ကြဲၾကတာေလ
တစ္ခါက သူ႔ေလ့က်င့္ခန္းစာအုပ္ထဲမွာ
ေပါက္ကရေတြ ေရးထည့္ေပးလိုက္တာ
သူ စိတ္ဆိုးၿပီး ေဒါသထြက္ေနခဲ့တာေလ
သူ႔ရဲ႕နာမည္ေျပာင္က
မွန္ေၾကာင္မုိ႔လား
သူ႔မ်က္မွန္ကုိ မင္းဖြက္ထားေတာ့
"အရူးေတြ အရူးေတြ
ငါ ဘာမွမျမင္ရေတာ့ဘူး ေခြးမသားေတြ"လုိ႔
အားလုံးကုိ သူဆဲဆိုေနခဲ့တာေလ။
တနဂၤေႏြေန႔ေတြမွာ
မင္းတုိ႔ ငါးမွ်ားထြက္ၾကေတာ့
သူက ငါးေတြမိၿပီး
မင္းက တစ္ေကာင္မွ မမိေတာ့
မင္းတုိ႔ ဟိုဟာသေျပာၿပီး ရယ္ေသးတယ္မုိ႔လား
မင္းတုိ႔ႏွစ္ေယာက္ တစ္ဖက္သက္ႀကိဳက္ေနတဲ့
ေကာင္မေလး လင္ေနာက္လုိက္သြားေတာ့
မင္းတုိ႔ႏွစ္ေယာက္လုံး အရက္ေတြမူးၿပီး
ေကြးေနေအာင္ ကၾကတာေလ။
ဒုကၡနဲ႔မေအာင္ျမင္မႈကုိ ဖြဲ႕ႏြဲ႕မွ
အႏုပညာေျမာက္မယ္ဆုိရင္
အဲဒီကဗ်ာ တစ္သက္လုံးမေရးေတာ့ဘူးလုိ႔ သူေျပာခဲ့တာ
မင္း ရယ္ေနခဲ့တာ
သူ႕ဆံပင္ေတြဘယ္သူမွ အကိုင္မခံတာ
ဘာျဖစ္လုိ႔လဲလုိ႔ မင္း ေမးေတာ့
ရြံလုိ႔တဲ့
သူ ခပ္တည္တည္ေျဖခဲ့တာ
တစ္ခုခုျဖစ္ရင္
"မတရားဘူး... မတရားဘူး"လုိ႔
အၿမဲတမ္းေျပာတာ
မင္းတုိ႔ႏွစ္ေယာက္
ဂ်င္းေဘာင္းဘီကုိ အုတ္နီခဲနဲ႔တုိက္၀တ္ခဲ့တာ
စာအုပ္ေတြထဲမွာ မင္နီေတြ ရႊြဲေနခဲ့တာ
သူ႔အက်ီ ၤမီးေလာင္ေပါက္ေတြကုိ ၾကည့္ၿပီး
သူ႔ဘာသာ သေဘာက်လုိ႔
တျဖည္းျဖည္း
သူ စကားနည္းနည္းလာတယ္
တစ္ခါတစ္ေလ အၾကာႀကီး ေတြေနတတ္တယ္
သူ႕အခန္းမွာ
မင္းနဲ႔မသိတဲ့ အေပါင္းအသင္းေတြ
၀င္ထြက္ေနၾကတာ မင္းမွတ္မိလား
သူ ႏွစ္ညသုံးည ေပ်ာက္ေပ်ာက္သြားတယ္
ေနာက္
တစ္ခါတည္း ေပ်ာက္သြားတယ္
သူ႕အေၾကာင္းလာေမးသမွ်
မင္းက ရွင္းျပရတယ္
အဓိပၸာယ္က ဘယ္ေရာက္လုိ႔ ဘယ္ေရာက္မွန္းမသိ
အကုန္လုံး အိတ္သြန္ဖာေမွာက္
ဓာတုေဗဒအဓိကနဲ႔ ေက်ာင္းၿပီးေတာ့
မင္း သေဘၤာသားျဖစ္သြားတာ သူ သိမွာေပါ့
ခုိးရာပါပစၥည္းလက္သင့္ခံမႈနဲ႔ ေထာင္က်သြားတဲ့
သူ႔သူငယ္ခ်င္းရဲ႕ ေကာင္မေလးနဲ႔ လက္ထပ္လုိက္ၾကတာ
မင္း သိမွာေပါ့
အဲဒီေကာင္မေလးမွာ
ကိုယ္၀န္သုံးလ ပါလာတာလည္း မင္း သိမွာေပါ့
သူ႕ ဘႀကီးေသေတာ့
သူ အေမြေတြအမ်ားႀကီးရလုိက္တာ မင္း သိမွာေပါ့
သူ႔အႀကံကုိ မင္း မသိေပမယ့္
သူ႔ အသံကိုေတာ့ မင္း ၾကားမွာေပါ့
သူ႔အေၾကာင္းေျပာရတာ
အႏၱရာယ္ရိွမွန္း မင္း သိမွာပါ
မင္းကအခု လုိက္ပြဲနဲ႔
ဗိုက္ရႊဲလုိ႔
ေသြးေပါင္မွန္မွန္ခ်ိန္ရဲ႕လား
ေျမြတစ္ေကာင္မွာ
အဆိပ္နဲ႔အေရခြံကုိပဲ လူေတြတန္ဖုိးထားၾကတာ
မင္းတုိ႔ႏွစ္ေယာက္ဟာ အဆိပ္နဲ႔ အေရခြံ
မင္းမွာ ေငြေတြအထပ္လုိက္
သူ႔မွာ ေတာေတြေတာင္ေတြ အထပ္လုိက္
မင္းက လက္မွတ္ေတြထိုးတယ္
သူက ေန႔စဥ္မီးကြင္းေတြထဲ ကြ်မ္းထိုးလုိ႔
ႏွင္းေတြ ထူထူထဲထဲ က်ဆင္းေနတဲ့
ေန႔ေတြကုိ လြန္ေျမာက္လုိ႔
ေနေရာင္ျခည္ဟာ ၀င္းပလာၿပီဆုိရင္
မင္းအိမ္တံခါးကုိ အရင္ဆုံးလာေခါက္မယ့္ လူဟာ
သူပဲ
မင္း သူ႔ကုိ မွတ္မိလား။
ၾကည္ေဇာ္ေအး
[Unicode Version]
မင်းသူ့ကို မှတ်မိလား
မင်းသူ့ကို မှတ်မိလား
မင်းနဲ့ဂွေလိမ့်ဖက် ရန်ဖြစ််ဖက်
ကျောင်းနေဖက် သူငယ်ချင်းတွေမို့လား
ကျောင်းနံရံကပ်စာစောင်မှာ
သူ့ကဗျာကို မင်း ဖတ်ဖူးတယ်မို့လား
ဖဲကစားရင် သူအမြဲရှုံပြီး
စစ်တုရင်ကစားရင် သူ အမြဲနိုင်တယ်
ဗိုက်ပြည့်နေရင် စိတ်ကောင်းရှိပြီး
ဗိုက်ဆာနေရင် စိတ်တိုနေတတ်တယ်
မင်းတို့နှစ်ယောက်လုံး ပိုက်ဆံပြတ်တိုင်း
လော်ဂရစ်သမ်အိုး ကျကွဲကြတာလေ
တစ်ခါက သူ့လေ့ကျင့်ခန်းစာအုပ်ထဲမှာ
ပေါက်ကရတွေ ရေးထည့်ပေးလိုက်တာ
သူ စိတ်ဆိုးပြီး ဒေါသထွက်နေခဲ့တာလေ
သူ့ရဲ့နာမည်ပြောင်က
မှန်ကြောင်မို့လား
သူ့မျက်မှန်ကို မင်းဖွက်ထားတော့
"အရူးတွေ အရူးတွေ
ငါ ဘာမှမမြင်ရတော့ဘူး ခွေးမသားတွေ"လို့
အားလုံးကို သူဆဲဆိုနေခဲ့တာလေ။
တနင်္ဂနွေနေ့တွေမှာ
မင်းတို့ ငါးမျှားထွက်ကြတော့
သူက ငါးတွေမိပြီး
မင်းက တစ်ကောင်မှ မမိတော့
မင်းတို့ ဟိုဟာသပြောပြီး ရယ်သေးတယ်မို့လား
မင်းတို့နှစ်ယောက် တစ်ဖက်သက်ကြိုက်နေတဲ့
ကောင်မလေး လင်နောက်လိုက်သွားတော့
မင်းတို့နှစ်ယောက်လုံး အရက်တွေမူးပြီး
ကွေးနေအောင် ကကြတာလေ။
ဒုက္ခနဲ့မအောင်မြင်မှုကို ဖွဲ့နွဲ့မှ
အနုပညာမြောက်မယ်ဆိုရင်
အဲဒီကဗျာ တစ်သက်လုံးမရေးတော့ဘူးလို့ သူပြောခဲ့တာ
မင်း ရယ်နေခဲ့တာ
သူ့ဆံပင်တွေဘယ်သူမှ အကိုင်မခံတာ
ဘာဖြစ်လို့လဲလို့ မင်း မေးတော့
ရွံလို့တဲ့
သူ ခပ်တည်တည်ဖြေခဲ့တာ
တစ်ခုခုဖြစ်ရင်
"မတရားဘူး... မတရားဘူး"လို့
အမြဲတမ်းပြောတာ
မင်းတို့နှစ်ယောက်
ဂျင်းဘောင်းဘီကို အုတ်နီခဲနဲ့တိုက်၀တ်ခဲ့တာ
စာအုပ်တွေထဲမှာ မင်နီတွေ ရွှွဲနေခဲ့တာ
သူ့အကျီ ၤမီးလောင်ပေါက်တွေကို ကြည့်ပြီး
သူ့ဘာသာ သဘောကျလို့
တဖြည်းဖြည်း
သူ စကားနည်းနည်းလာတယ်
တစ်ခါတစ်လေ အကြာကြီး တွေနေတတ်တယ်
သူ့အခန်းမှာ
မင်းနဲ့မသိတဲ့ အပေါင်းအသင်းတွေ
၀င်ထွက်နေကြတာ မင်းမှတ်မိလား
သူ နှစ်ညသုံးည ပျောက်ပျောက်သွားတယ်
နောက်
တစ်ခါတည်း ပျောက်သွားတယ်
သူ့အကြောင်းလာမေးသမျှ
မင်းက ရှင်းပြရတယ်
အဓိပ္ပာယ်က ဘယ်ရောက်လို့ ဘယ်ရောက်မှန်းမသိ
အကုန်လုံး အိတ်သွန်ဖာမှောက်
ဓာတုဗေဒအဓိကနဲ့ ကျောင်းပြီးတော့
မင်း သငေ်္ဘာသားဖြစ်သွားတာ သူ သိမှာပေါ့
ခိုးရာပါပစ္စည်းလက်သင့်ခံမှုနဲ့ ထောင်ကျသွားတဲ့
သူ့သူငယ်ချင်းရဲ့ ကောင်မလေးနဲ့ လက်ထပ်လိုက်ကြတာ
မင်း သိမှာပေါ့
အဲဒီကောင်မလေးမှာ
ကိုယ်၀န်သုံးလ ပါလာတာလည်း မင်း သိမှာပေါ့
သူ့ ဘကြီးသေတော့
သူ အမွေတွေအများကြီးရလိုက်တာ မင်း သိမှာပေါ့
သူ့အကြံကို မင်း မသိပေမယ့်
သူ့ အသံကိုတော့ မင်း ကြားမှာပေါ့
သူ့အကြောင်းပြောရတာ
အန္တရာယ်ရှိမှန်း မင်း သိမှာပါ
မင်းကအခု လိုက်ပွဲနဲ့
ဗိုက်ရွှဲလို့
သွေးပေါင်မှန်မှန်ချိန်ရဲ့လား
မြွေတစ်ကောင်မှာ
အဆိပ်နဲ့အရေခွံကိုပဲ လူတွေတန်ဖိုးထားကြတာ
မင်းတို့နှစ်ယောက်ဟာ အဆိပ်နဲ့ အရေခွံ
မင်းမှာ ငွေတွေအထပ်လိုက်
သူ့မှာ တောတွေတောင်တွေ အထပ်လိုက်
မင်းက လက်မှတ်တွေထိုးတယ်
သူက နေ့စဉ်မီးကွင်းတွေထဲ ကျွမ်းထိုးလို့
နှင်းတွေ ထူထူထဲထဲ ကျဆင်းနေတဲ့
နေ့တွေကို လွန်မြောက်လို့
နေရောင်ခြည်ဟာ ၀င်းပလာပြီဆိုရင်
မင်းအိမ်တံခါးကို အရင်ဆုံးလာခေါက်မယ့် လူဟာ
သူပဲ
မင်း သူ့ကို မှတ်မိလား။
ကြည်ဇော်အေး
Labels: ၾကည္ေဇာ္ေအး
posted by D Wathone Khat @ September 15, 2017
0 Comments
0 Comments:
Post a Comment
Subscribe to Post Comments [Atom]
<< Home