တနလၤာေန႔ ေၾကာင္တစ္ေကာင္ႏွင့္ တရား၀င္ေဆြးေႏြးခန္း
ဒီတစ္ခါေတာ့
ေရငုပ္တာ ေတာ္ေတာ္ၾကာသြားၿပီ။
ေစာင့္ရင္းေစာင့္ရင္းနဲ႔
ေစာင့္ရင္းေစာင့္ရင္း ပ်င္းလာတယ္
ျပင္သင့္တာ ျပင္ထားလုိက္ရေကာင္းမလား။
သံေ၀ဂညည္းခ်င္းေတြ ဆူဆူညံညံနဲ႔
၀င္းထရံမွာ ဆုိင္းဘုတ္ေတြခ်ိတ္ထားၾကတယ္။
"ေၾကာင္မလာရ"တဲ့
ေၾကာင္က ဖတ္မိလုိ႔ထင္ရဲ႕ ျပံဳးတယ္
"ေၾသာ္...လူေတြဆုိတာ
အၾကင္နာတရား ေခါင္းပါးတဲ့ ဆုိင္းဘုတ္ေတြပါလား"
၁၉၉၇ အလည္ေခါင္တည့္တည့္မွာ
လက္ဖက္ရည္ဆုိင္တစ္ဆုိင္ထဲ ေၾကာင္ေရာက္လာေတာ့
"ဒီမွာ ကဗ်ာဆရာရဲ႕ ေခြ်းနဲ႔ေဖ်ာ္တဲ့လက္ဖက္ရည္ရသလား
ၿမိဳ႕နာမည္ေတြမပါတဲ့ စီးကရက္ကုိ ေသာက္ခ်င္တယ္"တဲ့
ဒီေကာင္ ေတာ္ေတာ္ေၾကာင္တဲ့ေကာင္ပဲဆုိၿပီး လူေတြက
အဲဒီေၾကာင္ကုိ ေၾကာင္သြားေအာင္ ရယ္ၾကတယ္
ဒါေပမယ့္ ေၾကာင္က မေၾကာင္ဘူး
လူေတြရဲ႕ မ်က္လုံးကုိ
ပ်က္လုံးတစ္ခုလို သေဘာထားၿပီး ျပန္ထြက္သြားတယ္။
ေနာက္တစ္ေန႔ ထပ္ေတြ႕ျဖစ္ေတာ့မွ
"ကဗ်ာေတြ အပယ္ခံရတယ္ဗ်ာ၊ ရင္နာတယ္
ၾကာေတာ့လည္း အပယ္ခံေၾကာင္ရုပ္ေပါက္ေနၿပီ
အႏုပညာခ်င္းယွက္ဖုိ႔ေတာ့ ၀န္မေလးပါဘူး" တဲ့၊ ေၾကာင္က
ေၾကာင္က... အယ္ဒီတာျဖစ္ခ်င္တယ္တဲ့
ေမွာ္ဓာတ္မစီးတဲ့မီးလုံးေတြ ရိုက္ခြဲပစ္ရမယ္တဲ့
ေၾကာင္က
ေၾကာင္က ဒိုင္လန္ေတာမတ္(စ)နဲ႔ ဟိုးလုဗ္ကုိ ႀကိဳက္တယ္တဲ့
မာယာေကာ့ဖ္စကီးကုိေတာ့ မႀကိဳက္ဘူးတဲ့၊ ေၾကာင္က
ေၾကာင္က ပိုးစိုးပက္စက္ေျပာတယ္
သူ႔ခ်စ္သူက သူ႔ကုိ ေျပာလႊတ္သလုိမ်ိဳး
"ဘာမွသုံးစားလုိ႔ မရတဲ့ဟာေတြ သြားစမ္းကြာ
ေလွကားဆိုတာ လက္ရန္းပါမွ ၾကည့္လုိ႔ေကာင္းတယ္"
ဒီတစ္ခါ
ဘယ္သူနဲ႔မွ မတူတဲ့အသံေၾကာင္ေတြ စုျပံဳထြက္က်လာတယ္
ခက္ေတာ့ခက္ေနပါၿပီ
ကြ်န္ေတာ့္ကုိနားလည္ေပးပါဗ်ာဆိုတဲ့စကားဟာ
ပုထုဇဥ္အခ်င္းခ်င္းေတာင္းဆုိလြန္းရာ ေရာက္မေနဘူးလား
မိုးေတြေလေတြထဲမွာ ဆုိျပန္ေတာ့
ဒါေတြဟာ မျဖစ္သင့္ဘူးလုိ႔လည္း ေျပာမထြက္ဘူး
အင္းေလ..
ဒင္းက ေၾကာင္ေပပဲကိုးဆုိၿပီး ေျဖရတယ္၊ မဆိုးပါဘူး
ဒီလုိဆိုေတာ့လည္း သေဘာေပါက္လြယ္သားပဲ
ကြ်န္ေတာ့္ကုိ ျပန္နားလည္ေပးရွာတယ္
(ကြ်န္ေတာ္နားလည္ေပးဖုိ႔ မလြယ္ခဲ့တာကုိ
သူက ျပန္ၿပီး နားလည္ေပးခဲ့တယ္)
သိစိတ္အလြန္ေရးနည္း
ျဖစ္တည္မႈ ပဓာန၀ါဒ
ဒုတိယလိင္မွသည္ တတိယလိႈင္းအထိ နားလည္သြားၾကတယ္
ဆုိပါေတာ့ ၁၉၉၇၊ ၁၉၉၈၊ ၁၉၉၉...။
ဒီလုိနဲ႔ ညေနေစာင္းေတာ့
ေၾကာင္က သူ႔ေဆးလိပ္တုိကုိ မီးျပန္ညိႇတယ္
ရယ္ျပတယ္
ေဘးမွာခ်ထားတဲ့ လြယ္အိတ္ကုိ ျပန္လြယ္တယ္၊ ၿပီး
"အခုလုိ ေအးေအးေဆးေဆး
ေနာက္တစ္ႀကိမ္ေလာက္ ထပ္ဆုံခ်င္ေသးတယ္ဗ်ာ"တဲ့
ေပ်ာ့စိစိ ေပ်ာ့ဖတ္ဖတ္သီခ်င္းကုိ ဆုိၿပီး ျပန္သြားတယ္။
ညေနကလည္း အပ်ိဳရည္ပ်က္သြားတယ္
ကြ်န္ေတာ္လည္း သူ ျပန္သြားမွ စဥ္းစားလုိက္မိတာက
တစ္ေန႔လုံးလုံး
အဲဒီေၾကာင္နဲ႔ ကြ်န္ေတာ္ စကားမေျပာျဖစ္ခဲ့ၾကဘူး။
ၾကည္ေဇာ္ေအး
[Unicode Version]
တနင်္လာနေ့ ကြောင်တစ်ကောင်နှင့် တရား၀င်ဆွေးနွေးခန်း
ဒီတစ်ခါတော့
ရေငုပ်တာ တော်တော်ကြာသွားပြီ။
စောင့်ရင်းစောင့်ရင်းနဲ့
စောင့်ရင်းစောင့်ရင်း ပျင်းလာတယ်
ပြင်သင့်တာ ပြင်ထားလိုက်ရကောင်းမလား။
သံေ၀ဂညည်းချင်းတွေ ဆူဆူညံညံနဲ့
၀င်းထရံမှာ ဆိုင်းဘုတ်တွေချိတ်ထားကြတယ်။
"ကြောင်မလာရ"တဲ့
ကြောင်က ဖတ်မိလို့ထင်ရဲ့ ပြုံးတယ်
"သြော်...လူတွေဆိုတာ
အကြင်နာတရား ခေါင်းပါးတဲ့ ဆိုင်းဘုတ်တွေပါလား"
၁၉၉၇ အလည်ခေါင်တည့်တည့်မှာ
လက်ဖက်ရည်ဆိုင်တစ်ဆိုင်ထဲ ကြောင်ရောက်လာတော့
"ဒီမှာ ကဗျာဆရာရဲ့ ချွေးနဲ့ဖျော်တဲ့လက်ဖက်ရည်ရသလား
မြို့နာမည်တွေမပါတဲ့ စီးကရက်ကို သောက်ချင်တယ်"တဲ့
ဒီကောင် တော်တော်ကြောင်တဲ့ကောင်ပဲဆိုပြီး လူတွေက
အဲဒီကြောင်ကို ကြောင်သွားအောင် ရယ်ကြတယ်
ဒါပေမယ့် ကြောင်က မကြောင်ဘူး
လူတွေရဲ့ မျက်လုံးကို
ပျက်လုံးတစ်ခုလို သဘောထားပြီး ပြန်ထွက်သွားတယ်။
နောက်တစ်နေ့ ထပ်တွေ့ဖြစ်တော့မှ
"ကဗျာတွေ အပယ်ခံရတယ်ဗျာ၊ ရင်နာတယ်
ကြာတော့လည်း အပယ်ခံကြောင်ရုပ်ပေါက်နေပြီ
အနုပညာချင်းယှက်ဖို့တော့ ၀န်မလေးပါဘူး" တဲ့၊ ကြောင်က
ကြောင်က... အယ်ဒီတာဖြစ်ချင်တယ်တဲ့
မှော်ဓာတ်မစီးတဲ့မီးလုံးတွေ ရိုက်ခွဲပစ်ရမယ်တဲ့
ကြောင်က
ကြောင်က ဒိုင်လန်တောမတ်(စ)နဲ့ ဟိုးလုဗ်ကို ကြိုက်တယ်တဲ့
မာယာကော့ဖ်စကီးကိုတော့ မကြိုက်ဘူးတဲ့၊ ကြောင်က
ကြောင်က ပိုးစိုးပက်စက်ပြောတယ်
သူ့ချစ်သူက သူ့ကို ပြောလွှတ်သလိုမျိုး
"ဘာမှသုံးစားလို့ မရတဲ့ဟာတွေ သွားစမ်းကွာ
လှေကားဆိုတာ လက်ရန်းပါမှ ကြည့်လို့ကောင်းတယ်"
ဒီတစ်ခါ
ဘယ်သူနဲ့မှ မတူတဲ့အသံကြောင်တွေ စုပြုံထွက်ကျလာတယ်
ခက်တော့ခက်နေပါပြီ
ကျွန်တော့်ကိုနားလည်ပေးပါဗျာဆိုတဲ့စကားဟာ
ပုထုဇဉ်အချင်းချင်းတောင်းဆိုလွန်းရာ ရောက်မနေဘူးလား
မိုးတွေလေတွေထဲမှာ ဆိုပြန်တော့
ဒါတွေဟာ မဖြစ်သင့်ဘူးလို့လည်း ပြောမထွက်ဘူး
အင်းလေ..
ဒင်းက ကြောင်ပေပဲကိုးဆိုပြီး ဖြေရတယ်၊ မဆိုးပါဘူး
ဒီလိုဆိုတော့လည်း သဘောပေါက်လွယ်သားပဲ
ကျွန်တော့်ကို ပြန်နားလည်ပေးရှာတယ်
(ကျွန်တော်နားလည်ပေးဖို့ မလွယ်ခဲ့တာကို
သူက ပြန်ပြီး နားလည်ပေးခဲ့တယ်)
သိစိတ်အလွန်ရေးနည်း
ဖြစ်တည်မှု ပဓာနဝါဒ
ဒုတိယလိင်မှသည် တတိယလှိုင်းအထိ နားလည်သွားကြတယ်
ဆိုပါတော့ ၁၉၉၇၊ ၁၉၉၈၊ ၁၉၉၉...။
ဒီလိုနဲ့ ညနေစောင်းတော့
ကြောင်က သူ့ဆေးလိပ်တိုကို မီးပြန်ညှိတယ်
ရယ်ပြတယ်
ဘေးမှာချထားတဲ့ လွယ်အိတ်ကို ပြန်လွယ်တယ်၊ ပြီး
"အခုလို အေးအေးဆေးဆေး
နောက်တစ်ကြိမ်လောက် ထပ်ဆုံချင်သေးတယ်ဗျာ"တဲ့
ပျော့စိစိ ပျော့ဖတ်ဖတ်သီချင်းကို ဆိုပြီး ပြန်သွားတယ်။
ညနေကလည်း အပျိုရည်ပျက်သွားတယ်
ကျွန်တော်လည်း သူ ပြန်သွားမှ စဉ်းစားလိုက်မိတာက
တစ်နေ့လုံးလုံး
အဲဒီကြောင်နဲ့ ကျွန်တော် စကားမပြောဖြစ်ခဲ့ကြဘူး။
ကြည်ဇော်အေး
Labels: ၾကည္ေဇာ္ေအး
posted by D Wathone Khat @ September 15, 2017
0 Comments
0 Comments:
Post a Comment
Subscribe to Post Comments [Atom]
<< Home