ကိုယ့္ကဗ်ာ ကိုယ္ဆက္ေရး
ပင္ပန္းစြာ
တုန္ခါစြာ
အဆင္မေျပေတာ့မွ အေျပးအလႊား သတိရမိတဲ့ ဒီကဗ်ာ
အဆင္မေျပေတာ့မွ သူမ်ားစိတ္မေကာင္းေအာင္
ေရးမိတဲ့ ဒီကဗ်ာ
မတတ္ႏိုင္ ဆက္သာေရး
ကိုယ္ အဆင္မေျပလည္း
သူမ်ား အဆင္ေျပေအာင္ ဆက္ေရး
သူမ်ား အဆင္မေျပလည္း
ကိုယ္ အဆင္ေျပေအာင္ ဆက္ေရး
ပ်က္က်သြားတဲ့ အာကာသယာဥ္လုိ
ပ်က္က်သြားတဲ့ စာသားေတြ
လႊင့္တင္ထားတဲ့ အလံလုိ
လႊင့္တင္ထားတဲ့ စိတ္ကူးေတြ
ဆက္ေရး
၀မ္းေျမာက္ေၾကာင္း သ၀ဏ္လႊာေတြ
၀မ္းနည္းေၾကာင္း သ၀ဏ္လႊာေတြ ဆက္ေရး
အက္တန္ေတြ ပရိုတြန္ေတြ ႏ်ဳထြန္ေတြ ဆက္ေရး
မေအာင္ျမင္တဲ့ စမ္းသပ္မႈေတြ ဆက္ေရး
လက္ဖက္ရည္ဆုိင္ေတြ
အရက္ဆုိင္ေတြ
စိတ္ကူးတည့္ရာေတြ
စပ္မိစပ္ရာေတြ
ဆက္ေရး
ပ်င္းစရာေကာင္းတဲ့ သင္တန္းေတြ
ပ်င္းစရာေကာင္းတဲ့ အယူအဆေတြ
ပ်င္းစရာေကာင္းတဲ့ အေပါင္းအသင္းေတြ
ဆက္ေရး
ျပင္လုိက္ ဖ်က္လုိက္
စီလုိက္ စဥ္လုိက္
လုိတိုး ပိုေလွ်ာ့ ဆက္ေရး
ေခတ္ေတြ အလ်င္စလုိ ေရႊ႕လ်ား
တစ္၀မ္းတစ္ခါးေတြ ဆန္းျပား
ကိုယ္နဲ႔မဆုိင္တာေတြ မ်ားျပား
ကိုယ့္တရုတ္မေလးမွာ မ်က္ရစ္မရိွ
ကိုယ့္အိတ္ေထာင္ထဲမွာ ပိုက္ဆံမရိွ
ဘာမဆုိ မီးကုန္ ယမ္းကုန္
ဘာမဆုိ ေသေကာင္းေပါင္းလဲ
ဘာမဆိုေစ်းႀကီးႀကီး ေပး၀ယ္ယူရစၿမဲ
ဆက္ေရး
ေက်ာင္းသား
ဆိပ္ကမ္း ကုန္တင္ကုန္ခ်
ေရနံတြင္းတူး
ညေစာင့္
ဘဏ္စာေရး
ကိုယ့္ရဲ႕ အႏွစ္သုံးဆယ္မွာ အစစအရာရာ
ကိုယ့္ရဲ႕ ငယ္ဘ၀မွာ အစစအရာရာ
ေလွ်ာက္ေျပာလုိက္
ေလွ်ာက္လုပ္လိုက္
ဆက္ေရး
သမုိင္းနိဂုံး ခ်ဳပ္သြားပလား
နည္းပညာေခတ္ဟာ ေရာက္လာပလား
ကမာၻႀကီးဟာ ျပားသြားပလား
ကမာၻႀကီးဟာ က်ဥ္းသြားပလား
ဆက္ေရး
ငါးရွဥ့္ေသြးေသာက္သူ
တီေကာင္ကုိ ဆားနဲ႔တုိ႔သူ
အ၀ီစိတြင္းတူးသူ
အဂၤါၿဂိဳလ္ေလ့လာစူးစမ္းသူ
တရားစခန္း၀င္သူ
အလုပ္စခန္းမွ ျပန္လာသူ
အေထြေထြ အျပားျပား ဆက္ေရး
မီးျခစ္ကေလးတစ္လုံးအေၾကာင္းျဖစ္ျဖစ္
စာအုပ္ကေလးတစ္အုပ္အေၾကာင္းျဖစ္ျဖစ္
ကြ်န္းကေလးတစ္ကြ်န္းအေၾကာင္းျဖစ္ျဖစ္
ပန္းျခံကေလးတစ္ခုအေၾကာင္းျဖစ္ျဖစ္
ေဘာင္းဘီေလးတစ္ထည္အေၾကာင္းျဖစ္ျဖစ္
ကိုယ့္အေၾကာင္းကိုယ္ပဲျဖစ္ျဖစ္
ဆက္ေရး
ဟိုထဲက နည္းနည္း
ဒီထဲက နည္းနည္း
ဟုိလူ႕ၾသဇာ နည္းနည္း
ဒီလူ႕ၾသဇာ နည္းနည္း
ဆက္ေရး
ျမစ္တစ္ျမစ္မွာ ေရႏွစ္ခါ
ခ်ိဳးလုိ႕ရမရ
ျမစ္တစ္ျမစ္မွာ သေဘၤာႏွစ္ႀကိမ္
နစ္ မနစ္
အႀကိမ္ႀကိမ္ အခါခါ
ဆက္ေရး
ေမတၱာမီးအိမ္
ေငြစိန္ေလွေလွာ္ရင္း တက္က်ိဳးျခင္း
မစဥ္းစားျခင္းေသတၱာ
အလင္းေရာင္စၾကၤ ံမ်ား
အေဖျပန္ေရာက္တဲ့ ျပန္ႏိႈးပါ
မွတ္မိသေလာက္ ဆက္ေရး
အမွာစာမလုိ
သရုပ္ေဖာ္ပုံမလုိ
ဘာသာျပန္မလုိ
ကဗ်ာဟာ ကဗ်ာလုိ လြတ္လြတ္ကြ်တ္ကြ်တ္
ဘ၀ဟာ ဘ၀လုိ လြတ္လြတ္ကြ်တ္ကြ်တ္
ေမြးေန႔မွာ ငွက္ေတြ လႊတ္သလုိ
ငါးေတြ သက္ေစ့လႊတ္လုိ႔
ခ်စ္စကား လြတ္လြတ္ကြ်တ္ကြ်တ္
ႀကိဳက္စကား လြတ္လြတ္ကြ်တ္ကြ်တ္
စာေမးပြဲေအာင္သလုိ လြတ္လြတ္ကြ်တ္ကြ်တ္
ဆက္ေရး
လြယ္လြယ္ကူကူ
ေ၀့ကာ၀ိုက္ကာလည္း မလုပ္
တိမ္းကာ ယိမ္းကာလည္း မလုပ္
ဘယ္ကုိမွ မရည္ရြယ္ ဘာကုိမွ မရည္ရြယ္
မည္မည္ရရ ဘာမွမရိွ ဆက္ေရး
အေႏွာင့္လြတ္လြတ္ အသြားလြတ္လြတ္
အေႏွာင့္မလြတ္
အသြားမလြတ္
ဆက္ေရး
အခုလို ဆက္ေရးေနတာကုိလည္း ဆက္ေရး
လက္ဆင့္ကမ္းေျပးသလုိ
လက္ဆင့္ကမ္း ဆက္ေရး
တစ္ေယာက္ၿပီး တစ္ေယာက္
တစ္လက္ၿပီး တစ္လက္
ရက္ရက္စက္စက္ ဆက္ေရး
မုိးလည္း မၿပိဳေစနဲ႔
ေျမလည္း မမ်ိဳေစနဲ႔
သတိ၀ီရိယရိွရိွ ဆက္ေရး
မရြဲ႕ေစနဲ႔
မေစာင္းေစနဲ႔
ဆက္ေရး
ကိုယ္လည္း ေပ်ာ္ရႊင္ေအာင္
သူမ်ားလည္း ေပ်ာ္ရႊင္ေအာင္ ဆက္ေရး
ဆက္ေရးလုိ႔မရရင္ အဆုံးသတ္လုိက္
ကိုယ့္ကဗ်ာကုိယ္ အဆုံးစီရင္ပစ္လုိက္
အခုလုိ ။
ၾကည္ေဇာ္ေအး
[Unicode Version]
ကိုယ့်ကဗျာ ကိုယ်ဆက်ရေး
ပင်ပန်းစွာ
တုန်ခါစွာ
အဆင်မပြေတော့မှ အပြေးအလွှား သတိရမိတဲ့ ဒီကဗျာ
အဆင်မပြေတော့မှ သူများစိတ်မကောင်းအောင်
ရေးမိတဲ့ ဒီကဗျာ
မတတ်နိုင် ဆက်သာရေး
ကိုယ် အဆင်မပြေလည်း
သူများ အဆင်ပြေအောင် ဆက်ရေး
သူများ အဆင်မပြေလည်း
ကိုယ် အဆင်ပြေအောင် ဆက်ရေး
ပျက်ကျသွားတဲ့ အာကာသယာဉ်လို
ပျက်ကျသွားတဲ့ စာသားတွေ
လွှင့်တင်ထားတဲ့ အလံလို
လွှင့်တင်ထားတဲ့ စိတ်ကူးတွေ
ဆက်ရေး
၀မ်းမြောက်ကြောင်း သ၀ဏ်လွှာတွေ
၀မ်းနည်းကြောင်း သ၀ဏ်လွှာတွေ ဆက်ရေး
အက်တန်တွေ ပရိုတွန်တွေ နျုထွန်တွေ ဆက်ရေး
မအောင်မြင်တဲ့ စမ်းသပ်မှုတွေ ဆက်ရေး
လက်ဖက်ရည်ဆိုင်တွေ
အရက်ဆိုင်တွေ
စိတ်ကူးတည့်ရာတွေ
စပ်မိစပ်ရာတွေ
ဆက်ရေး
ပျင်းစရာကောင်းတဲ့ သင်တန်းတွေ
ပျင်းစရာကောင်းတဲ့ အယူအဆတွေ
ပျင်းစရာကောင်းတဲ့ အပေါင်းအသင်းတွေ
ဆက်ရေး
ပြင်လိုက် ဖျက်လိုက်
စီလိုက် စဉ်လိုက်
လိုတိုး ပိုလျှော့ ဆက်ရေး
ခေတ်တွေ အလျင်စလို ရွှေ့လျား
တစ်၀မ်းတစ်ခါးတွေ ဆန်းပြား
ကိုယ်နဲ့မဆိုင်တာတွေ များပြား
ကိုယ့်တရုတ်မလေးမှာ မျက်ရစ်မရှိ
ကိုယ့်အိတ်ထောင်ထဲမှာ ပိုက်ဆံမရှိ
ဘာမဆို မီးကုန် ယမ်းကုန်
ဘာမဆို သေကောင်းပေါင်းလဲ
ဘာမဆိုဈေးကြီးကြီး ပေး၀ယ်ယူရစမြဲ
ဆက်ရေး
ကျောင်းသား
ဆိပ်ကမ်း ကုန်တင်ကုန်ချ
ရေနံတွင်းတူး
ညစောင့်
ဘဏ်စာရေး
ကိုယ့်ရဲ့ အနှစ်သုံးဆယ်မှာ အစစအရာရာ
ကိုယ့်ရဲ့ ငယ်ဘ၀မှာ အစစအရာရာ
လျှောက်ပြောလိုက်
လျှောက်လုပ်လိုက်
ဆက်ရေး
သမိုင်းနိဂုံး ချုပ်သွားပလား
နည်းပညာခေတ်ဟာ ရောက်လာပလား
ကမ္ဘာကြီးဟာ ပြားသွားပလား
ကမ္ဘာကြီးဟာ ကျဉ်းသွားပလား
ဆက်ရေး
ငါးရှဥ့်သွေးသောက်သူ
တီကောင်ကို ဆားနဲ့တို့သူ
အ၀ီစိတွင်းတူးသူ
အင်္ဂါဂြိုလ်လေ့လာစူးစမ်းသူ
တရားစခန်း၀င်သူ
အလုပ်စခန်းမှ ပြန်လာသူ
အထွေထွေ အပြားပြား ဆက်ရေး
မီးခြစ်ကလေးတစ်လုံးအကြောင်းဖြစ်ဖြစ်
စာအုပ်ကလေးတစ်အုပ်အကြောင်းဖြစ်ဖြစ်
ကျွန်းကလေးတစ်ကျွန်းအကြောင်းဖြစ်ဖြစ်
ပန်းခြံကလေးတစ်ခုအကြောင်းဖြစ်ဖြစ်
ဘောင်းဘီလေးတစ်ထည်အကြောင်းဖြစ်ဖြစ်
ကိုယ့်အကြောင်းကိုယ်ပဲဖြစ်ဖြစ်
ဆက်ရေး
ဟိုထဲက နည်းနည်း
ဒီထဲက နည်းနည်း
ဟိုလူ့သြဇာ နည်းနည်း
ဒီလူ့သြဇာ နည်းနည်း
ဆက်ရေး
မြစ်တစ်မြစ်မှာ ရေနှစ်ခါ
ချိုးလို့ရမရ
မြစ်တစ်မြစ်မှာ သငေ်္ဘာနှစ်ကြိမ်
နစ် မနစ်
အကြိမ်ကြိမ် အခါခါ
ဆက်ရေး
မေတ္တာမီးအိမ်
ငွေစိန်လှေလှော်ရင်း တက်ကျိုးခြင်း
မစဉ်းစားခြင်းသေတ္တာ
အလင်းရောင်စင်္ကြ ံများ
အဖေပြန်ရောက်တဲ့ ပြန်နှိုးပါ
မှတ်မိသလောက် ဆက်ရေး
အမှာစာမလို
သရုပ်ဖော်ပုံမလို
ဘာသာပြန်မလို
ကဗျာဟာ ကဗျာလို လွတ်လွတ်ကျွတ်ကျွတ်
ဘ၀ဟာ ဘ၀လို လွတ်လွတ်ကျွတ်ကျွတ်
မွေးနေ့မှာ ငှက်တွေ လွှတ်သလို
ငါးတွေ သက်စေ့လွှတ်လို့
ချစ်စကား လွတ်လွတ်ကျွတ်ကျွတ်
ကြိုက်စကား လွတ်လွတ်ကျွတ်ကျွတ်
စာမေးပွဲအောင်သလို လွတ်လွတ်ကျွတ်ကျွတ်
ဆက်ရေး
လွယ်လွယ်ကူကူ
ေ၀့ကာ၀ိုက်ကာလည်း မလုပ်
တိမ်းကာ ယိမ်းကာလည်း မလုပ်
ဘယ်ကိုမှ မရည်ရွယ် ဘာကိုမှ မရည်ရွယ်
မည်မည်ရရ ဘာမှမရှိ ဆက်ရေး
အနှောင့်လွတ်လွတ် အသွားလွတ်လွတ်
အနှောင့်မလွတ်
အသွားမလွတ်
ဆက်ရေး
အခုလို ဆက်ရေးနေတာကိုလည်း ဆက်ရေး
လက်ဆင့်ကမ်းပြေးသလို
လက်ဆင့်ကမ်း ဆက်ရေး
တစ်ယောက်ပြီး တစ်ယောက်
တစ်လက်ပြီး တစ်လက်
ရက်ရက်စက်စက် ဆက်ရေး
မိုးလည်း မပြိုစေနဲ့
မြေလည်း မမျိုစေနဲ့
သတိ၀ီရိယရှိရှိ ဆက်ရေး
မရွဲ့စေနဲ့
မစောင်းစေနဲ့
ဆက်ရေး
ကိုယ်လည်း ပျော်ရွှင်အောင်
သူများလည်း ပျော်ရွှင်အောင် ဆက်ရေး
ဆက်ရေးလို့မရရင် အဆုံးသတ်လိုက်
ကိုယ့်ကဗျာကိုယ် အဆုံးစီရင်ပစ်လိုက်
အခုလို ။
ကြည်ဇော်အေး
Labels: ၾကည္ေဇာ္ေအး
posted by D Wathone Khat @ September 15, 2017
0 Comments
0 Comments:
Post a Comment
Subscribe to Post Comments [Atom]
<< Home