ရန္ကုန္ၿမိဳ႕မွာ ေနထုိင္ျခင္း
နယူးေယာက္
လန္ဒန္
ဆစ္ဒနီ
ပါရီ
ဘာစီလုိနာ
ဂ်ကာတာ
တုိင္ေပ
ဘန္ေကာက္နဲ႔ ဆုိးလ္ၿမိဳ႕ႀကီးမ်ားမွာလုိ
ကြ်န္ေတာ္ဟာ ရန္ကုန္ၿမိဳ႕မွာ ေနထုိင္ပါတယ္။
ေရႊေတာင္ၾကားရပ္ကြက္အမည္ရိွ
ၿခံအမွတ္(၁၂)မွာ ေနထုိင္ပါတယ္။
ေတာအရပ္မွာ ေနရတာပ်င္းစရာေကာင္းလုိ႔
ရန္ကုန္မွာ ေပ်ာ္ရႊင္စြာေနထုိင္လ်က္ရိွပါတယ္။
ဓာတ္ခဲနာရီ
ေခြးမေလး "ေပ်ာ္ရႊင္မႈ"နဲ႔
တရုတ္ေရဒီယုိေလးတစ္လုံးဟာ
ကြ်န္ေတာ့္ပိုင္ဆုိင္မႈအစုစုေတြပါ
ထုိ႔ေနာက္
ကြ်န္ေတာ္ဟာ ကဗ်ာစပ္
စိတ္ညစ္
ေနာက္ကြ်မ္းပစ္၊ ရန္ျဖစ္
ဘုရားရိွခိုး၊ ေကာ္ဖီေသာက္
သတင္းစာဖတ္၊ တယ္လီဗီးရွင္းၾကည့္
တစ္ခါတစ္ရံ
သီခ်င္းေတြ ေအာ္ဟစ္သီဆုိလုိ႔ေပါ့ေလ။
သို႔ေပမယ့္
၀မ္းနည္းစရာေကာင္းတာက
ကြ်န္ေတာ္ဟာ ပိုက္ဆံမရွာတတ္ပါဘူး
ေလယာဥ္ပ်ံမေမာင္းတတ္ပါဘူး
ရည္ရြယ္ခ်က္ႀကီးႀကီးမားမားမရိွပါဘူး
စကားေျပာမေကာင္းပါဘူး
အဆိုးဆုံးကေတာ့
ကြ်န္ေတာ္လိမ္ညာမေျပာတတ္ပါဘူး
ကြ်န္ေတာ္ဟာ
အာရွပစိဖိတ္ေဒသက အျခားေသာ လူငယ္မ်ားလုိ
သာမန္လူငယ္ေလးတစ္ဦးပါပဲ။
ေရႊဆုိင္ေတြ
ေရွာ့ပင္းစင္တာေတြ
ညစာစားပြဲေတြနဲ႔
ညစာမစားရေသးလုိ႔
ကြ်န္ေတာ့္ညစာေပါင္မုန္႔ကုိ လာစားၾကတဲ့ ၾကြက္ေတြ
ဘာပဲျဖစ္ျဖစ္
ကြ်န္ေတာ္ရန္ကုန္မွာေပ်ာ္ပါတယ္
လူေတြမ်ားတဲ့
လမ္းေတြမ်ားတဲ့
မိုးေတြမ်ားတဲ့ ရန္ကုန္မွာေပ်ာ္ပါတယ္။
ဘာျဖစ္လုိ႔လဲဆုိေတာ့
ရန္ကုန္ဟာ ကြ်န္ေတာ့္အတြက္
စီးကရက္ေတြ ယူလာေပးပါတယ္
အသားကင္ေတြ ယူလာေပးပါတယ္
မိန္းမလွေတြ ယူလာေပးပါတယ္
ဟြန္းသံကင္းမဲ့ဇုံေတြ ယူလာေပးပါတယ္
လမ္းေဘးေစ်းသည္
ေစ်းမေရာင္းရနယ္ေျမေတြ ယူလာေပးပါတယ္
ေနာက္ၿပီး
ခင္ထားျမင့္ကုိလည္း ယူလာေပးပါတယ္
ေတာ္တီလာဖလက္ရပ္ကြက္မွာ
ပီလြန္ဟာ
သူငယ္ခ်င္းဒင္နီအတြက္
၀ိုင္တစ္ဂါလံယူလာေပးသလုိေပါ့
ရန္ကုန္ဟာ ကြ်န္ေတာ့္အတြက္
အဖုံးတြင္းကံစမ္းမဲပါတဲ့
၀ီစကီေတြလည္း ယူလာေပးပါတယ္။
အထက္အညာမွ
ေအာက္ျပည္အေၾကရပ္သုိ႔
စုန္ဆင္းခဲ့ေသာ ကြ်န္ေတာ္ဟာ
ခုဆုိ
ပင္လယ္ငါးလည္းစားဖူးပါၿပီ
ေမြးျမဴေရးငါးလည္းစားဖူးပါၿပီ
အင္တာနက္ကေဖးလည္း ေရာက္ဖူးပါၿပီ
ယုဇနဥယ်ာဥ္ၿမိဳ႕ေတာ္လည္း ေရာက္ဖူးပါၿပီ
အဆင့္ျမင့္ရုပ္ရွင္ရုံေတြလည္း ေရာက္ဖူးပါၿပီ
ကုလားကားေတြလည္း ၾကည့္ဖူးပါၿပီ
တုိက္အျမင့္ႀကီးေတြေပၚလည္းတက္ခဲ့ဖူးပါၿပီ
ေရႊတိဂုံေစတီေတာ္လည္း ဖူးခဲ့ၿပီးပါၿပီ
အထူးေျပာလုိတာက
ေခါင္မိုးေပၚကၾကည့္ေတာ့လည္း
ေခါင္မုိးေတြပဲျပန္ျမင္ရတယ္
ဆုိေတာ့
လူဆိုတာ
ၿမိဳ႕တစ္ၿမိဳ႕လုိပဲ ယူဆရေလမလား
လက္ရိွ
ကြ်န္ေတာ္ဖတ္ေနတဲ့ စာအုပ္ဟာ
"လစၥဘြန္းမွာတစ္ည"လုိ႔ အမည္ရပါတယ္
လက္ရိွ
ကြ်န္ေတာ္စီးေနတဲ့ဖိနပ္ဟာ
"ေရာမ"လုိ႔ အမည္ရပါတယ္
လက္ရိွ
ကြ်န္ေတာ္ေရးေနတဲ့ ဒီကဗ်ာဟာ
"ရန္ကုန္ၿမိဳ႕မွာေနထုိင္ျခင္း"လုိ႔ အမည္ရပါတယ္။
ဒါကုိ ရွဥ့္လိုေလွ်ာက္ေျပးၿပီး
ေလွ်ာက္ေရးလုိက္တဲ့ကဗ်ာမဟုတ္ပါ
ဒါဟာ "ညမအိပ္ေသာၿမိဳ႕ႀကီးမ်ား" ရုပ္သံအစီအစဥ္မဟုတ္ပါ
ဒါဟာ
အေရွ႕ေတာင္အာရွၿမိဳ႕တစ္ၿမိဳ႕ကုိ
ဂုဏ္ျပဳအပ္တဲ့ကဗ်ာျဖစ္ပါတယ္
ဒါဟာ
ၿမိဳ႕တစ္ၿမိဳ႕ကို ေမ့ေနမွာစိုးလုိ႔
သတိေပးလုိက္တဲ့ ကဗ်ာျဖစ္ပါတယ္
သိၾကပါ။
ၾကည္ေဇာ္ေအး
[Unicode Version]
ရန်ကုန်မြို့မှာ နေထိုင်ခြင်း
နယူးယောက်
လန်ဒန်
ဆစ်ဒနီ
ပါရီ
ဘာစီလိုနာ
ဂျကာတာ
တိုင်ပေ
ဘန်ကောက်နဲ့ ဆိုးလ်မြို့ကြီးများမှာလို
ကျွန်တော်ဟာ ရန်ကုန်မြို့မှာ နေထိုင်ပါတယ်။
ရွှေတောင်ကြားရပ်ကွက်အမည်ရှိ
ခြံအမှတ်(၁၂)မှာ နေထိုင်ပါတယ်။
တောအရပ်မှာ နေရတာပျင်းစရာကောင်းလို့
ရန်ကုန်မှာ ပျော်ရွှင်စွာနေထိုင်လျက်ရှိပါတယ်။
ဓာတ်ခဲနာရီ
ခွေးမလေး "ပျော်ရွှင်မှု"နဲ့
တရုတ်ရေဒီယိုလေးတစ်လုံးဟာ
ကျွန်တော့်ပိုင်ဆိုင်မှုအစုစုတွေပါ
ထို့နောက်
ကျွန်တော်ဟာ ကဗျာစပ်
စိတ်ညစ်
နောက်ကျွမ်းပစ်၊ ရန်ဖြစ်
ဘုရားရှိခိုး၊ ကော်ဖီသောက်
သတင်းစာဖတ်၊ တယ်လီဗီးရှင်းကြည့်
တစ်ခါတစ်ရံ
သီချင်းတွေ အော်ဟစ်သီဆိုလို့ပေါ့လေ။
သို့ပေမယ့်
၀မ်းနည်းစရာကောင်းတာက
ကျွန်တော်ဟာ ပိုက်ဆံမရှာတတ်ပါဘူး
လေယာဉ်ပျံမမောင်းတတ်ပါဘူး
ရည်ရွယ်ချက်ကြီးကြီးမားမားမရှိပါဘူး
စကားပြောမကောင်းပါဘူး
အဆိုးဆုံးကတော့
ကျွန်တော်လိမ်ညာမပြောတတ်ပါဘူး
ကျွန်တော်ဟာ
အာရှပစိဖိတ်ဒေသက အခြားသော လူငယ်များလို
သာမန်လူငယ်လေးတစ်ဦးပါပဲ။
ရွှေဆိုင်တွေ
ရှော့ပင်းစင်တာတွေ
ညစာစားပွဲတွေနဲ့
ညစာမစားရသေးလို့
ကျွန်တော့်ညစာပေါင်မုန့်ကို လာစားကြတဲ့ ကြွက်တွေ
ဘာပဲဖြစ်ဖြစ်
ကျွန်တော်ရန်ကုန်မှာပျော်ပါတယ်
လူတွေများတဲ့
လမ်းတွေများတဲ့
မိုးတွေများတဲ့ ရန်ကုန်မှာပျော်ပါတယ်။
ဘာဖြစ်လို့လဲဆိုတော့
ရန်ကုန်ဟာ ကျွန်တော့်အတွက်
စီးကရက်တွေ ယူလာပေးပါတယ်
အသားကင်တွေ ယူလာပေးပါတယ်
မိန်းမလှတွေ ယူလာပေးပါတယ်
ဟွန်းသံကင်းမဲ့ဇုံတွေ ယူလာပေးပါတယ်
လမ်းဘေးဈေးသည်
ဈေးမရောင်းရနယ်မြေတွေ ယူလာပေးပါတယ်
နောက်ပြီး
ခင်ထားမြင့်ကိုလည်း ယူလာပေးပါတယ်
တော်တီလာဖလက်ရပ်ကွက်မှာ
ပီလွန်ဟာ
သူငယ်ချင်းဒင်နီအတွက်
၀ိုင်တစ်ဂါလံယူလာပေးသလိုပေါ့
ရန်ကုန်ဟာ ကျွန်တော့်အတွက်
အဖုံးတွင်းကံစမ်းမဲပါတဲ့
၀ီစကီတွေလည်း ယူလာပေးပါတယ်။
အထက်အညာမှ
အောက်ပြည်အကြေရပ်သို့
စုန်ဆင်းခဲ့သော ကျွန်တော်ဟာ
ခုဆို
ပင်လယ်ငါးလည်းစားဖူးပါပြီ
မွေးမြူရေးငါးလည်းစားဖူးပါပြီ
အင်တာနက်ကဖေးလည်း ရောက်ဖူးပါပြီ
ယုဇနဥယျာဉ်မြို့တော်လည်း ရောက်ဖူးပါပြီ
အဆင့်မြင့်ရုပ်ရှင်ရုံတွေလည်း ရောက်ဖူးပါပြီ
ကုလားကားတွေလည်း ကြည့်ဖူးပါပြီ
တိုက်အမြင့်ကြီးတွေပေါ်လည်းတက်ခဲ့ဖူးပါပြီ
ရွှေတိဂုံစေတီတော်လည်း ဖူးခဲ့ပြီးပါပြီ
အထူးပြောလိုတာက
ခေါင်မိုးပေါ်ကကြည့်တော့လည်း
ခေါင်မိုးတွေပဲပြန်မြင်ရတယ်
ဆိုတော့
လူဆိုတာ
မြို့တစ်မြို့လိုပဲ ယူဆရလေမလား
လက်ရှိ
ကျွန်တော်ဖတ်နေတဲ့ စာအုပ်ဟာ
"လစ္စဘွန်းမှာတစ်ည"လို့ အမည်ရပါတယ်
လက်ရှိ
ကျွန်တော်စီးနေတဲ့ဖိနပ်ဟာ
"ရောမ"လို့ အမည်ရပါတယ်
လက်ရှိ
ကျွန်တော်ရေးနေတဲ့ ဒီကဗျာဟာ
"ရန်ကုန်မြို့မှာနေထိုင်ခြင်း"လို့ အမည်ရပါတယ်။
ဒါကို ရှဥ့်လိုလျှောက်ပြေးပြီး
လျှောက်ရေးလိုက်တဲ့ကဗျာမဟုတ်ပါ
ဒါဟာ "ညမအိပ်သောမြို့ကြီးများ" ရုပ်သံအစီအစဉ်မဟုတ်ပါ
ဒါဟာ
အရှေ့တောင်အာရှမြို့တစ်မြို့ကို
ဂုဏ်ပြုအပ်တဲ့ကဗျာဖြစ်ပါတယ်
ဒါဟာ
မြို့တစ်မြို့ကို မေ့နေမှာစိုးလို့
သတိပေးလိုက်တဲ့ ကဗျာဖြစ်ပါတယ်
သိကြပါ။
ကြည်ဇော်အေး
Labels: ၾကည္ေဇာ္ေအး
posted by D Wathone Khat @ September 15, 2017
0 Comments
0 Comments:
Post a Comment
Subscribe to Post Comments [Atom]
<< Home