ပြဌာန်းခံရတဲ့ ပြဌာန်းစာအုပ်

ပုံပြင်တွေ သေဆုံးကုန်မှတော့
ပုံပြင်ထဲက သူရဲကောင်းတွေလည်း မရှိတော့ဘူး

အချက်အလက်တွေ တင်ဆောင်လာတဲ့
ကုန်ကားတစ်စီးဟာ အသံကုန်ဖြဲပြီး
မေ့ပျောက်မှု ချောက်ကမ်းပါထဲ ထိုးဆင်းသွားတယ်

မွေးမြူရေး ကြက်တွေက
စဉ်းတီတုံးပေါ် လည်စင်းလို့

နှံကောင်မှာ မိုးဥတုမရှိ
ယုန်တွေမှာ ပန်းတိုင်မရှိ
မပုကြွယ်မှာလည်း ခရုငယ်မရှိ။

ညီမွန်
၁၀.၂.၂၀၂၀