ကျွဲ
ဒီအခြေရောက်မှ သံမှန်ကို ပြန်ညှိနေရတဲ့လူလို
ငါ့မှာ
စောင်းက တဖက်
ချိုဖျားမှာ ကားခနဲပါသွားမှာက တဖက်
ငါ့မှာ
ဒါကြီးနဲ့ နီးရလေခြင်းက တဖက်
ဒင်း.. ဂီတနဲ့ ဒီလောက်ဒုံးဝေးရကောင်းလားက တဖက်
ငါလည်း ခြုံထဲ တမြမြသွေးခဲ့ဖူးတာပဲ
မင်းလည်း မြေစာပင်တွေ ထောင်းထောင်းခြေနင်းဖူးတာပဲ
ငါလည်း သူများအခင်းဝင်စားဖူးတာပဲ
မင်းလည်း ကိုယ့်အခင်းကိုယ် ပြန်နင်းခဲ့ဖူးတာပဲ
ငါလည်း နဖားကြိုးကို ချိုနဲ့ရစ်ပြီး ဆောင့်ဖြတ်ဖူးတာပဲ
မင်းလည်း 'နဖားကွင်းကျ ' ချည်ခံရတဲ့အခါ
နှာနုပြတ်အောင် ရုန်းထွက်ဖူးတာပဲ
ငါလည်း ရွှံ့ထဲ ခလောက်နှစ်ပြီး
လာကောက်မယ့်သခင်ကို လှည့်ဖြားဖူးတာပဲ
မင်းလည်း 'ဖေ့သား' တချက်ချော့ရုံနဲ့
ဆင်ဟန်နဲ့ မော့ခဲ့ဖူးတာပဲ
အားလုံးညီအောင်
ဤလို့ရေးလိုက်ရဲ့
(ခေတ်ကြီးထဲ) ကျွဲလို့ ဖတ်ကြဖို့ပါဘဲ ။
ကိုသန်းထွန်း
Labels: ကိုသန်းထွန်း
posted by D Wathone Khat @ February 18, 2018
0 Comments
0 Comments:
Post a Comment
Subscribe to Post Comments [Atom]
<< Home