အဲဒီ ဇာတ်ကိုငါသိတယ် ၊ "ပဒုမ" ဆိုမကယ်ဘူး
ဖယ်ရီပေါ်က ဆင်းလာတော့
မင်းခြေခုံမို့မို့လေး
ဘတ်စ်ကားပေါ်အတက်မှာ
လက်ခနဲ မင့်သလုံးသားလေးလှချက်
သိပ္ပံအဆောက်အဦလှေကားထစ်တွေမှာ ထိုင်နေတုန်း
မင်းထဘီအနား အဖျားခတ်သွားတော့
ငါ့ရင် တလှပ်လှပ်ခုန်သွား
ငါ့ဘုန်းတန်ခိုးတွေနိမ့်သွား ၊ သို့သော် ငါဂုဏ်ယူသွား
ငါ့စာသင်ခုံရှေ့က မင့်ဂုတ်သားလေးဝင်းအိနုဖပ်နေတာမျိုး
ပြီးတော့ ... မွှေးညှင်းရှိန်းမြဆံစဖွာရရာ ...
ငါမြတ်နိုးမိ
ငါရင်ခုန်မိ ၊ ငါချစ်မိ ၊ ငါတုန်လှုပ်ခဲ့တယ်
ဘယ်နက္ခတ်နဲ့ယှဉ်ပြီး
ဘယ်အချိန်မှာ လိင်စိတ်ဟာ လူးလွန့်လှုပ်ရှားခဲ့သလဲ ...
ငါသိပ်မမှတ်မိ
ငါတို့တခေတ်လုံး ငြိမ့်ညောင်းစွာ စီးဆင်းခဲ့တယ်
ဖဝါးနဲ့နာပါ တူမကြီး
မင်းတို့ခေတ်ကြီးရဲ့ ရင်ဘတ်က နည်းနည်းဟိုက်လွန်း
မင်းတို့ခေတ်ကြီးရဲ့ ချိုင်းကြားက နည်းနည်းကျယ်လွန်း
မင်းတို့ခေတ်ကြီးရဲ့ စကတ်ကပေါင်းရင်းကို ကုတ်ကပ်တွယ်တက်တော့မလို့လား ...
ငွေတွင်းက နက်လာလေလေ
မင်းတို့ချက်တွင်းက လိုက်လိုက်နက်လေလေ ...
ငါရင်သပ်မိ ၊ ငါရှုမောမိ
ငါ့အသက်ကို သတိနဲ့ထိန်းရတယ်
ငါ့သတိကို အသက်နဲ့ထိန်းရတယ်
ဒါ မင်းတို့ရဲ့ " လမ်းပြမြေပုံ " လား
ဒါ မင်းတို့ရဲ့ " ပေးထားချက် " တွေ မဟုတ်လို့ဘာလဲ
မင်းတို့ရဲ့အလန်းဇယားတွေက
ဖားစီးငါးစီး နိုင်လှသကွဲ့
အချစ်ဆိုတဲ့ Evolution က အရင်မလာဘဲ
လိင်စိတ်က Revolution လုပ်လို့
ဖီဆန်လို့ ၊ မှုန်ဆန်လို့
ပြီးရင်-ကျားစီးဖားစီးပုန်ကန်တော့မှာလား
ငါမှားရင် ငါ့ကိုခွင့်မလွှတ်ပါနဲ့ တူမကြီး
မှားမှား မှန်မှန် ငါ့ခေတ်ကြီးကိုတော့ ခွင့်လွှတ်လိုက်ပါ တူမကြီး ။
ကိုသန်းထွန်း
Labels: ကိုသန်းထွန်း
posted by D Wathone Khat @ February 18, 2018
0 Comments
0 Comments:
Post a Comment
Subscribe to Post Comments [Atom]
<< Home