ရာဘာ ပရိုမိုးရှင်း

ကျနော်က ရာဘာစက်မှုလုပ်ငန်းရှင်တစ်ယောက်ပါ
သံမဏိလို ၊ ရေနံလို
နိုင်ငံတနိုင်ငံ ၊ လူတယောက်ရဲ့နေ့စဉ်ဘဝတွေထဲ
ဒရကြမ်းတိုးဝင်နေတဲ့ "ရာဘာ ..."
သက်ရှိ "ဆဲလ်" တွေနဲ့
မွှေးညှင်းပေါက်ကလေးတွေနဲ့
"ရာဘာ ..."
"ချိုလိမ်" ကလေးတွေဆိုလည်း
မိခင်နို့နဲ့မခြားပါပဲ
ပန်းနုရောင်နို့သီးခေါင်းလေးနဲ့
အကြောစိမ်းစိမ်း ၊ မွှေးညှင်းရှိန်းရှိန်းလေးတွေနဲ့ ...

ကျနော်က ကွန်ဒုံးနဲ့လိင်ဆက်စပ်ပစ္စည်းတွေလည်း ထုတ်လုပ်ပါတယ်
"အချစ်ထုတ်ကုန်" လို့ ခေါ်ပါတယ်
ဈေးကွက်ထဲ...
ဈေးသာမြောက်နေပြီး ပစ္စည်းမရှိတဲ့ "အချစ်" အတွက်
လူငယ်တွေအပန်းတကြီးဖြစ်မနေစေဘို့ ရည်ရွယ်ပါတယ်
စီလီကွန်နဲ့ရာဘာ
လူသားအထီးအမတွေက
မိမိကိုယ်ကိုယ် ယုံကြည်မှုမြင့်မားလာစေဘို့ ကူညီကြပါလိမ့်မယ်

သူကလမ်းပေါ်မမောင်းဘဲ
လမ်းက သူ့အပေါ်တက်ကြိတ်ရင်တောင်
ခံနိုင်မယ့် ကားတာယာတွေ ...
ဗြူရိုကရေစီယန္တရားကြီးရဲ့ ခွေးသွားစိပ်တခုလို
"ရာဘာတံဆိပ်တုံး" တွေ ...
ဆန္ဒပြလယ်သမား အလုပ်သမားတွေဆီ
ကတိကဝတ်တခုလို ပျံဝဲထွင်းဖောက်လာကြမယ့်
ရာဘာကျည်ဆန်တွေ ...
ကျနော်ထုတ်လုပ်ပါတယ်

ကျနော့်ရာဘာကို ဖက်မွေးလာကြသူတိုင်း
ကျနော့်ရာဘာကို ဖက်သေကြရတယ်
ကျနော့် "ချိုလိမ်" ကို စို့သူဟာ
ကျနော့် ကွန်ဒုံးကို သုံးသူပါပဲ
ကျနော့် ကားတာယာတွေနဲ့ခရီးသွားသူဟာ ကားတာယာတွေကို လမ်းပေါ်ပုံပြီး မီးရှို့သူတွေပါပဲ
ရာဘာကျည်ဆန်တွေနဲ့ပစ်ခတ်သူမဟုတ်ရင်
ရာဘာကျည်ဆန်တွေနဲ့ပစ်ခတ်ခံရသူပါပဲ
ရာဘာတံဆိပ်တုံးကိုထုသူမဟုတ်ရင်
ရာဘာတံဆိပ်တုံးနဲ့အထုခံရသူပါပဲ

ဘယ်သူမဆို ရာဘာတွေဆီ တနေ့ပြန်လာရမှာပဲ
ဒါကို မမေ့လျော့စေဘို့
သူတို့ရဲ့နောက်ဆုံးအချိန်တွေမှာ
ရာဘာတွေနဲ့နေထိုင်သွားဘို့ လိုအပ်ပါတယ်
ဖာရိုဘုရင်ကြီးတပါးလို
သူ့အခေါင်းထဲ "ချိုလိမ်" လေး တခုထည့်ပေးလိုက်ဖို့ပါ
သေရင် သူ့နောက်ပါသွားမယ့်
"ရာဘာ.... "
(အင်စတောလေးရှင်းလေးတခုပါပဲ)
ကျနော့်ရဲ့နှစ်သစ်ကူး "ချိုလိမ်" လေးတွေ
ပန်းနုရောင်တောက်တောက်နို့သီးခေါင်းလေးတွေနဲ့ ...
မွှေးညှင်းရှိန်းရှိန်း ၊ အကြောစိမ်းစိမ်းလေးတွေနဲ့ ...

ကိုသန်းထွန်း