မီးစက်ကလေး

ချစ်ခြင်းမေတ္တာဆိုတာ

ဆီလိုအပေါက်ရှာ စိမ့်လာတတ်ပါတယ်

လေလိုအကြောင်းရှာ လွင့်လာတတ်ပါတယ်

ကျောက်ကြောတုံးထဲ

ပုရွက်ဆိတ်ကလေးတွေ တွင်းဖောက်ရသလို

အမျိုးအမည်မသိအမှောင်ထုထဲ

ယပ်တောင်ကိုဆွဲထုတ်လိုက်တယ်

ချွေးစို့နေမယ့်အသက်ရှူသံလေးရှိရာဘက်

ယပ်ခတ်ပေးနေမိပါတယ်

ချစ်ခြင်းမေတ္တာဆိုတာ

ဘယ်လောက်ဖျက်ဖျက် ဘယ်တော့မှမီးမပျက်တဲ့ မီးစက်ကလေးပဲ။

                                         ကိုရွေး

                                      ၁  ဧပြီ ၂၁