ကလေးတစ်ယောက်ရဲ့ အတ္ထုပ္ပတ္တိ

ကျောပိုးအိတ်ထဲမှာ
စွန့်စားခန်းတွေထည့်ထားတယ်။

စက္ကူနဲ့လုပ်တဲ့စကြာလေးတွေက
လေတိုက်ရင် မွတ်နေအောင်လည်တော့တာပဲ။

ဖိနပ်ကို
ဝါးစားသလိုစီးမယ်။

အဝတ်ကို
ဆွဲဖြဲသလိုဝတ်တယ်။

သကြားဆိုတာ
ခိုးစားရတဲ့ အစားအစာပေါ့။

မသိတာနဲ့ မကြိုက်တာ
အတူတူပဲ မဟုတ်လား။

မြစ်တွေချောင်းတွေထဲမှာမှမဟုတ်ဘူး
မြေပြင်ပေါ်မှာလည်း လက်ပစ်ကူးပါတယ်။

တစ်နေ့မှာတော့
မြေကြီးထဲမှာမြှုပ်နှံထားတဲ့ရတနာတွေကို ရှာတွေ့ရမယ်။

စာအုပ်ကြားထဲက
ခရေပန်းခြောက်လေးဟာ မွှေးပျံ့နေပါတယ်။

နရနီ