Red Wine
သို့
ဝိုင်နီ
သတိရကြောင်းများနဲ့ ကျေးဇူးတင်ကြောင်း ပုစ္စာကို
အစ်ကို ဖြေရှင်းနေမိတယ်
မင်းပေးခဲ့တဲ့အရောင်အဝါက လင်းလက်ပြီး
မင်းမှာ သိမ်ငယ်ကျန်ရစ်နေမလားလို့
အချိန်မတော် အခုလို ၁၂ နာရီကျော် အမည်တပ်ထားတဲ့
နေ့အသစ်ကိုရောက်စမှာ ငါ ဖြေရင်း ရှင်းရင်းပဲ
ရန်ကုန်မှာ မင်းတစ်ယောက်တည်းပဲလို့
ငါမတွေးခင် မင်းဖြေရှင်းပြခဲ့တာ
အခန်းဆိုတော့ အခန်းလိုပေါ့ အစ်ကိုရာတဲ့
သို့
ဝိုင်နီ
မင်းတတ်ထားတဲ့ပညာက သံရည်ကြိုတာထက်
ဈေးမြင့်ပြီး
မင်းကိုပြန်ရေးနေတဲ့ကဗျာက
ငါ့ရင်ထဲ အမြဲရှိလို့ပါပဲ
မင်း အခန်းထဲ မင်းပင်ပန်းလဲလျောင်းနေတဲ့အချိန်
ငါလည်းမင်းလို နှစ်ဆပိုပြီး
နာကျင်မောဟိုက်နေရပါတယ်
ငါကမင်းထက် တစ်ဆပို
အသက်ကြီးခဲ့တာကိုး
သို့
ဝိုင်နီ
အဆင်ပြေလား
ရန်ကုန်ထဲ လာရင် အဖော်မရှိဘူး အစ်ကိုတဲ့
မင်းတေးကို ငါလည်းညည်းဆိုဖြစ်ခဲ့တယ်
ငါလည်း မင်းပေးတဲ့ယောအဆင်နဲ့
ပြေလည်ဖို့ ကြိုးစားနေရတာပါပဲ
သို့
ဝိုင်နီ
တို့တွေကြာကြာနေဖို့ ကြိုးစားရမယ်
ဒါဆို ပိုချို ပိုပြင်းတဲ့နေ့တွေ
တို့အိပ်မက်ချော်ရည်ပူတွေ
တို့မျှော်လင့်ချက် သံမဏိရေတွေ
မပျော်ဘူးလား ဆိုတော့ ပျော်တာပေါ့
ပျော်တာမှ
မီးတရဲရဲ ပျော်ကျမှုမျိုး
သို့
ဝိုင်နီ
မပျော်ဘူး မဟုတ်လား
ဒို့စိတ်တွေ မာခဲနေတဲ့ညများ ။ ။
ဝင်းမြင့်
၁၅ ၂ ၂၀၁၉
Labels: ဝင္းျမင့္
posted by D Wathone Khat @ February 23, 2020
0 Comments
0 Comments:
Post a Comment
Subscribe to Post Comments [Atom]
<< Home