လေလံကား

တနင့်တပိုးထုပ်ထားတဲ့
ချုပ်ရိုးပြုတ် အိပ်မက်တွေလည်း
ပွင့်ကျလို့
ဇစ်တခုလိုဟနေတဲ့ ရယ်သံစိပ်စိပ်တွေက
ဖိနပ်ပါးပေါ်မှာ နောက်ထပ်သံဝေဂအကြေတွေ
တနွေပြီးတနွေ
နွေပြီးတော့လည်း နောက်ထပ်နွေတွေ
ရင့်ရော်ပိန်လှီလို့
မီးသတ်ကားတွေ ချည်းကပ်လာကြတယ် ။
သက်သေပြစရာက
မျက်ရည်နဲ့မျက်ခွက်
ပေါ ်လစ်တင်ထားတဲ့ချိုင့်ခွက်
ရယ်သံဟဟပေးတဲ့ ဆော့ဝဲ
နံရိုးပေါ်မှာ တက်ထိုင်လို့
ကျနော်ကိုင်ကြည့်မိတော့
ထ၍အော်တဲ့ အေးခဲမှုရယ်ပဲ
ဆွဲနှစ်သွားကြတယ် ။
သွားတွေ
ရေလိုကျိုချက်သောက်သုံးရအုံးမယ့်အလင်းတွေ
နေ့ထဲမှာ ခါရမ်းနေဆဲ
အကျီၤပဲ လဲဝတ်လာကြ။
မှောင်တော့မှ
ပြည်လမ်းမက ပိုလှသတဲ့လား
စကားပဲ ချစ်သူရယ်
ကားချင်ကားမှာပေါ့
သို့သော်ဘဝင်မကျမိတာက
လေလံကား
တအား ဖြတ်မောင်းသွားတယ်ကွယ် ။ ။

ဝင်းမြင့်
၁၁ ၂ ၂၀၂၀