သဟဇာတ

ဒီမှာ ရပ်နေတဲ့ရထားက
ဘာအကြောင်းပြချက်များလဲမေးမိတော့
လူတယောက်ပျောက်နေလို့တဲ့
အဲဒါနဲ့ပဲ ချွေးခံထဲမှာ ပုရပိုက်ထဲမှာ
ခပ်ချွဲချွဲ ကိုယ်တိုက်ဆပ်ပြာတုံးထဲမှာ
မင်းတို့ထံ ငါလိုက်လာခဲ့ပါပြီ တဲ့။
မရှိပါဘူးဆိုမှ
သူတို့မှာတော့ နှစ်ခါပြန် နေရာရတယ်
ဟာလာဟင်းလင်းထဲ
ပြတင်းပေါက်ကို တက်နင်းထားကြပြန်ပါပြီ
အဟွတ် အဟွတ်
နေ့တိုင်း ဒီအတိုင်းပဲ။
ထားလိုက်ပါတယ်
ငေါင်စင်းစင်း အချစ်မဲ့ဒဏ်ရာဗလပွနဲ့
ဖန်ခွက်
မင်းနှုတ်ခမ်းပေါ်မှာ
ငါ့ရဲ့အတောင်ကျိုးတဲ့အနမ်း
ဆိုင်ဝန်ထမ်းတွေ ဆေးကြောပေးပါလိမ့်မယ် ။ ။

ဝင်းမြင့်
၂၈ ၂ ၂၀၂၀