ပန်းခြင်းအရောင်းဆိုင်

ပြိုင်ကား ၊ ဇိမ်ခံကား
မီးသတ်ကား ၊ ဘတ်စ်ကား

မီးလောင်နေတာကို
ဇိမ်ခံကားစီးပြီးသွားကြည့်ုကြတယ်

ဘန်ကောက်မှာရှော့ပင်းထွက်ပြီးပြန်လာတဲ့
ချစ်သူကိုပြိုင်ကားလှလှလေးနဲ့ လေဆိပ်သွားကြိုတယ်

မီးက ဝါယာရှော့ဖြစ်တာ
ရှော့ပန်းမောလ်ကြီးတစ်ခုလုံး ပြာကျသွားတယ်
မီးသတ်ကားဟာ ရေပါမလာဘူး

လေယဉ်ပျက်ကျတာက
ငှက်တစ်ကောင်ကြောင့်ပျက်ကျတာ
တစ်ယောက်မှအသက်မရှင်ဘူး

ဇိမ်ခံကားဟာ
စီးရတာ အရသာရှိတယ်

လေယာဉ်စီးရတာက
ကိုယ့်အသက်ကိုယ်မပိုင်ဘူး

ပြိုင်ကားဟာ
ပန်းတိုင်မရောက်ဘဲ ပက်လက်လန်သွားတယ်

ဇိမ်ခံကားကို
ဘတ်စ်ကားကကျော်တက်တာ
လမ်းဘေးမီးတိုင်ကို ဝင်တိုက်မိသွားတယ်

ရေဝေးလမ်းကြားထဲမှာ
ကလေးတွေက ပျော်ရွှင်စွာ

သေတာဟာ ဂိမ်းအိုဗာပဲ
နောက်တစ်ပွဲ ထပ်ကစားကြမယ်။

ကြည်ဇော်အေး
23 feb 2020