ဒီဇင္ဘာ

အစဥ္အလာအရဆိုရင္ေတာ့ ျမဴခိုးေတြနဲ႔ စ,ရမွာပဲ

သို့ေသာ္ ပိတ္ထားေသာ တံခါးခ်ပ္မ်ားေနာက္
တစ္စံုတစ္ေယာက္၏ လက္ဖဝါးမ်ား တိတ္တဆိတ္ ေရာက္ရွိလာပံု
အခန္းနံရံအား တဂ်စ္ဂ်စ္ျမည္ေအာင္ ကုတ္ဖဲ့ပံု

ခ်စ္ျခင္း၏ အပိုင္းပိုင္းအထစ္ထစ္ အရသာအား
ကိုယ့္အသားကိုယ္ ဖဲ့ဝါးလ်က္ ေတြးေတာတတ္ၾကေသာ ဇြန္ဘီမ်ားသဖြယ္

ေမႊးပြေစာင္တစ္ထည္ ဆြဲၿခံဳလိုက္မွ
တစ္ဦးတစ္ေယာက္ရဲ႕ ျဖစ္ရွိေနမႈဟာ ပို၍ ထင္ရွားလာရ

သင့္ထံသို႔ ငါ

တိုက္ႀကိဳတိုက္ၾကားေတြၾကား ေျခဗလာက်င္း ေျပးလာေနရင္းက
ၿမိဳ႕ျပရဲ႕ ေနာက္ဆံုးမ်ိဳးဆက္အုန္းပင္နဲ႔ ပြတ္သပ္မိခဲ့

သိပ္ရက္စက္တဲ့ ႏွင္းေတြ။

 ဆစ္ခ္
ဒီဇင္ဘာ၊ ၂၀၁၈


ဒီဇင်ဘာ

အစဉ်အလာအရဆိုရင်တော့ မြူခိုးတွေနဲ့ စ,ရမှာပဲ

သို့သော် ပိတ်ထားသော တံခါးချပ်များနောက်
တစ်စုံတစ်ယောက်၏ လက်ဖဝါးများ တိတ်တဆိတ် ရောက်ရှိလာပုံ
အခန်းနံရံအား တဂျစ်ဂျစ်မြည်အောင် ကုတ်ဖဲ့ပုံ

ချစ်ခြင်း၏ အပိုင်းပိုင်းအထစ်ထစ် အရသာအား
ကိုယ့်အသားကိုယ် ဖဲ့ဝါးလျက် တွေးတောတတ်ကြသော ဇွန်ဘီများသဖွယ်

မွှေးပွစောင်တစ်ထည် ဆွဲခြုံလိုက်မှ
တစ်ဦးတစ်ယောက်ရဲ့ ဖြစ်ရှိနေမှုဟာ ပို၍ ထင်ရှားလာရ

သင့်ထံသို့ ငါ

တိုက်ကြိုတိုက်ကြားတွေကြား ခြေဗလာကျင်း ပြေးလာနေရင်းက
မြို့ပြရဲ့ နောက်ဆုံးမျိုးဆက်အုန်းပင်နဲ့ ပွတ်သပ်မိခဲ့

သိပ်ရက်စက်တဲ့ နှင်းတွေ။

ဆစ်ခ်
ဒီဇင်ဘာ၊ ၂၀၁၈