ဒီေန႔ ေန႔စြဲ
သင္ခန္းစာက
အဆုတ္လိုက္ အခိုင္လိုက္။
ေနာက္တစ္ရက္ေရာက္ဖို႔
ေနာက္တစ္ရြက္ကို ၾကာပန္းလိုေစာင့္ရ
ရြက္ဆုတ္ ျပကၡဒိန္။
ငယ္စဥ္ကလို
ေတြ႕ျမင္ၾကားသမ်ွ
အဆန္းတက်ယ္မ႐ွိေတာ႔
ငါ႔မွာ။
ပင္႔ကူမွ်င္ေတြက မ႐ႈတ္
သပြတ္အူေတြက မ႐ႈတ္
အားလုံး႐ွင္း႐ွင္းလင္းလင္း
ပထမဆုံးအန္ဖတ္မျမင္ႏိုင္ေတာ႔
အစကို လိုက္႐ွာ။
လက္သည္းခြံနဲ႔ ေျခသည္းခြံၾကား
မေပ်ာ္လည္းဟန္ေဆာင္
ေပ်ာ္လည္းဟန္ေဆာင္
စြဲမက္စရာမ႐ွိေတာ့
လက္က်န္ေန႔ေတြ။
ျမင္းခုန္တာလွတယ္
ေခြးခုန္တာမလွဘူး
ငယ္စဥ္ နားရည္ဝခဲ႔ေသာစကား။
ေလွ်ာက္ေတြးေနတာပဲ
ေလွ်ာက္ေရးေနတာပဲ
ဒုန္းပ်ံ ပ်ံသြားသလို
မီးခိုးတန္းမ်ား အလ်င္စလို။
သမင္လည္း သမင္အေလ်ာက္
ဒရယ္လည္း ဒရယ္အေလ်ာက္
က်ရာအခန္းမွ ျဖတ္ေလွ်ာက္ခဲ့ၿပီးပါၿပီ
ကဗ်ာကို အစကျပန္ဖတ္ၾကည့္ဖုိ႔
လိုမလား။
ခင္ေဇာ္ျမင္႔
၁၇.၆.၂၀၁၈
ေရဦးအႏုပညာမဂၢဇင္း။ ၂၀၁၈
ဒီနေ့ နေ့စွဲ
သင်ခန်းစာက
အဆုတ်လိုက် အခိုင်လိုက်။
နောက်တစ်ရက်ရောက်ဖို့
နောက်တစ်ရွက်ကို ကြာပန်းလိုစောင့်ရ
ရွက်ဆုတ် ပြက္ခဒိန်။
ငယ်စဉ်ကလို
တွေ့မြင်ကြားသမျှ
အဆန်းတကျယ်မရှိတော့
ငါ့မှာ။
ပင့်ကူမျှင်တွေက မရှုတ်
သပွတ်အူတွေက မရှုတ်
အားလုံးရှင်းရှင်းလင်းလင်း
ပထမဆုံးအန်ဖတ်မမြင်နိုင်တော့
အစကို လိုက်ရှာ။
လက်သည်းခွံနဲ့ ခြေသည်းခွံကြား
မပျော်လည်းဟန်ဆောင်
ပျော်လည်းဟန်ဆောင်
စွဲမက်စရာမရှိတော့
လက်ကျန်နေ့တွေ။
မြင်းခုန်တာလှတယ်
ခွေးခုန်တာမလှဘူး
ငယ်စဉ် နားရည်ဝခဲ့သောစကား။
လျှောက်တွေးနေတာပဲ
လျှောက်ရေးနေတာပဲ
ဒုန်းပျံ ပျံသွားသလို
မီးခိုးတန်းများ အလျင်စလို။
သမင်လည်း သမင်အလျောက်
ဒရယ်လည်း ဒရယ်အလျောက်
ကျရာအခန်းမှ ဖြတ်လျှောက်ခဲ့ပြီးပါပြီ
ကဗျာကို အစကပြန်ဖတ်ကြည့်ဖို့
လိုမလား။
ခင်ဇော်မြင့်
၁၇.၆.၂၀၁၈
ရေဦးအနုပညာမဂ္ဂဇင်း။ ၂၀၁၈
Subscribe to:
Post Comments (Atom)
No comments:
Post a Comment