လူငယ်လေးတစ်​ဦး

စာအုပ်တွေခိုးဖတ်
မွန်ထရီစီးကရက်တွေခိုးသောက်
ဂီတာကိုခိုးတီး
ကဗျာကိုခိုးရေး
နှင်းသီတာကို ခိုးငေးခဲ့ရတဲ့နေ့များ

လက်ဖက်ရည်ဆိုင်တွေခိုးထိုင်
ကြယ်တံခွန်အချစ်ကလေးရေ
ပြန်ဆုံရာလမ်းဝေးနေ ကြိတ်ဆွေးခဲ့တဲ့နေ့များ

ထန်းရည်တွေခိုးသောက်
ပန်းချီတွေခိုးဆွဲ
တက်တူးတွေခိုးထိုး
ငြီးငွေ့ဖွယ်စာသင်ခန်းတွေက ဘယ်လိုမှမစွဲဆောင်နိုင်ခဲ့တဲ့နေ့များ

"ခင်ဗျားတို့ထပ်ပြီးဆူဆူပူပူလုပ်​နေဦးမယ်ဆိုရင်တော့
စစ်တပ်ဆိုတာဘယ်တော့မှ
မိုးပေါ်ထောင်ပစ်မှာမဟုတ်ဘူး"
ရက်စက်လှတဲ့ဦးနေဝင်းရဲ့နောက်ဆုံးမိန့်ခွန်းနဲ့
ညစ်တွန်းတွန်းနေတဲ့ ပြည်သူတွေကြား
ဘောင်းဘီထဲလက်နှိုက်ပြီး
ပလက်ဖောင်းဘေးက လျှောက်သွားခဲ့ရတဲ့နေ့များ

နေပူသလိုအသည်းပူတယ် ဘာကြောင့်လဲသိရဲ့လား
အော်ဟစ်​ခဲ့တဲ့နေ့များ

မွေးရပ်မြေက တရွေ့ရွေ့မှောင်မည်းခြောက်​ကပ်လာ
စစ်အစိုးရထပ်ရောက်လာချိန်
လူငယ်ဘဝအကောင်းဆုံးအရွယ်တိုင်း
သွေးထွက်အများဆုံးနေ့များ

စာအုပ်တစ်​အုပ်နဲ့
လက်ဖက်ရည်တစ်​ခွက်နဲ့ ရင်ထဲမှာမီးများတောက်
စောင့်ရတာဝေးလွန်းလို့ ငါမင်းဆီအပြေးလာခဲ့တဲ့နေ့များ

ရေဒီယိုနား​ထောင်​ရင် နိုင်​ငံ​ရေးသမားပဲလို့​ စောင့်​ကြည့်​ခံရတဲ့​ခေတ်​မှာ
နှလုံးသားအိမ်မှာပူတယ် ​ဆောင်းနှင်းမြူအေးတယ်
အခါးဆုံးအရက်ကို မိတ်ဆွေလုပ်မယ်
ချိုပါတယ်ခဲ့ရတဲ့နေ့များ

လူငယ်ဟာလူငယ် မော်တော်ယာဉ်ဖန်ဆင်းခဲ့တယ်
မော်တော်ယာဉ်ကျော်ကာ လေယာဉ်ပျံတီထွင်သွားကြတယ်
လမ်းထိပ်အုတ်ခုံ​ပေါ်ထိုင်ပြီး အားတင်းအော်ဆိုခဲ့ကြတဲ့နေ့များ

ကိုယ့်ကိုပျော်ရွှင်ယဉ်ကျေးအောင်
မထိန်း​ကျောင်းနိုင်တဲ့ကျောင်းတွေကိုစိတ်ပျက်မိတဲ့အချိန်တိုင်း
အသိုက်လည်းမရှိဘူး ကူးချင်ရာကိုကူး
သွားချင်ရာကိုသွား လွတ်​လပ်ခဲ့ကြတဲ့နေ့များ

တစ်​နေ့ပြီးတစ်​နေ့
ပြာပုံဖြစ်လာတဲ့နှစ်တွေထဲ
အံတွေကြိတ်ပြီး သူပုန်စိတ်မွေးခဲ့ရတဲ့နေ့များ

ငါတို့မျှော်လင့်ချက်တွေကို
သေနတ်အလက်ပေါင်းများစွာနဲ့ဝိုင်းချိန်ထားတဲ့ခေတ်မှာ
ငါတို့တတွေ
ကဗျာတွေသီချင်းတွေနဲ့တော်လှန်ရေးခဲ့ကြ
မြင်နိုင်ရင်လေ ကိုယ့်ရင်ထဲ
တားဆီးကြည့်မနေနဲ့
မြေအောက်နည်းလမ်းနဲ့ ကြံဖန်အသည်းကွဲရတဲ့နေ့များ

စာဖတ်တဲ့လူငယ်ဟာ ရန်ရှာခံခဲ့ရတယ်
လူငယ်တစ်​ယောက်ဟာ
အာာဏာရှင်ကိုမကျေနပ်လို့ ရတဲ့နည်းနဲ့ပေါက်ကွဲပြီးရင်
ပြေးပေါက်တွေရှာထားရ
သယ်ဆောင်ရာအိတ်လည်းပြင် ယာဉ်မြန်ကိုစီး
ခရီးထွက်ဖို့ဒို့လာနေပြီလေ သီချင်းကို​အော်​ဆိုရင်း
အိမ်ပြေးဖြစ်ခဲ့တဲ့နေ့များ

ဒီမိုကရေစီရမှ
ဆံပင်တွေညှပ်ပစ်မယ်
ငါတို့မတိုင်ပင်ထားဘဲ
တပြိုင်တည်းဆံပင်ရှည်ရှည်
လူငယ်တွေရဲ့နေ့များ

ဟုတ်​ပါတယ်​ ဟုတ်ခဲ့ပါတယ်
လူငယ်ဘဝရဲ့ကြွေရွက်ဝါနေ့များ

သြော်
လူငယ်လေးတစ်​ဦး
လူငယ်လေးတစ်​ဦးတွေ
ငါတို့လူငယ်လေးတစ်​ဦးတွေ။

အောင်ခိုင်မြတ်
၄၂ နှစ်​သို့