မိမိကိုယ်ကိုယ်ကျိန်ဆဲခြင်း

ဆောင်းဝင်တိုင်း သေနတ်မောင်းကို ဆုမတောင်းပဲဆွဲခဲ့တယ် နေ့စဉ်
ထွက်နေကျ နှပ်ချေးတွေလို သိစိတ်မဲ့ ယိုစီးခြင်းထဲ အိပ်ရာထ
ကော်ဖီသောက်တာကနေ အိပ်ရာဝင်ခါနီး ဆေးလိပ်သောက်ချိန်အထိ
ဘယ်အရသာမှ ဘဝတည့်တည့် မထိခဲ့သလို အိမ်မြောင်တစ်ကောင်
အမြီးပြတ်သွားတာကြည့်ပြီး ဝမ်းသာကြည့်လိုက်ပါလား ခဲတံ
ချွန်စက်တစ်လုံးလို မြင်မြင်သမျှအရာတိုင်း တတိတိလှိုက်စား ဘာသာ
တရား လူမှုဆက်ဆံရေးနယ်ပယ် ဖာ့ခ်ဆိုတဲ့စာလုံးရေ ၂၀၀၀ပါတဲ့
စာအုပ်တစ်အုပ်ဝယ်ဖတ် ပြီး နှုတ်ခမ်းကို တွန့်ခနဲကွေး ပြုံးပြ သူပြုံးနေသည်
အကြွေးယူတော့မည်ဆိုတဲ့ နံရံကိုလည်း ပြုံးပြ နားတွေ နားတွေ ဖွားခနဲ
လွင့်စင်ထွက်လာသော အယုတ်တမာသုက်သွေးတွေနဲ့ မိသားစု
ဂရာဖစ်တီရေး ခြစ်ချလိုက်တဲ့နောက် အမျှင်တန်း ထွက်ကျလာရာ
သွေးစိမ်းရှင်ရှင်များ ပုပ်ပွနေတဲ့ အလောင်းကောင်မျက်နှာ ရွှင်ပျ
လန်းဆန်း တစ်လုံးသောက်ပြီး ဖြစ်တည်မှုပါ ပျောက်သွားတဲ့ ငှက်လို
လေဟုန်ခွင်း အိမ်အပြန် မူးရူးပေတေ တနင်္ဂနွေညများထဲက လူသား
တစ်ယောက်ယောက်ဟာ မီးပုံးပျံတစ်လုံးလို ပျံတက်မသွားချင်တော့ဘူး
လေယာဉ်ပျက်ကျသလိုပဲ ပျက်ကျချင်နေခဲ့တယ် အမြဲတမ်း ။ ။

ဆစ်ခ်
ဇန်နဝါရီ၊ ၂၀၁၆