သွားထပ်ကလေးရဲ့ ဓမ္မ

ကိုယ့်စိတ်ကိုယ်ပြန်ဖမ်းလို့မမိရာက စ,တာပဲ ။
ဝိဇ္ဇာလား မဂ္ဂလား ဆာတိုရီလား Enlightment လား ။
အလင်းရောင်နည်းနည်းလိုတယ် ။
အကြည်ဓာတ်နည်းနည်းလိုတယ် ။
ရှေ့ကဖြစ်ပျက် နောက်ကမဂ် နည်းနည်းလိုတယ် ။
မျက်စိထဲ အမှောင်ထုကြီးပဲ မြင်မြင်နေရ ။
ကိုယ် မင်းကိုချစ်တယ်(ဝါ)ဖြစ်ချင်တိုင်းဖြစ်ခွင့်မရတာက ဒုက္ခသစ္စာ ။
ကိုယ့်ကိုပြန်ချစ်ပါ(ဝါ)မင်းမရှိလို့မဖြစ်ဘူးဆိုတာက သမုဒယသစ္စာ ။
အဝိဇ္ဇာ ပစ္စယာ သင်္ခါရာ မင်းရဲ့အချစ်နဲ့ ကိုယ့်ကိုပြု ပြင်ပါ စီရင်ပါ ဖန်တီးပါ
ဥပါဒါန ပစ္စယာ ဘဝေါ ။
ဘာတွေပဲဖြစ်ဖြစ် ကိုယ့်ကိုချစ်တယ်လို့ ထပ်ပြောပါ ။
ရှုကွင်းရှုကွက်မှာ ကြည်ပြာရောင်သွားထပ်ကလေး ပါလာတာကလည်း
တစ်သံသရာလုံးတွက်နေရတဲ့ပုစ္ဆာပဲ ။
ကံကြောင့်ဆုံတွေ့ရတဲ့ဘဝမှာ ကံကွဲမကွဲခင်
ဉာဏ်နဲ့ကြို ခွဲပြီးနေတတ်ရမယ်ဆိုတာကလည်း
ဖြေရှင်းရခက်တဲ့ ပြဿ နာပဲ ။
ဒုက္ခဆင်းရဲအပေါင်း၏ ချစ်ခြင်းအမွန်အစ
ခန္ဓာငါးပါး ရုပ်နာမ်နှစ်ပါးဆိုပေမယ့်
မင်းအသံကြားယောင်တိုင်း အိပ်ယာကလန့်လန့်နိုးတတ်တဲ့ ဝေဒနာ ။
ကိုယ့်အိမ်မက်ထဲကို ယိုစီးပါ ။
ကိုယ့်ဘဝထဲကို စိမ့်ဝင်ပါ ။
ကိုယ့်အနာဂတ်တွေကို ဖွဲ့စည်းပါကွဲ့
ချစ်လှစွာသော ရေဓာတ်မလေး ။
ဖြည်းဖြည်းနှေးနှေး ရှုသွင်းမိလိုက်တဲ့ လေထုထဲက ဓါတ်ကြီးလေးပါးအစုအပေါင်း
ကိုယ့်ဘဝသစ်ထဲမှာ
မင်းကိုစွဲလမ်းမှု ထပ်ထည့်ပေါင်းပေးပါ ။
ပစ္စု ပ္ပါန်အကြောင်းရဲ့ထောက်ပံ့မှုနဲ့ အနာဂတ်
အကျိုးတစ်လွှာ
ကိုယ့်ကို အဖန်တလဲလဲ ပဋိသန္ဓေနေရခြင်းထဲ ပစ်ချပါ ။
အိုနာသေခြင်း ဆင်းရဲတွင်းထဲ ပစ်သွင်းပါ ။
ဇာတိအစ မရဏအဆုံး မင်းရဲ့အပြုံးမှာ အကြိမ်ကြိမ် လူဖြစ်ရှုံးစေပါ ။
ဝေဒနာ ပစ္စယာ တဏှာ
တဏှာ ပစ္စယာ ဥပါဒါနံ
အဖန်ဖန်အထပ်ထပ် ပွားများဆင်ခြင်ရဦးမယ့်
တရား ။
အရထူးတဲ့ဘဝမှာ အရူးထနေမိတဲ့ လူသားအတွက်
မင်းရဲ့ သွားထပ်ကလေးပဲပေးပါ ။
ကိုယ်က မင်းကို သံသရာတစ်ခုလုံး
ပြန်ပေးပါ့မယ် ။ ။

ဆစ်ခ်
17.4.2014
Ref : ပဋိစ္စ သမုပ္ပါဒ် ဒေသနာတော်