ဟိုတယ်

လှောင်အိမ်သဏ္ဌာန် ကျွန်တော့်အခန်းထဲ
နေက သူ့လက်ကို ပြတင်းပေါက်ကနေ
ထိုးသွင်းထည့်ထားတယ်

ကျွန်တော့်သဘောကို ပြောရရင်
စီးကရက် သောက်ချင်တယ်
အိမ်မက် မက်ချင်တယ်

အဲဒီ နေရဲ့ လက်မှာ
ကျွန်တော့် စီးကရက်ကို မီးညှိလိုက်တယ်
ကျွန်တော့်သဘောကို ပြောပြရရင်
ကျွန်တော် အလုပ်မလုပ်ချင်ဘူး

စီးကရက် သောက်ချင်တယ်
အိမ်မက် မက်ချင်တယ် ။

Apollinaire - Hotel
မောင်ကိုကို(အမရပူရ) ဘာသာပြန်ဆိုသည်