မြစ်ဟာ ယဉ်ကျေးမှုကိုသယ်ဆောင် စစ်ဟာသူ့ကျောပေါ်မှာ...
"မိတ်ဆွေတွေက တယောက်ကိုတယောက်မသတ်ဘူး
ရဲဘော်ရဲဘက်တွေက အချင်းချင်းသတ်တယ်" (မင်းသားလေး)
" ငါက တိမ်တွေနဲ့နီးရတာကြိုက်တယ် " ဆိုပြီး
တောင်ပေါ်တက်သူ တက်သွားကြ
တောင်နဲ့တောကြား
အပျိုစင်မြစ်ဖျား ချန်ရစ်သူချန်ရစ်ကြ
ဝါးဆေးတံတဆုံနဲ့
ဝါးပွတ်မီးကို လှုံသူတို့လှုံနေကြဆဲမှာဘဲ
ဝါးကိုဖောင်ဖွဲ့စုန်သူတို့စုန်ခဲ့ကြ
စိတ်တူကိုယ်တူ
ဖဝါးခုနှစ်လှမ်း အတူလျှောက်ခဲ့ကြ
လက်မောင်းသွေးအတူဖောက်ခဲ့ကြ
သောက်ခဲ့ကြတယ်
ငါနဲ့ငါ့သွေးသောက်များ
သွေးဟာရေထက်ပျစ်တယ်ဆိုတဲ့စကား
သွေးထွက်အောင်မှန်သလား
သွေးသားရင်းခြာတွေရဲ့သွေးကိုမှ
သွေးတောင်းတတ်ကြသူ
သွေးဆာနေသူတို့ရဲ့သွေးရူးသွေးတန်းတရား
သွေးပျက်အောင်မှန်လိုက်ပုံများ
ဧရာဝတီ
သံလွင်
စစ်တောင်း
" ရောဟိဏီ " မဖြစ်ခဲ့တဲ့
ငါတို့မြစ်တွေ
သွေးဟာရေနဲ့အတူစီးဆင်းခဲ့တဲ့နှစ်များ ။
ကိုသန်းထွန်း
Labels: ကိုသန်းထွန်း
posted by D Wathone Khat @ February 18, 2018
0 Comments
0 Comments:
Post a Comment
Subscribe to Post Comments [Atom]
<< Home