ရှားပါးသတ္တဝါ

ကျွန်တော့်အနေနဲ့တော့
ခင်ဗျားဟာ ရှားပါးသတ္တဝါတစ်ကောင်ပဲ
ဒါပေမယ့် မျိုးတုံးသင့်ပြီ

ခင်ဗျားဟာ ဇီဝဖြစ်စဉ်သက်သက်ထက် မပိုဘူး
ကိုယ့်ကိုယ်ကိုယ် ချွေတာတဲ့နေရာမှာလည်း နှစ်ယောက်မရှိ
လူပြက် ပြက်လုံးလို
ဒုတိယကမ္ဘာစစ်မီးနဲ့ ပြောင်းဖူးဖုတ်ရောင်းလို့
ခင်ဗျားခပ်တဲ့ ရေကလည်း
ခင်ဗျားဆေးတာနဲ့ ကုန်လို့

ကျွန်တော့်အနေနဲ့တော့
ခင်ဗျားဟာ ရှားပါးသတ္တဝါတစ်ကောင်ပဲ
ဒါပေမယ့် မျိုးတုံးသင့်နေပြီ

ခင်ဗျားဟာ ရေခဲပြင်မှာ စကိတ်စီးပြီး
ရေခဲပြင်တွေ ပျော်နေတာကို လျစ်လျူရှုသူ
ခင်ဗျားဟာ မျောက်သားလည်းစားချင်
မျောက်မျက်နှာလည်း မြင်ဖူးချင်သူ
ခင်ဗျားလက်တွေဟာ
ခင်ဗျားမျက်နှာကိုတောင် အားမနာ ပါးမနာ
ခင်ဗျားဟာ ကားသာစီးဖူးပြီး
မြင်းတွေဘာတွေ မစီးဖူးလေတော့
ဒါမှမဟုတ်
ခင်ဗျာကိုယ်ခင်ဗျားတော့ သိမှာပေါ့
အထီးလား အမလား

ကြည်ဇော်အေး
ပန်းအလင်္ကာ မဂ္ဂဇင်း ၊ ဇွန်လ ( ၂၀၀၇ ) ခုနှစ်

ရသကမ်းခြေ လပွတ္တာမှ ( ၂၀၀၇ ) ခုနှစ် ဂိမ္မန္တရာသီအတွက် အကြိုက်ဆုံး ကဗျာဆု