ကမ္ဘာကြီးပုံ

ဘယ်လောက်အံ့သြဖို့ ကောင်းပါသလဲ
ဗလာစာရွက်အဖြူပေါ်
သမီးငယ်လေး ရေးချလိုက်တဲ့
ဝလုံး ၀ိုင်းဝိုင်းလေး

ဝလုံးနဲ့လည်းတူ
ဘောလုံးနဲ့လည်းတူ
လမင်းကြီးနဲ့လည်းတူ
ကမ္ဘာကြီးနဲ့လည်း တူတာကိုး

တကယ့် ကမ္ဘာကြီးပုံက
လတ္တီတွဒ်မျဉ်းတွေ
လောင်ဂျီတွဒ်မျဉ်းတွေ ရှုပ်ယှက်ခတ်
မလှဘူး

သမီးရေးတဲ့ ကမ္ဘာကြီးပုံက
ရှင်းရှင်းလင်းလင်းနဲ့
လင်းလင်းချင်းချင်း လှ

ဝလုံးလေးက စက္ကူဖြူဖြူပေါ်မှာ
ဘောလုံးက မြက်ခင်းစိမ်းစိမ်းပေါ်မှာ
လမင်းကြီးက ကောင်းကင်ပေါ်မှာ
ကမ္ဘာကြီးက ကမ္ဘာပေါ်မှာ

ရေးတာနည်းနည်း ညံ့သွားရင်တော့
စံပယ်ပန်းလေးနဲ့ တူပြန်သပေါ့ ။


အောင်ချိမ့်
၂၀၀၁