မမိုးေ၀ဖတ္ဖို႔ကဗ်ာ (၂)

တညလံုးပဲ
တျငိမ့္ျငိမ့္သက္ဆင္း
မိုးစက္သံကိုႀကားေနရတယ္
နိုးတစ္၀က္နဲ႕
သိ သိ သိေနတာက
ညီမေလးအနားမွာရွိေနသလို
ခံစားရတယ္
အိပ္မက္လည္းမက္တယ္
ညီမေလးရဲ႕အနမ္းမ်ားနဲ႕
ကိုယ္စိုစြတ္ခဲ့ရတဲ့
မနက္ခင္းတစ္ခုမွာ
ကဗ်ာသီဖြဲ ႔မိျပန္ျပီ
အကိုေရးခဲ့တဲ့ ကဗ်ာတစ္ပုဒ္ကို
ရြတ္ဆိုေနမိေသးတယ္

                ေငြမိုး

       ညကအိမ္မက္ထဲမွာ
       ေငြမိုးေလးရြာေနတယ္
       မနက္နုိးလာေတာ့
       အျပင္မွာလည္း
       ေငြမိုးေလးရြာေနတယ္

               (ခင္၀မ္း)

အကို႔သို႔လည္းလြမ္းေပါ့ ။


မြန္စိုး