အင်္ကျီတစ်ထည်ရဲ့ အသက်ရှူသံ

ဟိုတုန်းကတော့
ဟိုတုန်းကလိုပေါ့ လေ ။

အဲဒီတုန်းက
ရင်ကော့ကော့ လူကြွား
စကားခပ်များများ အကောင်ပေါ့
အခုတော့
စပို့ရှပ် ရောင်းနေပါတယ်။

ဝယ်ပါ ကလေးရဲ့
ဦး ရောင်းတဲ့အထည်မှာ
ကမ္ဘာကြီးကိုကောင်းစေချင်တဲ့
ခေါင်းနှစ်လုံးရဲ့အပေါ်က
ဆံပင်တွေကို ဖြီးသင်ဖို့
ဘီးတစ်ချောင်းရဲ့ အဖိုးအခ
ပါ ပါတယ်။

ဝတ်ကြည့်စမ်းပါ
ကာတွန်းရုပ်အရောင်
တောက်တောက်ကြီးတွေ
ဒီအင်္ကျီမှာ ဆေးခြယ်
ထားတယ်လေ။

အေးတဲ့အချိန်အတွက် ခပ်ထူထူ
ပူတဲ့အချိန်အတွက် ခပ်ပါးပါး
ပထမတန်းစား ချပ်ဝတ်တန်ဆာ
ဘိုဆန်ဆန် စပို့ရှပ်ကလေးတွေပါ
ခန္ဓာကိုယ်ရဲ့အရှုပ်အထွေး
ဘေးကလူတွေ မသိစေရ
လုံးဝ စိတ်ချရပါတယ်။

ဝတ်စမ်းပါ ကလေးရဲ့
နိုင်လွန်ချည်နဲ့ချုပ်တဲ့အထည်
လေထုညစ်ညမ်းမှုကို ကာကွယ်လိမ့်မယ်
အဲဒီချုပ်ရိုးတွေမှာ
အယ်ကိုဟော မပါ
မှောက်ထားတဲ့ဖဲတစ်ချပ် မပါ
အဗြဟ္မာ့စရိယ မပါ
မစ္ဆရိယ မှဲ့တစ်ပေါက် မပါ
တစ်သက်လုံးတွက်တာ အာမခံလိုက်ပါရဲ့။

ကြည့်သွားပါဦး ကလေးရယ်
မျက်လုံးတွေရဲ့ငါးမျှားချိတ်
စွပ်စွဲမှုဒီဇိုင်း အင်္ကျီဆင်
ပျော်ပျော်ရွှင်ရွှင် ၀တ်လိုက်စမ်းပါ။

ဝယ်ပါ ကလေးရဲ့ … ဒါပေမယ့်
အင်္ကျီချိတ်မှာချိတ်ထားတဲ့အထည်
တွေကြားက
အင်္ကျီချိတ်မှာချိတ်ထားတဲ့ဈေးသည်
ကိုတော့
မှားဝယ် မသွားမိပါစေနဲ့ ။     ။


မောင်ပြည့်မင်း
ဟန်သစ် ၊ ဇူလိုင် ၊၁၉၉၁