ပြည်တွင်းစစ်

"ဂလက်ဒီရေတား" တွေလို
ကိုယ့်လက်ထဲကဓါး ကိုယ်မပိုင်ဘူး
ကိုယ့်အသက်က အစ
ကိုယ့်အရှင်သခင်တွေလက်ထဲ အပ်ထားရတာ
"ကိုလိုစီယမ်"ဆိုတဲ့ စည်းဝိုင်းထဲမှာ
စိတ်လှုပ်ရှားစရာ မေးခွန်းဟာ
နှစ်ယောက်လုံး သေမှာလား....
ဖြစ်ပြီး
အားလုံးသိပြီးသား အဖြေကတော့
"ဘယ်သူသေသေ..." ဖြစ်တယ်
မင်းလည်းကျွန် ငါလည်းကျွန်
သုတ်စရာ အိုးမည်းမလိုတဲ့ အိမ်ကြက်တွေ
သေလို့လည်း သူရဲကောင်းဖြစ်လာမှာ မဟုတ်ဘူး
ရှင်လည်း....ကျွန်ဘဝက မလွတ်နိုင်ဘူး။

ကိုသန်းထွန်း