ငါတို့ ပြန်လာမယ်
ငါတို့ အမိအဖတို့ထံ
ငါတို့ ပြန်လာမယ်။
ငါတို့ မိတ်ဆွေရဲဘော်တို့ထံ
ငါတို့ ပြန်လာမယ်။
ငါတို့ ချစ်သူ့ကိုယ်ငွေ့ထံ
ငါတို့ ပြန်လာမယ်။
နီညိုရောင်အုတ်ရိုးမြင့်ကြီးနဲ့
ကိုလိုနီအငွေ့အသက် မကုန်သေးတဲ့
ဖိနှိပ်မှုယန္တရားရဲ့ မနက်ခင်းအဟောင်းတွေ
လမင်းကိုတောင်
သံတိုင်ကြားက ချောင်းကြည့်ရ ညခင်းတွေ
အဝံ့စားဆုံးစိတ်ဓာတ်သားနဲ့
ငါတို့ ဖြတ်ကျော်ခဲ့ကြပြီး
ငါတို့ ပြန်လာမယ်။
တနေ့မတော့
ဆိုက်ရောက်လာမှာ သေချာပေမယ့်
နောက်ကျတတ်တဲ့ အမှန်တရားနဲ့တရားမျှတမှုကို
ငါတို့ တိုက်ခိုက်ယူငင်ခဲ့ပြီး
ငါတို့ကိုချစ်တဲ့ ငါတို့ပြည်သူတို့ထံ
တော်လှန်သော အလံတော်နဲ့အတူ
ငါတို့ ပြန်လာမယ်။ ။
ကေဇဝင်း
Labels: ကေဇ၀င်း
posted by D Wathone Khat @ April 20, 2018
0 Comments
0 Comments:
Post a Comment
Subscribe to Post Comments [Atom]
<< Home