မနက်ခင်းရဲ့ အသက်ရှူမှု့များ

         (၁)
အလင်း၏လက်
နံနက်ကိုကျောသပ်
လောကဓာတ်ရှုခင်း
အချစ်သီချင်းများ ကြားစပြုပြီ။

အသစ်သစ်များတည်ဆောက်
တံတားအောက်က ချောင်းရေ
“နေဖွဲ့” ဂါထာရွတ်ဖတ်နေ။
ကမ္ဘာထဲက “အချိန်”
မြစ်ထဲမှာရေစိမ်ဆဲ။

          (၂)
အိမ်တံခါးလာခေါက်
အံ့လောက်ဖွယ် “နှင်း”
သူငယ်ချင်းလော ရန်သူလော
ထွေပြောဟန်မူ အင်္ကျီဖြူနှင့်။

အောင်ပွဲခံသွေးသစ်
သစ်ရွက်၏ရင်ခုန်သံ
မြေယံမှာပြေးလွှား
နိမိတ်ပုံများ ထွားထွားဝေသနဲ့။

အရုဏ်၏လှေကား
ကျေးငှက်များဝိုင်းဖွဲ့
နေရဲ့အလံတော် တင်လေပြီ။


          (၃)

ဒဏ်ရာမရှိပဲ
ကြွေသွားတဲ့ ညဥ့်အလောင်း
လှည်းလမ်းကြောင်းမှာ
ရတနာဖြစ် ရွှေငွေဖြစ်ပြီ
သက္ကရာဇ်စောင်းသံ ခတ်လေလော့။

အမှောင်မိစ္ဆာ
ဇီးပင်မှာချိတ် အတိတ်မှန်စ
ကွဲကြေမွပေါ့
နောင်တများစွာ ချိုပေစွ။

          (၄)

သစ္စာမဲ့အိပ်မက်များ
အလွှားလွှားပြေးကြ
ဘ၀၏သင်ဖြူးဖျာ
အလင်္ကာများဆေးကြော
စင်ကြယ်သောခန္ဓာဗေဒ
တပ်မက်ဖို့ကောင်းလှသည်။

          (၅)

မိုးလင်းပြီးစ တစ်နာရီ
အရည်ရွှမ်းတဲ့အသက်ဓာတ်
မြင့်မြတ်ခြင်းရဲ့စံနှုန်းတစ်ခု
ရတုတစ်ပုဒ်ရဲ့နောက်ခံကား
ထမြောက်မူ တောလားပါ
ဒါဟာ . . .
အားလုံးရဲ့အိပ်ယာထမူကို
ဥခွံအသစ်တစ်ခု လဲပေးပါလိမ့်မယ်။     ။

                                                                             မြေချစ်သူ                                                                            မိုးဝေ၊ စက်တင်ဘာ၊ ၁၉၇၇
   မြေချစ်သူ ကဗျာများ ကဗျာစာအုပ်မှ