ငယ်ချစ်ဦး

ချောမဒီ
ဂေါရီရွယ် တဆယ်လေးက
ငယ်သေးလို့တဲ့ နားမလည်။

ကညာမယ်ကို
စာဆွယ်ပေးစဉ်က
“ဘာ… အမယ် … ငါ ငယ်သေးတယ်” လို့
ညှာမလွယ် ကာကွယ်ပြေးတာကြောင့်
ဝေးခဲ့ရတယ်။

လွန်ခဲ့တဲ့ နှစ်ငါးဆယ်
ချစ်အားရယ် ကြွယ်ခဲ့။

တမြန် မနေ့က
တဖန်တွေ့ကြလို့
မမေ့ပေါင် ဒီအကြောင်းကိုလ
ပြန်ပြောင်းကာ အဖိုးအို စ,လေတော့
အဖွားအို နားကို ပြကာပ
“ကြားရဘူး ဟဲ့” တဲ့။

သော်တာဆွေ
ရှုမဝ ရုပ်စုံ မဂ္ဂဇင်း ၊ အမှတ် ၂၈၅
၁၉၇၁ ဖေဖော်ဝါရီ