ဘုရားသခင်မွေးထားတဲ့ခွေး

မင်းဟာ သဲတရှပ်ရှပ်ကုမ္ပဏီရဲ့ ဝန်ထမ်းကောင်းပဲ
ငါ့အိပ်ရာပေါ်ဉာဏ်နီဉာဏ်နက်တွေ ဝမ်းသွားတယ်။

အိမ်မရှိယာမရှိပေမယ့်
သေနတ်ပင်ကြီးမှာအောက်မှာ ခေါင်းတလားရောင်းဝယ်ရေးရှိတယ်
မြင်းပုလေးစစ်ဦးစီးချုပ်ဟာ မြေဇာမြက်တွေ ပလုပ်ပလောင်း
သင်္ကန်းစီးလာတဲ့ တက္ကဆတ်ကကောင်းဘွိုင်တွေကို စားနေတယ်။
ပြည်တွင်းစစ်ထုတ်လုပ်ရေးက
အမြတ်ငွေ အမြောက်အမြားရရှိနေတယ်။
ဈေးချိုမှာရော နာရီရှိသေးလား နာရီထဲမှာရော မန္တလေးရှိသေးလား
လက်ဖျံပေါ်ကနဂါးတက်တူးဟာ စအိုဝထဲတွန့်လိမ်တိုးဝင်သွား
တစ်ခါသုံးဓားပဲသုံးပါ ငါနဲ့ဆက်ဆံရင်
လိင်ချင်စိတ်ဟာ ရုန်းကန်နေရ ရန်ကုန်ရော သေပြီလား။
ကမ်းစပ်မှာ လိင်တခုလပ်နဲ့ ငါလည်းထိုင်နေ
သူ့ကို ဝဋ်ကြီးဝဋ်ငယ်နဲ့မျောလာတာတွေ့ရ။
ညမထွက်ရ စီးကရက်ဟာ
မနူဟာဘုရားထဲဝင်အိပ်နေ။
အောက်ဖဲတွေသေနေ။
ပွန်းတွေ အသေလိုက်နေရ။
wow !!!
သူမရင်သားပေါ်မှာ
ကြောင်တွေရေချိုးနေကြစဲ။
တင့်ကားနဲ့ဆွဲမခေါ်ပါနဲ့ဗျာ
အပ်ချည်ကြိုးကလေးနဲ့လည်းလိုက်ပါတယ်။
စောက်ကြီးစောက်ကျယ်ဟာ
နတ်ပြည် ၆ ထပ်မှ စားချင်သတဲ့
စင်္ကာပူမှာကျိန်းတုန်းက ဂျပန်မှာဈာန်ရတုန်းက
အမေရိကားနဲ့ နော်ဝေမှာသိမ်တက်တုန်းကနဲ့
မြန်မာမှာ ငရဲကျတာကိုထည့်မပြောဘူး။
ငါလည်း
ဝါယာကြိုးတွေနဲ့ ရေထဲအတူတူဖြတ်လျှောက်ဖူးပါတယ်ကွာ
ရေအောက်ရှုခင်းထဲ ကန္တာရတွေအဝအပြဲ စားဘူးပါတယ်ကွာ
ဓာတ်လှေကားကြီးပြုတ်ကျလို့
အတောင် ၂ ဖက် ကြွပ်ကြွပ်အိပ်ထဲထည့်ပြီး ရေကူးပြန်ခဲ့ဘူးပါတယ်ကွာ။
ဂြိုဟ်သားကြီးတွေက လူသတ်တာ ရုပ်ရှင်ထဲမှာထက်ပိုလွယ်တယ်ဆိုနေတုန်းပဲ
ဂြိုဟ်ကောင်ကြီးတွေရဲ့အာငွေ့တွေနဲ့ဆောင်းဟာ စောင်ရေထိုးတက်နေတုန်းပဲ။

မအေပေး
Gun N' Soldiers တွေ

ခရမ်းပြာထက်လူ